| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૨. નિરોધધમ્મસુત્તં
12. Nirodhadhammasuttaṃ
૨૦૫. સાવત્થિનિદાનં. એકમન્તં નિસિન્નં ખો આયસ્મન્તં રાધં ભગવા એતદવોચ – ‘‘યો ખો, રાધ, નિરોધધમ્મો; તત્ર તે છન્દો પહાતબ્બો, રાગો પહાતબ્બો, છન્દરાગો પહાતબ્બો. કો ચ, રાધ, નિરોધધમ્મો? રૂપં ખો, રાધ, નિરોધધમ્મો; તત્ર તે છન્દો પહાતબ્બો, રાગો પહાતબ્બો, છન્દરાગો પહાતબ્બો. વેદના…પે॰… સઞ્ઞા…પે॰… સઙ્ખારા…પે॰… વિઞ્ઞાણં નિરોધધમ્મો; તત્ર તે છન્દો પહાતબ્બો, રાગો પહાતબ્બો, છન્દરાગો પહાતબ્બો. યો ખો, રાધ, નિરોધધમ્મો; તત્ર તે છન્દો પહાતબ્બો, રાગો પહાતબ્બો, છન્દરાગો પહાતબ્બો’’તિ.
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
ઉપનિસિન્નવગ્ગો ચતુત્થો.
Upanisinnavaggo catuttho.
તસ્સુદ્દાનં –
Tassuddānaṃ –
મારો ચ મારધમ્મો ચ, અનિચ્ચેન અપરે દુવે;
Māro ca māradhammo ca, aniccena apare duve;
દુક્ખેન ચ દુવે વુત્તા, અનત્તેન તથેવ ચ;
Dukkhena ca duve vuttā, anattena tatheva ca;
ખયવયસમુદયં, નિરોધધમ્મેન દ્વાદસાતિ.
Khayavayasamudayaṃ, nirodhadhammena dvādasāti.
રાધસંયુત્તં સમત્તં.
Rādhasaṃyuttaṃ samattaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧-૧૧. મારાદિસુત્તએકાદસકવણ્ણના • 1-11. Mārādisuttaekādasakavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧-૧૧. મારાદિસુત્તએકાદસકવણ્ણના • 1-11. Mārādisuttaekādasakavaṇṇanā
