| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១២. និរោធធម្មសុត្តំ
12. Nirodhadhammasuttaṃ
២០៥. សាវត្ថិនិទានំ។ ឯកមន្តំ និសិន្នំ ខោ អាយស្មន្តំ រាធំ ភគវា ឯតទវោច – ‘‘យោ ខោ, រាធ, និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ។ កោ ច, រាធ, និរោធធម្មោ? រូបំ ខោ, រាធ, និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ។ វេទនា…បេ.… សញ្ញា…បេ.… សង្ខារា…បេ.… វិញ្ញាណំ និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ។ យោ ខោ, រាធ, និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ’’តិ។
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
ឧបនិសិន្នវគ្គោ ចតុត្ថោ។
Upanisinnavaggo catuttho.
តស្សុទ្ទានំ –
Tassuddānaṃ –
មារោ ច មារធម្មោ ច, អនិច្ចេន អបរេ ទុវេ;
Māro ca māradhammo ca, aniccena apare duve;
ទុក្ខេន ច ទុវេ វុត្តា, អនត្តេន តថេវ ច;
Dukkhena ca duve vuttā, anattena tatheva ca;
ខយវយសមុទយំ, និរោធធម្មេន ទ្វាទសាតិ។
Khayavayasamudayaṃ, nirodhadhammena dvādasāti.
រាធសំយុត្តំ សមត្តំ។
Rādhasaṃyuttaṃ samattaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១១. មារាទិសុត្តឯកាទសកវណ្ណនា • 1-11. Mārādisuttaekādasakavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១១. មារាទិសុត្តឯកាទសកវណ្ណនា • 1-11. Mārādisuttaekādasakavaṇṇanā
