| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
११. निरामिससुत्तवण्णना
11. Nirāmisasuttavaṇṇanā
२७९. एकादसमे सामिसाति किलेसामिसेन सामिसा। निरामिसतराति निरामिसायपि झानपीतिया निरामिसतराव। ननु च द्वीसु झानेसु पीति महग्गतापि होति लोकुत्तरापि, पच्चवेक्खणपीति लोकियाव, सा कस्मा निरामिसतरा जाताति? सन्तपणीतधम्मपच्चवेक्खणवसेन उप्पन्नत्ता। यथा हि राजवल्लभो चूळुपट्ठाको अप्पटिहारिकं यथासुखं राजकुलं पविसन्तो सेट्ठिसेनापतिआदयो पादेन पहरन्तोपि न गणेति। कस्मा? रञ्ञो आसन्नपरिचारकत्ता। इति सो तेहि उत्तरितरो होति, एवमयम्पि सन्तपणीतधम्मपच्चवेक्खणवसेन उप्पन्नत्ता लोकुत्तरपीतितोपि उत्तरितराति वेदितब्बा। सेसवारेसुपि एसेव नयो।
279. Ekādasame sāmisāti kilesāmisena sāmisā. Nirāmisatarāti nirāmisāyapi jhānapītiyā nirāmisatarāva. Nanu ca dvīsu jhānesu pīti mahaggatāpi hoti lokuttarāpi, paccavekkhaṇapīti lokiyāva, sā kasmā nirāmisatarā jātāti? Santapaṇītadhammapaccavekkhaṇavasena uppannattā. Yathā hi rājavallabho cūḷupaṭṭhāko appaṭihārikaṃ yathāsukhaṃ rājakulaṃ pavisanto seṭṭhisenāpatiādayo pādena paharantopi na gaṇeti. Kasmā? Rañño āsannaparicārakattā. Iti so tehi uttaritaro hoti, evamayampi santapaṇītadhammapaccavekkhaṇavasena uppannattā lokuttarapītitopi uttaritarāti veditabbā. Sesavāresupi eseva nayo.
विमोक्खवारे पन रूपपटिसंयुत्तो विमोक्खो अत्तनो आरम्मणभूतेन रूपामिसवसेनेव सामिसो नाम, अरूपपटिसंयुत्तो रूपामिसाभावेन निरामिसो नामाति।
Vimokkhavāre pana rūpapaṭisaṃyutto vimokkho attano ārammaṇabhūtena rūpāmisavaseneva sāmiso nāma, arūpapaṭisaṃyutto rūpāmisābhāvena nirāmiso nāmāti.
वेदनासंयुत्तवण्णना निट्ठिता।
Vedanāsaṃyuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ११. निरामिससुत्तं • 11. Nirāmisasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ११. निरामिससुत्तवण्णना • 11. Nirāmisasuttavaṇṇanā
