| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၆. သောဠသမဝဂ္ဂော
16. Soḷasamavaggo
၁. နိဂ္ဂဟကထာဝဏ္ဏနာ
1. Niggahakathāvaṇṇanā
၇၄၃-၇၄၄. ဣဒာနိ နိဂ္ဂဟကထာ နာမ ဟောတိ။ တတ္ထ ယေ လောကေ ဗလပ္ပတ္တာ ဝသီဘူတာ, တေ ယဒိ ပရသ္သ စိတ္တံ နိဂ္ဂဏ္ဟိတုံ န သက္ကုဏေယ္ယုံ, ကာ တေသံ ဗလပ္ပတ္တိ, ကော ဝသီဘာဝော။ ဗလပ္ပတ္တိယာ ပန ဝသီဘာဝေန စ အဒ္ဓာ တေ ပရသ္သ စိတ္တံ နိဂ္ဂဏ္ဟန္တီတိ ယေသံ လဒ္ဓိ, သေယ္ယထာပိ မဟာသင္ဃိကာနံ; တေ သန္ဓာယ ပရော ပရသ္သာတိ ပုစ္ဆာ သကဝာဒိသ္သ, ပဋိညာ ဣတရသ္သ။ တတ္ထ နိဂ္ဂဏ္ဟာတီတိ သံကိလေသာပတ္တိတော နိဝာရေတိ။ သေသမေတ္ထ ယထာပာဠိမေဝ နိယ္ယာတီတိ။ ပဂ္ဂဟကထာယပိ ဧသေဝ နယော။
743-744. Idāni niggahakathā nāma hoti. Tattha ye loke balappattā vasībhūtā, te yadi parassa cittaṃ niggaṇhituṃ na sakkuṇeyyuṃ, kā tesaṃ balappatti, ko vasībhāvo. Balappattiyā pana vasībhāvena ca addhā te parassa cittaṃ niggaṇhantīti yesaṃ laddhi, seyyathāpi mahāsaṅghikānaṃ; te sandhāya paro parassāti pucchā sakavādissa, paṭiññā itarassa. Tattha niggaṇhātīti saṃkilesāpattito nivāreti. Sesamettha yathāpāḷimeva niyyātīti. Paggahakathāyapi eseva nayo.
နိဂ္ဂဟကထာဝဏ္ဏနာ။
Niggahakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၅၆) ၁. နိဂ္ဂဟကထာ • (156) 1. Niggahakathā
