| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. நிமித்தப்³யாகரணியத்தே²ரஅபதா³னங்
10. Nimittabyākaraṇiyattheraapadānaṃ
59.
59.
‘‘அஜ்ஜோ²கா³ஹெத்வா ஹிமவங், மந்தே வாசே மஹங் ததா³;
‘‘Ajjhogāhetvā himavaṃ, mante vāce mahaṃ tadā;
சதுபஞ்ஞாஸஸஹஸ்ஸானி, ஸிஸ்ஸா மய்ஹங் உபட்ட²ஹுங்.
Catupaññāsasahassāni, sissā mayhaṃ upaṭṭhahuṃ.
60.
60.
‘‘அதி⁴தா வேத³கூ³ ஸப்³பே³, ச²ளங்கே³ பாரமிங் க³தா;
‘‘Adhitā vedagū sabbe, chaḷaṅge pāramiṃ gatā;
ஸகவிஜ்ஜாஹுபத்த²த்³தா⁴, ஹிமவந்தே வஸந்தி தே.
Sakavijjāhupatthaddhā, himavante vasanti te.
61.
61.
‘‘சவித்வா துஸிதா காயா, தே³வபுத்தோ மஹாயஸோ;
‘‘Cavitvā tusitā kāyā, devaputto mahāyaso;
உப்பஜ்ஜி மாதுகுச்சி²ஸ்மிங், ஸம்பஜானோ பதிஸ்ஸதோ.
Uppajji mātukucchismiṃ, sampajāno patissato.
62.
62.
‘‘ஸம்பு³த்³தே⁴ உபபஜ்ஜந்தே, த³ஸஸஹஸ்ஸி கம்பத²;
‘‘Sambuddhe upapajjante, dasasahassi kampatha;
அந்தா⁴ சக்கு²ங் அலபி⁴ங்ஸு, உப்பஜ்ஜந்தம்ஹி நாயகே.
Andhā cakkhuṃ alabhiṃsu, uppajjantamhi nāyake.
63.
63.
‘‘ஸப்³பா³காரங் பகம்பித்த², கேவலா வஸுதா⁴ அயங்;
‘‘Sabbākāraṃ pakampittha, kevalā vasudhā ayaṃ;
64.
64.
‘‘ஸப்³பே³ ஜனா ஸமாக³ம்ம, ஆக³ச்சு²ங் மம ஸந்திகங்;
‘‘Sabbe janā samāgamma, āgacchuṃ mama santikaṃ;
வஸுதா⁴யங் பகம்பித்த², கிங் விபாகோ ப⁴விஸ்ஸதி.
Vasudhāyaṃ pakampittha, kiṃ vipāko bhavissati.
65.
65.
66.
66.
ததா² நிமித்தா தி³ஸ்ஸந்தி, ஓபா⁴ஸோ விபுலோ மஹா.
Tathā nimittā dissanti, obhāso vipulo mahā.
67.
67.
‘‘அஸங்ஸயங் பு³த்³த⁴ஸெட்டோ², உப்பஜ்ஜிஸ்ஸதி சக்கு²மா;
‘‘Asaṃsayaṃ buddhaseṭṭho, uppajjissati cakkhumā;
ஸஞ்ஞாபெத்வான ஜனதங், பஞ்சஸீலே கதே²ஸஹங்.
Saññāpetvāna janataṃ, pañcasīle kathesahaṃ.
68.
68.
‘‘ஸுத்வான பஞ்ச ஸீலானி, பு³த்³து⁴ப்பாத³ஞ்ச து³ல்லப⁴ங்;
‘‘Sutvāna pañca sīlāni, buddhuppādañca dullabhaṃ;
உப்³பே³க³ஜாதா ஸுமனா, துட்ட²ஹட்டா² அஹங்ஸு தே.
Ubbegajātā sumanā, tuṭṭhahaṭṭhā ahaṃsu te.
69.
69.
‘‘த்³வேனவுதே இதோ கப்பே, யங் நிமித்தங் வியாகரிங்;
‘‘Dvenavute ito kappe, yaṃ nimittaṃ viyākariṃ;
து³க்³க³திங் நாபி⁴ஜானாமி, ப்³யாகரணஸ்ஸித³ங் ப²லங்.
Duggatiṃ nābhijānāmi, byākaraṇassidaṃ phalaṃ.
70.
70.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
71.
71.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
72.
72.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நிமித்தப்³யாகரணியோ தே²ரோ இமா
Itthaṃ sudaṃ āyasmā nimittabyākaraṇiyo thero imā
கா³தா²யோ அபா⁴ஸித்தா²தி.
Gāthāyo abhāsitthāti.
நிமித்தப்³யாகரணியத்தே²ரஸ்ஸாபதா³னங் த³ஸமங்.
Nimittabyākaraṇiyattherassāpadānaṃ dasamaṃ.
ஸாலகுஸுமியவக்³கோ³ ஸத்தசத்தாலீஸமோ.
Sālakusumiyavaggo sattacattālīsamo.
தஸ்ஸுத்³தா³னங் –
Tassuddānaṃ –
ஸாலகுஸுமியோ தே²ரோ, பூஜா நிப்³பா³பகோபி ச;
Sālakusumiyo thero, pūjā nibbāpakopi ca;
ஸேதுதோ³ தாலவண்டீ ச, அவடலபு³ஜப்பதோ³.
Setudo tālavaṇṭī ca, avaṭalabujappado.
பிலக்க²படிபா⁴னீ ச, வெய்யாகரணியோ தி³ஜோ;
Pilakkhapaṭibhānī ca, veyyākaraṇiyo dijo;
த்³வேஸத்ததி ச கா³தா²யோ, க³ணிதாயோ விபா⁴விபி⁴.
Dvesattati ca gāthāyo, gaṇitāyo vibhāvibhi.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-60. ஸகிங்ஸம்மஜ்ஜகத்தே²ரஅபதா³னாதி³வண்ணனா • 1-60. Sakiṃsammajjakattheraapadānādivaṇṇanā
