| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
ਅવਸਾਨਗਾਥਾਸੁ ਉਭਤੋવਿਭਙ੍ਗ-ਖਨ੍ਧਕ-ਪਰਿવਾਰੇਹਿ વਿਭਤ੍ਤਤ੍ਤਾ વਿਭਾਗਪਟਿਦੇਸਨਾ ਯਸ੍ਮਿਂ વਿਨਯਪਿਟਕੇ। ਸੋ ਉਭਤੋવਿਭਙ੍ਗ-ਖਨ੍ਧਕ-ਪਰਿવਾਰવਿਭਤ੍ਤਦੇਸਨੋ ਆਹਾਤਿ ਯੋਜਨਾ। ਤਸ੍ਸਾਤਿ વਿਨਯਪਿਟਕਸ੍ਸ।
Avasānagāthāsu ubhatovibhaṅga-khandhaka-parivārehi vibhattattā vibhāgapaṭidesanā yasmiṃ vinayapiṭake. So ubhatovibhaṅga-khandhaka-parivāravibhattadesano āhāti yojanā. Tassāti vinayapiṭakassa.
ਸਤ੍ਥੁ ਮਹਾਬੋਧੀਤਿ ਦਕ੍ਖਿਣਸਾਖਂ ਸਨ੍ਧਾਯ વਦਤਿ। ਯਂ ਪਧਾਨਘਰਂ ਨਾਮ ਪਰਿવੇਣਂ, ਤਤ੍ਥ ਚਾਰੁਪਾਕਾਰੇਨ ਸਞ੍ਚਿਤਂ ਪਰਿਕ੍ਖਿਤ੍ਤਂ ਯਂ ਪਾਸਾਦਂ ਕਾਰਯਿ, ਤਤ੍ਰ ਤਸ੍ਮਿਂ ਮਹਾਨਿਗਮਸਾਮਿਨੋ ਪਾਸਾਦੇ વਸਤਾਤਿ ਯੋਜੇਤਬ੍ਬਾ।
Satthu mahābodhīti dakkhiṇasākhaṃ sandhāya vadati. Yaṃ padhānagharaṃ nāma pariveṇaṃ, tattha cārupākārena sañcitaṃ parikkhittaṃ yaṃ pāsādaṃ kārayi, tatra tasmiṃ mahānigamasāmino pāsāde vasatāti yojetabbā.
ਬੁਦ੍ਧਸਿਰਿਂ ਉਦ੍ਦਿਸਿਤ੍વਾ ਨਿਸ੍ਸਾਯ, ਤਸ੍ਸ વਾ ਅਜ੍ਝੇਸਨਮ੍ਪਿ ਪਟਿਚ੍ਚ ਯਾ ਇਦ੍ਧਾ ਪਰਿਪੁਣ੍ਣવਿਨਿਚ੍ਛਯਤਾਯ ਸਮਿਦ੍ਧਾ વਿਨਯਸਂવਣ੍ਣਨਾ ਆਰਦ੍ਧਾਤਿ ਯੋਜਨਾ।
Buddhasiriṃ uddisitvā nissāya, tassa vā ajjhesanampi paṭicca yā iddhā paripuṇṇavinicchayatāya samiddhā vinayasaṃvaṇṇanā āraddhāti yojanā.
ਸਿਰਿਨਿવਾਸਸ੍ਸਾਤਿ ਸਿਰਿਯਾ ਨਿવਾਸਨਟ੍ਠਾਨਭੂਤਸ੍ਸ ਸਿਰਿਪਾਲਨਾਮਕਸ੍ਸ ਰਞ੍ਞੋ। ਜਯਸਂવਚ੍ਛਰੇਤਿ વਿਜਯਯੁਤ੍ਤੇ ਸਂવਚ੍ਛਰੇ। ਆਰਦ੍ਧਕਾਲਦਸ੍ਸਨਤ੍ਥਂ ਪੁਨ ‘‘ਜਯਸਂવਚ੍ਛਰੇ ਅਯਂ ਆਰਦ੍ਧਾ’’ਤਿ વੁਤ੍ਤਂ।
Sirinivāsassāti siriyā nivāsanaṭṭhānabhūtassa siripālanāmakassa rañño. Jayasaṃvacchareti vijayayutte saṃvacchare. Āraddhakāladassanatthaṃ puna ‘‘jayasaṃvacchare ayaṃ āraddhā’’ti vuttaṃ.
ਕਾਲੇ વਸ੍ਸਨ੍ਤਿ ਯੁਤ੍ਤਕਾਲੇ વਸ੍ਸਨਸੀਲੋ। ਦੇવੋਤਿ ਮੇਘੋ।
Kālevassanti yuttakāle vassanasīlo. Devoti megho.
ਨਿਗਮਨਕਥਾવਣ੍ਣਨਾ ਨਿਟ੍ਠਿਤਾ।
Nigamanakathāvaṇṇanā niṭṭhitā.
