| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
নিগমনকথাৰণ্ণনা
Nigamanakathāvaṇṇanā
৪৭৩. যস্মা কারণা যা সিক্খনা, অযং ভিক্খুকিচ্চং, অতো তস্মা কারণাতি অত্থো।
473. Yasmā kāraṇā yā sikkhanā, ayaṃ bhikkhukiccaṃ, ato tasmā kāraṇāti attho.
৪৭৪. নিচ্চসো লোকৰিচারিনোতি নিচ্চং লোকে ৰিচরতো। মালুতস্সেৰ পরিস্সমো ন সম্ভোতীতি যোজনা। মালুতস্সেৰাতি ৰাতস্স ইৰ। ন সম্ভোতীতি ন হোতি।
474.Niccaso lokavicārinoti niccaṃ loke vicarato. Mālutasseva parissamo na sambhotīti yojanā. Mālutassevāti vātassa iva. Na sambhotīti na hoti.
৪৭৫-৬. তম্বপণ্ণি এৰ তম্বপণ্ণিযো, কেতু ৰিয কেতু, তম্বপণ্ণিযে কেতূতি তপ্পুরিসো। তেন রচিতা ধম্মৰিনযঞ্ঞুপসংসিতা অযং খুদ্দসিক্খা পরিমাণতো গাথানং পঞ্চমত্তেহি সতেহি এত্তাৰতা নিট্ঠানমুপাগতাতি সম্বন্ধো।
475-6. Tambapaṇṇi eva tambapaṇṇiyo, ketu viya ketu, tambapaṇṇiye ketūti tappuriso. Tena racitā dhammavinayaññupasaṃsitā ayaṃ khuddasikkhā parimāṇato gāthānaṃ pañcamattehi satehi ettāvatā niṭṭhānamupāgatāti sambandho.
নিগমনকথাৰণ্ণনা নিট্ঠিতা।
Nigamanakathāvaṇṇanā niṭṭhitā.
