| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. நிபன்னஞ்ஜலிகத்தே²ரஅபதா³னங்
3. Nipannañjalikattheraapadānaṃ
16.
16.
‘‘ருக்க²மூலே நிஸின்னோஹங், ப்³யாதி⁴தோ பரமேன ச;
‘‘Rukkhamūle nisinnohaṃ, byādhito paramena ca;
பரமகாருஞ்ஞபத்தொம்ஹி, அரஞ்ஞே கானநே அஹங்.
Paramakāruññapattomhi, araññe kānane ahaṃ.
17.
17.
‘‘அனுகம்பங் உபாதா³ய, திஸ்ஸோ ஸத்தா² உபேஸி மங்;
‘‘Anukampaṃ upādāya, tisso satthā upesi maṃ;
ஸோஹங் நிபன்னகோ ஸந்தோ, ஸிரே கத்வான அஞ்ஜலிங்.
Sohaṃ nipannako santo, sire katvāna añjaliṃ.
18.
18.
‘‘பஸன்னசித்தோ ஸுமனோ, ஸப்³ப³ஸத்தானமுத்தமங்;
‘‘Pasannacitto sumano, sabbasattānamuttamaṃ;
ஸம்பு³த்³த⁴ங் அபி⁴வாதெ³த்வா, தத்த² காலங்கதோ அஹங்.
Sambuddhaṃ abhivādetvā, tattha kālaṅkato ahaṃ.
19.
19.
‘‘த்³வேனவுதே இதோ கப்பே, யங் வந்தி³ங் புரிஸுத்தமங்;
‘‘Dvenavute ito kappe, yaṃ vandiṃ purisuttamaṃ;
து³க்³க³திங் நாபி⁴ஜானாமி, வந்த³னாய இத³ங் ப²லங்.
Duggatiṃ nābhijānāmi, vandanāya idaṃ phalaṃ.
20.
20.
‘‘இதோ பஞ்சமகே கப்பே, பஞ்சேவாஸுங் மஹாஸிகா²;
‘‘Ito pañcamake kappe, pañcevāsuṃ mahāsikhā;
ஸத்தரதனஸம்பன்னா, சக்கவத்தீ மஹப்³ப³லா.
Sattaratanasampannā, cakkavattī mahabbalā.
21.
21.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நிபன்னஞ்ஜலிகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā nipannañjaliko thero imā gāthāyo abhāsitthāti.
நிபன்னஞ்ஜலிகத்தே²ரஸ்ஸாபதா³னங் ததியங்.
Nipannañjalikattherassāpadānaṃ tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. நிபன்னஞ்ஜலிகத்தே²ரஅபதா³னவண்ணனா • 3. Nipannañjalikattheraapadānavaṇṇanā
