| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. নিরোধধম্মসুত্তং
12. Nirodhadhammasuttaṃ
২০৫. সাৰত্থিনিদানং। একমন্তং নিসিন্নং খো আযস্মন্তং রাধং ভগৰা এতদৰোচ – ‘‘যো খো, রাধ, নিরোধধম্মো; তত্র তে ছন্দো পহাতব্বো, রাগো পহাতব্বো, ছন্দরাগো পহাতব্বো। কো চ, রাধ, নিরোধধম্মো? রূপং খো, রাধ, নিরোধধম্মো; তত্র তে ছন্দো পহাতব্বো, রাগো পহাতব্বো, ছন্দরাগো পহাতব্বো। ৰেদনা…পে॰… সঞ্ঞা…পে॰… সঙ্খারা…পে॰… ৰিঞ্ঞাণং নিরোধধম্মো; তত্র তে ছন্দো পহাতব্বো, রাগো পহাতব্বো, ছন্দরাগো পহাতব্বো। যো খো, রাধ, নিরোধধম্মো; তত্র তে ছন্দো পহাতব্বো, রাগো পহাতব্বো, ছন্দরাগো পহাতব্বো’’তি।
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
উপনিসিন্নৰগ্গো চতুত্থো।
Upanisinnavaggo catuttho.
তস্সুদ্দানং –
Tassuddānaṃ –
মারো চ মারধম্মো চ, অনিচ্চেন অপরে দুৰে।
Māro ca māradhammo ca, aniccena apare duve;
দুক্খেন চ দুৰে ৰুত্তা, অনত্তেন তথেৰ চ।
Dukkhena ca duve vuttā, anattena tatheva ca;
খযৰযসমুদযং, নিরোধধম্মেন দ্ৰাদসাতি॥
Khayavayasamudayaṃ, nirodhadhammena dvādasāti.
রাধসংযুত্তং সমত্তং।
Rādhasaṃyuttaṃ samattaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১১. মারাদিসুত্তএকাদসকৰণ্ণনা • 1-11. Mārādisuttaekādasakavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১১. মারাদিসুত্তএকাদসকৰণ্ণনা • 1-11. Mārādisuttaekādasakavaṇṇanā
