| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೬. ಸೋಳಸಮವಗ್ಗೋ
16. Soḷasamavaggo
೧. ನಿಗ್ಗಹಕಥಾವಣ್ಣನಾ
1. Niggahakathāvaṇṇanā
೭೪೩-೭೪೪. ಇದಾನಿ ನಿಗ್ಗಹಕಥಾ ನಾಮ ಹೋತಿ। ತತ್ಥ ಯೇ ಲೋಕೇ ಬಲಪ್ಪತ್ತಾ ವಸೀಭೂತಾ, ತೇ ಯದಿ ಪರಸ್ಸ ಚಿತ್ತಂ ನಿಗ್ಗಣ್ಹಿತುಂ ನ ಸಕ್ಕುಣೇಯ್ಯುಂ, ಕಾ ತೇಸಂ ಬಲಪ್ಪತ್ತಿ, ಕೋ ವಸೀಭಾವೋ। ಬಲಪ್ಪತ್ತಿಯಾ ಪನ ವಸೀಭಾವೇನ ಚ ಅದ್ಧಾ ತೇ ಪರಸ್ಸ ಚಿತ್ತಂ ನಿಗ್ಗಣ್ಹನ್ತೀತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಙ್ಘಿಕಾನಂ; ತೇ ಸನ್ಧಾಯ ಪರೋ ಪರಸ್ಸಾತಿ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ತತ್ಥ ನಿಗ್ಗಣ್ಹಾತೀತಿ ಸಂಕಿಲೇಸಾಪತ್ತಿತೋ ನಿವಾರೇತಿ। ಸೇಸಮೇತ್ಥ ಯಥಾಪಾಳಿಮೇವ ನಿಯ್ಯಾತೀತಿ। ಪಗ್ಗಹಕಥಾಯಪಿ ಏಸೇವ ನಯೋ।
743-744. Idāni niggahakathā nāma hoti. Tattha ye loke balappattā vasībhūtā, te yadi parassa cittaṃ niggaṇhituṃ na sakkuṇeyyuṃ, kā tesaṃ balappatti, ko vasībhāvo. Balappattiyā pana vasībhāvena ca addhā te parassa cittaṃ niggaṇhantīti yesaṃ laddhi, seyyathāpi mahāsaṅghikānaṃ; te sandhāya paro parassāti pucchā sakavādissa, paṭiññā itarassa. Tattha niggaṇhātīti saṃkilesāpattito nivāreti. Sesamettha yathāpāḷimeva niyyātīti. Paggahakathāyapi eseva nayo.
ನಿಗ್ಗಹಕಥಾವಣ್ಣನಾ।
Niggahakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೫೬) ೧. ನಿಗ್ಗಹಕಥಾ • (156) 1. Niggahakathā
