| Library / Tipiṭaka / ತಿಪಿಟಕ • Tipiṭaka / ನೇತ್ತಿವಿಭಾವಿನೀ • Nettivibhāvinī |
ನಿಗಮನಕಥಾ
Nigamanakathā
ಸಬ್ಬಸತ್ತುತ್ತಮೋ ನಾಥೋ, ಲೋಕೇ ಉಪ್ಪಜ್ಜಿ ನಾಯಕೋ।
Sabbasattuttamo nātho, loke uppajji nāyako;
ಸಮ್ಬುದ್ಧೋ ಗೋತಮೋ ಜಿನೋ, ಅನೇಕಗುಣಲಙ್ಕತೋ॥
Sambuddho gotamo jino, anekaguṇalaṅkato.
ಸಾಸನಂ ತಸ್ಸ ಸೇಟ್ಠಸ್ಸ, ಅಟ್ಠವಸ್ಸಸತಾಧಿಕಂ।
Sāsanaṃ tassa seṭṭhassa, aṭṭhavassasatādhikaṃ;
ದ್ವಿಸಹಸ್ಸಂ ಯದಾ ಪತ್ತಂ, ನಿಮ್ಮಲಂ ವಡ್ಢನಂ ಸುಭಂ॥
Dvisahassaṃ yadā pattaṃ, nimmalaṃ vaḍḍhanaṃ subhaṃ.
ತದಾ ಭೂಮಿಸ್ಸರೋ ಮಹಾಧಮ್ಮರಾಜಾ ಮಹಿದ್ಧಿಕೋ।
Tadā bhūmissaro mahādhammarājā mahiddhiko;
ಆಣಾಚಕ್ಕೇನ ಸಾರೇತಿ, ರಾಜಾ ನೋಅನುವತ್ತಕೇ॥
Āṇācakkena sāreti, rājā noanuvattake.
ಲದ್ಧಾ ಸೇತಗಜೇ ವರೇ, ಲೋಕೇ ವಿಮ್ಹಯಜಾನಕೇ।
Laddhā setagaje vare, loke vimhayajānake;
ಅಪ್ಪಮತ್ತೋ ಮಹಾವೀರೋ, ಪುಞ್ಞಂ ಕತ್ವಾಭಿಮೋದತಿ॥
Appamatto mahāvīro, puññaṃ katvābhimodati.
ತಸ್ಮಿಂ ವಸ್ಸೇವ ಸಾವಣೇ, ಮಾಸೇ ನವಮದಿವಸೇ।
Tasmiṃ vasseva sāvaṇe, māse navamadivase;
ಸೂರಿಯುಗ್ಗಮನೇ ಕಾಲೇ, ನಿಬ್ಬತ್ತಾಯಂ ವಿಭಾವನಾ॥
Sūriyuggamane kāle, nibbattāyaṃ vibhāvanā.
ಯತ್ತಕಂ ಸಾಸನಂ ಠಿತಂ, ತತ್ತಕಂ ರಚಿತಂ ಮಯಾ।
Yattakaṃ sāsanaṃ ṭhitaṃ, tattakaṃ racitaṃ mayā;
ಠಾತು ನೇತ್ತಿವಿಭಾವನಾ, ಜಿನಪುತ್ತಹಿತಾವಹಾ॥
Ṭhātu nettivibhāvanā, jinaputtahitāvahā.
ಇತಿ ತಂ ರಚಯನ್ತೇನ, ಪುಞ್ಞಂ ಅಧಿಗತಂ ಮಯಾ।
Iti taṃ racayantena, puññaṃ adhigataṃ mayā;
ಹೋನ್ತು ತಸ್ಸಾನುಭಾವೇನ, ಸಬ್ಬೇ ವಿಮುತ್ತಿಭಾಗಿನೋ॥
Hontu tassānubhāvena, sabbe vimuttibhāgino.
ರಾಜದೇವೀ ಪುತ್ತನತ್ತಾ, ಪನತ್ತಾ ಚ ಸಜಾತಿಕಾ।
Rājadevī puttanattā, panattā ca sajātikā;
ಸಬ್ಬೇ ರಜ್ಜಸುಖೇ ಠತ್ವಾ, ಚರನ್ತು ಚರಿತಂ ಸುಖೀ॥
Sabbe rajjasukhe ṭhatvā, carantu caritaṃ sukhī.
ದೇವೋ ಕಾಲೇ ಸುವಸ್ಸತು, ಸಬ್ಬೋ ರಟ್ಠಜನೋ ಸುಖೀ।
Devo kāle suvassatu, sabbo raṭṭhajano sukhī;
ಅಞ್ಞಮಞ್ಞಂ ಅಹಿಂಸನ್ತೋ, ಪಿಯೋ ಹೋತು ಹಿತಾವಹೋತಿ॥
Aññamaññaṃ ahiṃsanto, piyo hotu hitāvahoti.
ನೇತ್ತಿವಿಭಾವಿನೀ ನಿಟ್ಠಿತಾ।
Nettivibhāvinī niṭṭhitā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ನೇತ್ತಿಪ್ಪಕರಣ-ಅಟ್ಠಕಥಾ • Nettippakaraṇa-aṭṭhakathā / ನಿಗಮನಕಥಾ • Nigamanakathā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಖುದ್ದಕನಿಕಾಯ (ಟೀಕಾ) • Khuddakanikāya (ṭīkā) / ನೇತ್ತಿಪ್ಪಕರಣ-ಟೀಕಾ • Nettippakaraṇa-ṭīkā / ನಿಗಮನಕಥಾವಣ್ಣನಾ • Nigamanakathāvaṇṇanā
