| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
ನಿಗಮನಕಥಾ
Nigamanakathā
ಏತ್ತಾವತಾ ಸಮಾರದ್ಧಾ, ಮೂಲಸಿಕ್ಖತ್ಥವಣ್ಣನಾ।
Ettāvatā samāraddhā, mūlasikkhatthavaṇṇanā;
ನಿಟ್ಠಿತಾ ಯಾ ಸಮಾಸೇನ, ಅಡ್ಢಮಾಸಸ್ಸ ಅಚ್ಚಯೇ॥
Niṭṭhitā yā samāsena, aḍḍhamāsassa accaye.
ಅಧುನೂಪಸಮ್ಪನ್ನಾನಂ, ಹಿತತ್ಥಾಯ ಸಮಾಸತೋ।
Adhunūpasampannānaṃ, hitatthāya samāsato;
ಇಮಂ ಅತ್ಥಂ ವಣ್ಣಯತಾ, ಯಂ ಪುಞ್ಞಂಧಿಗತಂ ಮಯಾ॥
Imaṃ atthaṃ vaṇṇayatā, yaṃ puññaṃdhigataṃ mayā.
ತೇನ ಪುಞ್ಞೇನಯಂ ಲೋಕೋ, ಸುಖಾಯ ಪಟಿಪತ್ತಿಯಾ।
Tena puññenayaṃ loko, sukhāya paṭipattiyā;
ಪಾಪುಣಾತು ವಿಸುದ್ಧಾಯ, ನಿಬ್ಬಾನಂ ಅಜರಂ ಪದಂ॥
Pāpuṇātu visuddhāya, nibbānaṃ ajaraṃ padaṃ.
ನಾನಾತರುಗಣಾಕಿಣ್ಣೇ , ನಾನಾಕುಸಲಕಾಮಿನೋ।
Nānātarugaṇākiṇṇe , nānākusalakāmino;
ರಮ್ಮೇ ಯುದ್ಧಾನಪತಿನೋ, ವಿಹಾರೇ ವಸತಾ ಸತಾ॥
Ramme yuddhānapatino, vihāre vasatā satā.
ಸಾಸನೇ ಸಿದ್ಧಿಪತ್ತಸ್ಸ, ಸಿದ್ಧಿನಾ ಞಾಣಸಿದ್ಧಿನಾ।
Sāsane siddhipattassa, siddhinā ñāṇasiddhinā;
ಪಣ್ಡಿತೇನ ಕತಾ ಏಸಾ, ಮೂಲಸಿಕ್ಖತ್ಥವಣ್ಣನಾ॥
Paṇḍitena katā esā, mūlasikkhatthavaṇṇanā.
ಮೂಲಸಿಕ್ಖಾ-ಟೀಕಾ ಸಮತ್ತಾ।
Mūlasikkhā-ṭīkā samattā.
