| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१२. निरोधधम्मसुत्तं
12. Nirodhadhammasuttaṃ
१९३. सावत्थिनिदानं। एकमन्तं निसिन्नो खो आयस्मा राधो भगवन्तं एतदवोच – ‘‘साधु मे, भन्ते, भगवा संखित्तेन धम्मं देसेतु, यमहं भगवतो धम्मं सुत्वा एको वूपकट्ठो अप्पमत्तो आतापी पहितत्तो विहरेय्य’’न्ति।
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘यो खो, राध, निरोधधम्मो; तत्र ते छन्दो पहातब्बो, रागो पहातब्बो, छन्दरागो पहातब्बो। को च, राध, निरोधधम्मो? रूपं खो, राध, निरोधधम्मो; तत्र ते छन्दो पहातब्बो…पे॰… वेदना निरोधधम्मो; तत्र ते छन्दो पहातब्बो…पे॰… सञ्ञा निरोधधम्मो; तत्र ते छन्दो पहातब्बो…पे॰… सङ्खारा निरोधधम्मो; तत्र ते छन्दो पहातब्बो…पे॰… विञ्ञाणं निरोधधम्मो; तत्र ते छन्दो पहातब्बो…पे॰… यो खो, राध, निरोधधम्मो; तत्र ते छन्दो पहातब्बो, रागो पहातब्बो, छन्दरागो पहातब्बो’’ति 1।
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
आयाचनवग्गो ततियो।
Āyācanavaggo tatiyo.
तस्सुद्दानं –
Tassuddānaṃ –
मारो च मारधम्मो च, अनिच्चेन अपरे दुवे।
Māro ca māradhammo ca, aniccena apare duve;
दुक्खेन च दुवे वुत्ता, अनत्तेन तथेव च।
Dukkhena ca duve vuttā, anattena tatheva ca;
खयवयसमुदयं, निरोधधम्मेन द्वादसाति॥
Khayavayasamudayaṃ, nirodhadhammena dvādasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १-११. मारादिसुत्तएकादसकवण्णना • 1-11. Mārādisuttaekādasakavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १-११. मारादिसुत्तएकादसकवण्णना • 1-11. Mārādisuttaekādasakavaṇṇanā
