| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. нирод̇хад̇хаммасуд̇д̇ам̣
12. Nirodhadhammasuttaṃ
205. саавад̇т̇инид̣̇аанам̣. згаманд̇ам̣ нисиннам̣ ко ааяасманд̇ам̣ раад̇хам̣ бхаг̇аваа зд̇ад̣̇авожа – ‘‘яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. го жа, раад̇ха, нирод̇хад̇хаммо? руубам̣ ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. взд̣̇анаа…бз… сан̃н̃аа…бз… сан̇каараа…бз… вин̃н̃аан̣ам̣ нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о. яо ко, раад̇ха, нирод̇хад̇хаммо; д̇ад̇ра д̇з чанд̣̇о бахаад̇аб̣б̣о, рааг̇о бахаад̇аб̣б̣о, чанд̣̇арааг̇о бахаад̇аб̣б̣о’’д̇и.
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
убанисиннаваг̇г̇о жад̇уд̇т̇о.
Upanisinnavaggo catuttho.
д̇ассуд̣̇д̣̇аанам̣ –
Tassuddānaṃ –
мааро жа маарад̇хаммо жа, анижжзна абарз д̣̇увз;
Māro ca māradhammo ca, aniccena apare duve;
д̣̇угкзна жа д̣̇увз вуд̇д̇аа, анад̇д̇зна д̇ат̇зва жа;
Dukkhena ca duve vuttā, anattena tatheva ca;
каяаваяасамуд̣̇аяам̣, нирод̇хад̇хаммзна д̣̇ваад̣̇асаад̇и.
Khayavayasamudayaṃ, nirodhadhammena dvādasāti.
раад̇хасам̣яуд̇д̇ам̣ самад̇д̇ам̣.
Rādhasaṃyuttaṃ samattaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-11. маараад̣̇исуд̇д̇азгаад̣̇асагаван̣н̣анаа • 1-11. Mārādisuttaekādasakavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-11. маараад̣̇исуд̇д̇азгаад̣̇асагаван̣н̣анаа • 1-11. Mārādisuttaekādasakavaṇṇanā
