| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
နိဂမနကထာဝဏ္ဏနာ
Nigamanakathāvaṇṇanā
၄၇၃. ယသ္မာ ကာရဏာ ယာ သိက္ခနာ, အယံ ဘိက္ခုကိစ္စံ, အတော တသ္မာ ကာရဏာတိ အတ္ထော။
473. Yasmā kāraṇā yā sikkhanā, ayaṃ bhikkhukiccaṃ, ato tasmā kāraṇāti attho.
၄၇၄. နိစ္စသော လောကဝိစာရိနောတိ နိစ္စံ လောကေ ဝိစရတော။ မာလုတသ္သေဝ ပရိသ္သမော န သမ္ဘောတီတိ ယောဇနာ။ မာလုတသ္သေဝာတိ ဝာတသ္သ ဣဝ။ န သမ္ဘောတီတိ န ဟောတိ။
474.Niccaso lokavicārinoti niccaṃ loke vicarato. Mālutasseva parissamo na sambhotīti yojanā. Mālutassevāti vātassa iva. Na sambhotīti na hoti.
၄၇၅-၆. တမ္ဗပဏ္ဏိ ဧဝ တမ္ဗပဏ္ဏိယော, ကေတု ဝိယ ကေတု, တမ္ဗပဏ္ဏိယေ ကေတူတိ တပ္ပုရိသော။ တေန ရစိတာ ဓမ္မဝိနယညုပသံသိတာ အယံ ခုဒ္ဒသိက္ခာ ပရိမာဏတော ဂာထာနံ ပဉ္စမတ္တေဟိ သတေဟိ ဧတ္တာဝတာ နိဋ္ဌာနမုပာဂတာတိ သမ္ဗန္ဓော။
475-6. Tambapaṇṇi eva tambapaṇṇiyo, ketu viya ketu, tambapaṇṇiye ketūti tappuriso. Tena racitā dhammavinayaññupasaṃsitā ayaṃ khuddasikkhā parimāṇato gāthānaṃ pañcamattehi satehi ettāvatā niṭṭhānamupāgatāti sambandho.
နိဂမနကထာဝဏ္ဏနာ နိဋ္ဌိတာ။
Nigamanakathāvaṇṇanā niṭṭhitā.
