| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. নিরোধধম্মসুত্তং
12. Nirodhadhammasuttaṃ
১৮১. সাৰত্থিনিদানং। একমন্তং নিসিন্নো খো আযস্মা রাধো ভগৰন্তং এতদৰোচ – ‘‘‘নিরোধধম্মো, নিরোধধম্মো’তি , ভন্তে, ৰুচ্চতি। কতমো নু খো, ভন্তে, নিরোধধম্মো’’তি? ‘‘রূপং খো, রাধ, নিরোধধম্মো, ৰেদনা নিরোধধম্মো, সঞ্ঞা নিরোধধম্মো, সঙ্খারা নিরোধধম্মো, ৰিঞ্ঞাণং নিরোধধম্মো। এৰং পস্সং…পে॰… নাপরং ইত্থত্তাযাতি পজানাতী’’তি। দ্ৰাদসমং।
181. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘‘nirodhadhammo, nirodhadhammo’ti , bhante, vuccati. Katamo nu kho, bhante, nirodhadhammo’’ti? ‘‘Rūpaṃ kho, rādha, nirodhadhammo, vedanā nirodhadhammo, saññā nirodhadhammo, saṅkhārā nirodhadhammo, viññāṇaṃ nirodhadhammo. Evaṃ passaṃ…pe… nāparaṃ itthattāyāti pajānātī’’ti. Dvādasamaṃ.
রাধসংযুত্তস্স দুতিযো ৰগ্গো।
Rādhasaṃyuttassa dutiyo vaggo.
তস্সুদ্দানং –
Tassuddānaṃ –
মারো চ মারধম্মো চ, অনিচ্চেন অপরে দুৰে।
Māro ca māradhammo ca, aniccena apare duve;
খযৰযসমুদযং, নিরোধধম্মেন দ্ৰাদসাতি॥
Khayavayasamudayaṃ, nirodhadhammena dvādasāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১২. মারসুত্তাদিৰণ্ণনা • 1-12. Mārasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১২. মারসুত্তাদিৰণ্ণনা • 1-12. Mārasuttādivaṇṇanā
