| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
ਸਕਲਰੂਪਾਰੂਪਸਮ੍ਮਸਨੇ ਸਣ੍ਹਸੁਖੁਮવਿਸਯਞਾਣਤਾਯ વਿਪਸ੍ਸਨਾਚਾਰਨਿਪੁਣਬੁਦ੍ਧੀਨਂ ਸੁਸਂਯਤਕਾਯવਚੀਸਮਾਚਾਰਤਾਯ ਸਮਥવਿਪਸ੍ਸਨਾਸੁ ਸਮ੍ਮਦੇવ ਯਤਨਤੋ ਚ ਯਤੀਨਂ ਭਿਕ੍ਖੂਨਂ ਖਨ੍ਧਾਯਤਨਧਾਤੁਸਚ੍ਚਿਨ੍ਦ੍ਰਿਯਪਟਿਚ੍ਚਸਮੁਪ੍ਪਾਦਭੇਦੇ ਪਰਮਤ੍ਥਧਮ੍ਮੇ ਨਾਨਾਨਯੇਹਿ ਞਾਣવਿਭਾਗਸ੍ਸ ਸਨ੍ਨਿਸ੍ਸਯੇਨ ਬਹੁਕਾਰਸ੍ਸ ਸਂਯੁਤ੍ਤਾਗਮવਰਸ੍ਸ ਅਤ੍ਥਸਂવਣ੍ਣਨਂ ਕਾਤੁਂ ਸਾਰਤ੍ਥਪ੍ਪਕਾਸਨਤੋ ਏવ ਨਿਪੁਣਾ ਯਾ ਮਯਾ ਅਟ੍ਠਕਥਾ ਆਰਦ੍ਧਾਤਿ ਸਮ੍ਬਨ੍ਧੋ। ਸવਿਸੇਸਂ ਪਞ੍ਞਾવਹਗੁਣਤ੍ਤਾ ਏવ ਹਿਸ੍ਸ ਗਨ੍ਥਾਰਮ੍ਭੇ ਆਦਿਤੋਪਿ ‘‘ਪਞ੍ਞਾਪਭੇਦਜਨਨਸ੍ਸਾ’’ਤਿ વੁਤ੍ਤਂ। ਮਹਾਅਟ੍ਠਕਥਾਯ ਸਾਰਨ੍ਤਿ ਸਂਯੁਤ੍ਤਮਹਾਅਟ੍ਠਕਥਾਯ ਸਾਰਂ। ਏਕੂਨਸਟ੍ਠਿਮਤ੍ਤੋਤਿ ਥੋਕਂ ਊਨਭਾવਤੋ ਮਤ੍ਤ-ਸਦ੍ਦਗ੍ਗਹਣਂ।
Sakalarūpārūpasammasane saṇhasukhumavisayañāṇatāya vipassanācāranipuṇabuddhīnaṃ susaṃyatakāyavacīsamācāratāya samathavipassanāsu sammadeva yatanato ca yatīnaṃ bhikkhūnaṃ khandhāyatanadhātusaccindriyapaṭiccasamuppādabhede paramatthadhamme nānānayehi ñāṇavibhāgassa sannissayena bahukārassa saṃyuttāgamavarassa atthasaṃvaṇṇanaṃ kātuṃ sāratthappakāsanato eva nipuṇā yā mayā aṭṭhakathā āraddhāti sambandho. Savisesaṃ paññāvahaguṇattā eva hissa ganthārambhe āditopi ‘‘paññāpabhedajananassā’’ti vuttaṃ. Mahāaṭṭhakathāya sāranti saṃyuttamahāaṭṭhakathāya sāraṃ. Ekūnasaṭṭhimattoti thokaṃ ūnabhāvato matta-saddaggahaṇaṃ.
ਮੂਲਟ੍ਠਕਥਾਯ ਸਾਰਨ੍ਤਿ ਪੁਬ੍ਬੇ વੁਤ੍ਤਸਂਯੁਤ੍ਤਮਹਾਅਟ੍ਠਕਥਾਯ ਸਾਰਮੇવ ਪੁਨ ਨਿਗਮਨવਸੇਨ વੁਤ੍ਤਨ੍ਤਿ। ਅਥ વਾ ਮੂਲਟ੍ਠਕਥਾਯ ਸਾਰਨ੍ਤਿ ਪੋਰਾਣਟ੍ਠਕਥਾਸੁ ਅਤ੍ਥਸਾਰਂ। ਤੇਨ ਏਤਂ ਦਸ੍ਸੇਤਿ ‘‘ਸਂਯੁਤ੍ਤਮਹਾਅਟ੍ਠਕਥਾਯ ਅਤ੍ਥਸਾਰਂ ਆਦਾਯ ਇਮਂ ਸਾਰਤ੍ਥਪ੍ਪਕਾਸਿਨਿਂ ਕਰੋਨ੍ਤੇਨ ਸੇਸਮਹਾਨਿਕਾਯਾਨਮ੍ਪਿ ਮੂਲਟ੍ਠਕਥਾਸੁ ਇਧ વਿਯੋਗਕ੍ਖਮਂ ਅਤ੍ਥਸਾਰਂ ਆਦਾਯ ਅਕਾਸਿ’’ਨ੍ਤਿ। ‘‘ਮਹਾવਿਹਾਰਾਧਿવਾਸੀਨ’’ਨ੍ਤਿ ਚ ਇਦਂ ਪੁਰਿਮਪਚ੍ਛਿਮਪਦੇਹਿ ਸਦ੍ਧਿਂ ਸਮ੍ਬਨ੍ਧਿਤਬ੍ਬਂ ‘‘ਮਹਾવਿਹਾਰਾਧਿવਾਸੀਨਂ ਸਮਯਂ ਪਕਾਸਯਨ੍ਤਿਂ ਮਹਾવਿਹਾਰਾਧਿવਾਸੀਨਂ ਮੂਲਟ੍ਠਕਥਾਯ ਸਾਰਂ ਆਦਾਯਾ’’ਤਿ ਚ। ਤੇਨ ਪੁਞ੍ਞੇਨ। ਹੋਤੁ ਸਬ੍ਬੋ ਸੁਖੀ ਲੋਕੋਤਿ ਕਾਮਾવਚਰਾਦਿવਿਭਾਗੋ ਸਬ੍ਬੋ ਸਤ੍ਤਲੋਕੋ ਯਥਾਰਹਂ ਬੋਧਿਤ੍ਤਯਾਧਿਗਮવਸੇਨ ਸਮ੍ਪਯੁਤ੍ਤੇਨ ਨਿਬ੍ਬਾਨਸੁਖੇਨ ਸੁਖਿਤੋ ਹੋਤੂਤਿ ਸਦੇવਕਸ੍ਸ ਲੋਕਸ੍ਸ ਅਚ੍ਚਨ੍ਤਂ ਸੁਖਾਧਿਗਮਾਯ ਅਤ੍ਤਨੋ ਪੁਞ੍ਞਂ ਪਰਿਣਾਮੇਤਿ।
Mūlaṭṭhakathāya sāranti pubbe vuttasaṃyuttamahāaṭṭhakathāya sārameva puna nigamanavasena vuttanti. Atha vā mūlaṭṭhakathāya sāranti porāṇaṭṭhakathāsu atthasāraṃ. Tena etaṃ dasseti ‘‘saṃyuttamahāaṭṭhakathāya atthasāraṃ ādāya imaṃ sāratthappakāsiniṃ karontena sesamahānikāyānampi mūlaṭṭhakathāsu idha viyogakkhamaṃ atthasāraṃ ādāya akāsi’’nti. ‘‘Mahāvihārādhivāsīna’’nti ca idaṃ purimapacchimapadehi saddhiṃ sambandhitabbaṃ ‘‘mahāvihārādhivāsīnaṃ samayaṃ pakāsayantiṃ mahāvihārādhivāsīnaṃ mūlaṭṭhakathāya sāraṃ ādāyā’’ti ca. Tena puññena. Hotu sabbo sukhī lokoti kāmāvacarādivibhāgo sabbo sattaloko yathārahaṃ bodhittayādhigamavasena sampayuttena nibbānasukhena sukhito hotūti sadevakassa lokassa accantaṃ sukhādhigamāya attano puññaṃ pariṇāmeti.
ਏਤ੍ਤਾવਤਾ ਸਾਰਤ੍ਥਪ੍ਪਕਾਸਿਨਿਯਾ
Ettāvatā sāratthappakāsiniyā
ਸਂਯੁਤ੍ਤਨਿਕਾਯ-ਅਟ੍ਠਕਥਾਯ ਲੀਨਤ੍ਥਪ੍ਪਕਾਸਨਾ ਨਿਟ੍ਠਿਤਾ।
Saṃyuttanikāya-aṭṭhakathāya līnatthappakāsanā niṭṭhitā.
ਸਂਯੁਤ੍ਤਟੀਕਾ ਸਮਤ੍ਤਾ।
Saṃyuttaṭīkā samattā.
