| Library / Tipiṭaka / ਤਿਪਿਟਕ • Tipiṭaka / ਉਦਾਨ-ਅਟ੍ਠਕਥਾ • Udāna-aṭṭhakathā |
ਨਿਗਮਨਕਥਾ
Nigamanakathā
ਏਤ੍ਤਾવਤਾ ਚ –
Ettāvatāca –
ਸੁવਿਮੁਤ੍ਤਭવਾਦਾਨੋ, ਦੇવਦਾਨવਮਾਨਿਤੋ।
Suvimuttabhavādāno, devadānavamānito;
ਪਚ੍ਛਿਨ੍ਨਤਣ੍ਹਾਸਨ੍ਤਾਨੋ, ਪੀਤਿਸਂવੇਗਦੀਪਨੋ॥
Pacchinnataṇhāsantāno, pītisaṃvegadīpano.
ਸਦ੍ਧਮ੍ਮਦਾਨਨਿਰਤੋ, ਉਪਾਦਾਨਕ੍ਖਯਾવਹੋ।
Saddhammadānanirato, upādānakkhayāvaho;
ਤਤ੍ਥ ਤਤ੍ਥ ਉਦਾਨੇ ਯੇ, ਉਦਾਨੇਸਿ વਿਨਾਯਕੋ॥
Tattha tattha udāne ye, udānesi vināyako.
ਤੇ ਸਬ੍ਬੇ ਏਕਤੋ ਕਤ੍વਾ, ਆਰੋਪੇਨ੍ਤੇਹਿ ਸਙ੍ਗਹਂ।
Te sabbe ekato katvā, āropentehi saṅgahaṃ;
ਉਦਾਨਮਿਤਿ ਸਙ੍ਗੀਤਂ, ਧਮ੍ਮਸਙ੍ਗਾਹਕੇਹਿ ਯਂ॥
Udānamiti saṅgītaṃ, dhammasaṅgāhakehi yaṃ.
ਤਸ੍ਸ ਅਤ੍ਥਂ ਪਕਾਸੇਤੁਂ, ਪੋਰਾਣਟ੍ਠਕਥਾਨਯਂ।
Tassa atthaṃ pakāsetuṃ, porāṇaṭṭhakathānayaṃ;
ਨਿਸ੍ਸਾਯ ਯਾ ਸਮਾਰਦ੍ਧਾ, ਅਤ੍ਥਸਂવਣ੍ਣਨਾ ਮਯਾ॥
Nissāya yā samāraddhā, atthasaṃvaṇṇanā mayā.
ਸਾ ਤਤ੍ਥ ਪਰਮਤ੍ਥਾਨਂ, ਸੁਤ੍ਤਨ੍ਤੇਸੁ ਯਥਾਰਹਂ।
Sā tattha paramatthānaṃ, suttantesu yathārahaṃ;
ਪਕਾਸਨਾ ਪਰਮਤ੍ਥਦੀਪਨੀ ਨਾਮ ਨਾਮਤੋ॥
Pakāsanā paramatthadīpanī nāma nāmato.
ਸਮ੍ਪਤ੍ਤਾ ਪਰਿਨਿਟ੍ਠਾਨਂ, ਅਨਾਕੁਲવਿਨਿਚ੍ਛਯਾ।
Sampattā pariniṭṭhānaṃ, anākulavinicchayā;
ਚਤੁਤ੍ਤਿਂਸਪ੍ਪਮਾਣਾਯ, ਪਾਲ਼ਿਯਾ ਭਾਣવਾਰਤੋ॥
Catuttiṃsappamāṇāya, pāḷiyā bhāṇavārato.
ਇਤਿ ਤਂ ਸਙ੍ਖਰੋਨ੍ਤੇਨ, ਯਂ ਤਂ ਅਧਿਗਤਂ ਮਯਾ।
Iti taṃ saṅkharontena, yaṃ taṃ adhigataṃ mayā;
ਪੁਞ੍ਞਂ ਤਸ੍ਸਾਨੁਭਾવੇਨ, ਲੋਕਨਾਥਸ੍ਸ ਸਾਸਨਂ॥
Puññaṃ tassānubhāvena, lokanāthassa sāsanaṃ.
ਓਗਾਹਿਤ੍વਾ વਿਸੁਦ੍ਧਾਯ, ਸੀਲਾਦਿਪਟਿਪਤ੍ਤਿਯਾ।
Ogāhitvā visuddhāya, sīlādipaṭipattiyā;
ਸਬ੍ਬੇਪਿ ਦੇਹਿਨੋ ਹੋਨ੍ਤੁ, વਿਮੁਤ੍ਤਿਰਸਭਾਗਿਨੋ॥
Sabbepi dehino hontu, vimuttirasabhāgino.
ਚਿਰਂ ਤਿਟ੍ਠਤੁ ਲੋਕਸ੍ਮਿਂ, ਸਮ੍ਮਾਸਮ੍ਬੁਦ੍ਧਸਾਸਨਂ।
Ciraṃ tiṭṭhatu lokasmiṃ, sammāsambuddhasāsanaṃ;
ਤਸ੍ਮਿਂ ਸਗਾਰવਾ ਨਿਚ੍ਚਂ, ਹੋਨ੍ਤੁ ਸਬ੍ਬੇਪਿ ਪਾਣਿਨੋ॥
Tasmiṃ sagāravā niccaṃ, hontu sabbepi pāṇino.
ਸਮ੍ਮਾ વਸ੍ਸਤੁ ਕਾਲੇਨ, ਦੇવੋਪਿ ਜਗਤੀਪਤਿ।
Sammā vassatu kālena, devopi jagatīpati;
ਸਦ੍ਧਮ੍ਮਨਿਰਤੋ ਲੋਕਂ, ਧਮ੍ਮੇਨੇવ ਪਸਾਸਤੂਤਿ॥
Saddhammanirato lokaṃ, dhammeneva pasāsatūti.
ਬਦਰਤਿਤ੍ਥવਿਹਾਰવਾਸਿਨਾ ਆਚਰਿਯਧਮ੍ਮਪਾਲਤ੍ਥੇਰੇਨ
Badaratitthavihāravāsinā ācariyadhammapālattherena
ਕਤਾਉਦਾਨਸ੍ਸ ਅਟ੍ਠਕਥਾ ਸਮਤ੍ਤਾ।
Katāudānassa aṭṭhakathā samattā.
