| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
12. නිරොධධම්මසුත්තං
12. Nirodhadhammasuttaṃ
193. සාවත්ථිනිදානං. එකමන්තං නිසින්නො ඛො ආයස්මා රාධො භගවන්තං එතදවොච – ‘‘සාධු මෙ, භන්තෙ, භගවා සංඛිත්තෙන ධම්මං දෙසෙතු, යමහං භගවතො ධම්මං සුත්වා එකො වූපකට්ඨො අප්පමත්තො ආතාපී පහිතත්තො විහරෙය්ය’’න්ති.
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘යො ඛො, රාධ, නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො. කො ච, රාධ, නිරොධධම්මො? රූපං ඛො, රාධ, නිරොධධම්මො; තත්ර තෙ ඡන්දො පහාතබ්බො…පෙ.… වෙදනා නිරොධධම්මො; තත්ර තෙ ඡන්දො පහාතබ්බො…පෙ.… සඤ්ඤා නිරොධධම්මො; තත්ර තෙ ඡන්දො පහාතබ්බො…පෙ.… සඞ්ඛාරා නිරොධධම්මො; තත්ර තෙ ඡන්දො පහාතබ්බො…පෙ.… විඤ්ඤාණං නිරොධධම්මො; තත්ර තෙ ඡන්දො පහාතබ්බො…පෙ.… යො ඛො, රාධ, නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො’’ති 1.
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
ආයාචනවග්ගො තතියො.
Āyācanavaggo tatiyo.
තස්සුද්දානං –
Tassuddānaṃ –
මාරො ච මාරධම්මො ච, අනිච්චෙන අපරෙ දුවෙ;
Māro ca māradhammo ca, aniccena apare duve;
දුක්ඛෙන ච දුවෙ වුත්තා, අනත්තෙන තථෙව ච;
Dukkhena ca duve vuttā, anattena tatheva ca;
ඛයවයසමුදයං, නිරොධධම්මෙන ද්වාදසාති.
Khayavayasamudayaṃ, nirodhadhammena dvādasāti.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 1-11. මාරාදිසුත්තඑකාදසකවණ්ණනා • 1-11. Mārādisuttaekādasakavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 1-11. මාරාදිසුත්තඑකාදසකවණ්ණනා • 1-11. Mārādisuttaekādasakavaṇṇanā
