| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਨਿਗਮਨਕਥਾ
Nigamanakathā
ਏਤ੍ਤਾવਤਾ ਚ –
Ettāvatā ca –
વਿਨਯੇ ਪਾਟવਤ੍ਥਾਯ, ਸਾਸਨਸ੍ਸ ਚ વੁਡ੍ਢਿਯਾ।
Vinaye pāṭavatthāya, sāsanassa ca vuḍḍhiyā;
વਣ੍ਣਨਾ ਯਾ ਸਮਾਰਦ੍ਧਾ, વਿਨਯਟ੍ਠਕਥਾਯ ਸਾ॥
Vaṇṇanā yā samāraddhā, vinayaṭṭhakathāya sā.
ਸਾਰਤ੍ਥਦੀਪਨੀ ਨਾਮ, ਸਬ੍ਬਸੋ ਪਰਿਨਿਟ੍ਠਿਤਾ।
Sāratthadīpanī nāma, sabbaso pariniṭṭhitā;
ਤਿਂਸਸਹਸ੍ਸਮਤ੍ਤੇਹਿ, ਗਨ੍ਥੇਹਿ ਪਰਿਮਾਣਤੋ॥
Tiṃsasahassamattehi, ganthehi parimāṇato.
ਅਜ੍ਝੇਸਿਤੋ ਨਰਿਨ੍ਦੇਨ, ਸੋਹਂ ਪਰਕ੍ਕਮਬਾਹੁਨਾ।
Ajjhesito narindena, sohaṃ parakkamabāhunā;
ਸਦ੍ਧਮ੍ਮਟ੍ਠਿਤਿਕਾਮੇਨ, ਸਾਸਨੁਜ੍ਜੋਤਕਾਰਿਨਾ॥
Saddhammaṭṭhitikāmena, sāsanujjotakārinā.
ਤੇਨੇવ ਕਾਰਿਤੇ ਰਮ੍ਮੇ, ਪਾਸਾਦਸਤਮਣ੍ਡਿਤੇ।
Teneva kārite ramme, pāsādasatamaṇḍite;
ਨਾਨਾਦੁਮਗਣਾਕਿਣ੍ਣੇ, ਭਾવਨਾਭਿਰਤਾਲਯੇ॥
Nānādumagaṇākiṇṇe, bhāvanābhiratālaye.
ਸੀਤਲੂਦਕਸਮ੍ਪਨ੍ਨੇ, વਸਂ ਜੇਤવਨੇ ਇਮਂ।
Sītalūdakasampanne, vasaṃ jetavane imaṃ;
ਅਤ੍ਥਬ੍ਯਞ੍ਜਨਸਮ੍ਪਨ੍ਨਂ, ਅਕਾਸਿਂ ਸੁવਿਨਿਚ੍ਛਯਂ॥
Atthabyañjanasampannaṃ, akāsiṃ suvinicchayaṃ.
ਯਂ ਸਿਦ੍ਧਂ ਇਮਿਨਾ ਪੁਞ੍ਞਂ, ਯਂ ਚਞ੍ਞਂ ਪਸੁਤਂ ਮਯਾ।
Yaṃ siddhaṃ iminā puññaṃ, yaṃ caññaṃ pasutaṃ mayā;
ਏਤੇਨ ਪੁਞ੍ਞਕਮ੍ਮੇਨ, ਦੁਤਿਯੇ ਅਤ੍ਤਸਮ੍ਭવੇ॥
Etena puññakammena, dutiye attasambhave.
ਤਾવਤਿਂਸੇ ਪਮੋਦੇਨ੍ਤੋ, ਸੀਲਾਚਾਰਗੁਣੇ ਰਤੋ।
Tāvatiṃse pamodento, sīlācāraguṇe rato;
ਅਲਗ੍ਗੋ ਪਞ੍ਚਕਾਮੇਸੁ, ਪਤ੍વਾਨ ਪਠਮਂ ਫਲਂ॥
Alaggo pañcakāmesu, patvāna paṭhamaṃ phalaṃ.
ਅਨ੍ਤਿਮੇ ਅਤ੍ਤਭਾવਮ੍ਹਿ, ਮੇਤ੍ਤੇਯ੍ਯਂ ਮੁਨਿਪੁਙ੍ਗવਂ।
Antime attabhāvamhi, metteyyaṃ munipuṅgavaṃ;
ਲੋਕਗ੍ਗਪੁਗ੍ਗਲਂ ਨਾਥਂ, ਸਬ੍ਬਸਤ੍ਤਹਿਤੇ ਰਤਂ॥
Lokaggapuggalaṃ nāthaṃ, sabbasattahite rataṃ.
ਦਿਸ੍વਾਨ ਤਸ੍ਸ ਧੀਰਸ੍ਸ, ਸੁਤ੍વਾ ਸਦ੍ਧਮ੍ਮਦੇਸਨਂ।
Disvāna tassa dhīrassa, sutvā saddhammadesanaṃ;
ਅਧਿਗਨ੍ਤ੍વਾ ਫਲਂ ਅਗ੍ਗਂ, ਸੋਭੇਯ੍ਯਂ ਜਿਨਸਾਸਨਂ॥
Adhigantvā phalaṃ aggaṃ, sobheyyaṃ jinasāsanaṃ.
ਸਦਾ ਰਕ੍ਖਨ੍ਤੁ ਰਾਜਾਨੋ, ਧਮ੍ਮੇਨੇવ ਇਮਂ ਪਜਂ।
Sadā rakkhantu rājāno, dhammeneva imaṃ pajaṃ;
ਨਿਰਤਾ ਪੁਞ੍ਞਕਮ੍ਮੇਸੁ, ਜੋਤੇਨ੍ਤੁ ਜਿਨਸਾਸਨਂ॥
Niratā puññakammesu, jotentu jinasāsanaṃ.
ਇਮੇ ਚ ਪਾਣਿਨੋ ਸਬ੍ਬੇ, ਸਬ੍ਬਦਾ ਨਿਰੁਪਦ੍ਦવਾ।
Ime ca pāṇino sabbe, sabbadā nirupaddavā;
ਨਿਚ੍ਚਂ ਕਲ੍ਯਾਣਸਙ੍ਕਪ੍ਪਾ, ਪਪ੍ਪੋਨ੍ਤੁ ਅਮਤਂ ਪਦਨ੍ਤਿ॥
Niccaṃ kalyāṇasaṅkappā, pappontu amataṃ padanti.
ਸਾਰਤ੍ਥਦੀਪਨੀ ਨਾਮ વਿਨਯਟੀਕਾ ਨਿਟ੍ਠਿਤਾ।
Sāratthadīpanī nāma vinayaṭīkā niṭṭhitā.
