| Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā |
ನಿಗಮನಕಥಾ
Nigamanakathā
ಏತ್ತಾವತಾ ಚ –
Ettāvatā ca –
ದೇವತಾನಂ ವಿಮಾನಾದಿ-ಸಮ್ಪತ್ತಿಂ ತಸ್ಸ ಕಾರಣಂ।
Devatānaṃ vimānādi-sampattiṃ tassa kāraṇaṃ;
ಪಕಾಸಯನ್ತೀ ಸತ್ತಾನಂ, ಸಬ್ಬಲೋಕಹಿತಾವಹಾ॥
Pakāsayantī sattānaṃ, sabbalokahitāvahā.
ಅಪ್ಪಕಾನಮ್ಪಿ ಕಾರಾನಂ, ಯಾ ವಿಭಾವೇತಿ ದೇಸನಾ।
Appakānampi kārānaṃ, yā vibhāveti desanā;
ಉಳಾರಫಲತಂ ಚಿತ್ತ-ಖೇತ್ತಸಮ್ಪತ್ತಿಯೋಗತೋ॥
Uḷāraphalataṃ citta-khettasampattiyogato.
ಯಂ ಕಥಾವತ್ಥುಕುಸಲಾ, ಸುಪರಿಞ್ಞಾತವತ್ಥುಕಾ।
Yaṃ kathāvatthukusalā, supariññātavatthukā;
ವಿಮಾನವತ್ಥುಇಚ್ಚೇವ, ಸಙ್ಗಾಯಿಂಸು ಮಹೇಸಯೋ॥
Vimānavatthuicceva, saṅgāyiṃsu mahesayo.
ತಸ್ಸ ಅತ್ಥಂ ಪಕಾಸೇತುಂ, ಪೋರಾಣಟ್ಠಕಥಾನಯಂ।
Tassa atthaṃ pakāsetuṃ, porāṇaṭṭhakathānayaṃ;
ಸನ್ನಿಸ್ಸಾಯ ಸಮಾರದ್ಧಾ, ಅತ್ಥಸಂವಣ್ಣನಾ ಮಯಾ॥
Sannissāya samāraddhā, atthasaṃvaṇṇanā mayā.
ಯಾ ತತ್ಥ ಪರಮತ್ಥಾನಂ, ತತ್ಥ ತತ್ಥ ಯಥಾರಹಂ।
Yā tattha paramatthānaṃ, tattha tattha yathārahaṃ;
ಪಕಾಸನಾ ಪರಮತ್ಥ-ದೀಪನೀ ನಾಮ ನಾಮತೋ॥
Pakāsanā paramattha-dīpanī nāma nāmato.
ಸಮ್ಪತ್ತಾ ಪರಿನಿಟ್ಠಾನಂ, ಅನಾಕುಲವಿನಿಚ್ಛಯಾ।
Sampattā pariniṭṭhānaṃ, anākulavinicchayā;
ಸಾ ಸತ್ತರಸಮತ್ತಾಯ, ಪಾಳಿಯಾ ಭಾಣವಾರತೋ॥
Sā sattarasamattāya, pāḷiyā bhāṇavārato.
ಇತಿ ತಂ ಸಙ್ಖರೋನ್ತೇನ, ಯಂ ತಂ ಅಧಿಗತಂ ಮಯಾ।
Iti taṃ saṅkharontena, yaṃ taṃ adhigataṃ mayā;
ಪುಞ್ಞಂ ತಸ್ಸಾನುಭಾವೇನ, ಲೋಕನಾಥಸ್ಸ ಸಾಸನಂ॥
Puññaṃ tassānubhāvena, lokanāthassa sāsanaṃ.
ಓಗಾಹೇತ್ವಾ ವಿಸುದ್ಧಾಯ, ಸೀಲಾದಿಪಟಿಪತ್ತಿಯಾ।
Ogāhetvā visuddhāya, sīlādipaṭipattiyā;
ಸಬ್ಬೇಪಿ ದೇಹಿನೋ ಹೋನ್ತು, ವಿಮುತ್ತಿರಸಭಾಗಿನೋ॥
Sabbepi dehino hontu, vimuttirasabhāgino.
ಚಿರಂ ತಿಟ್ಠತು ಲೋಕಸ್ಮಿಂ, ಸಮ್ಮಾಸಮ್ಬುದ್ಧಸಾಸನಂ।
Ciraṃ tiṭṭhatu lokasmiṃ, sammāsambuddhasāsanaṃ;
ತಸ್ಮಿಂ ಸಗಾರವಾ ನಿಚ್ಚಂ, ಹೋನ್ತು ಸಬ್ಬೇಪಿ ಪಾಣಿನೋ॥
Tasmiṃ sagāravā niccaṃ, hontu sabbepi pāṇino.
ಸಮ್ಮಾ ವಸ್ಸತು ಕಾಲೇನ, ದೇವೋಪಿ ಜಗತೀಪತಿ।
Sammā vassatu kālena, devopi jagatīpati;
ಸದ್ಧಮ್ಮನಿರತೋ ಲೋಕಂ, ಧಮ್ಮೇನೇವ ಪಸಾಸತೂತಿ॥
Saddhammanirato lokaṃ, dhammeneva pasāsatūti.
ಇತಿ ಬದರತಿತ್ಥವಿಹಾರವಾಸಿನಾ ಆಚರಿಯಧಮ್ಮಪಾಲೇನ
Iti badaratitthavihāravāsinā ācariyadhammapālena
ಕತಾಯ
Katāya
ಪರಮತ್ಥದೀಪನಿಯಾ ಖುದ್ದಕ-ಅಟ್ಠಕಥಾಯ
Paramatthadīpaniyā khuddaka-aṭṭhakathāya
ವಿಮಾನವತ್ಥುಅತ್ಥವಣ್ಣನಾ ನಿಟ್ಠಿತಾ।
Vimānavatthuatthavaṇṇanā niṭṭhitā.
ವಿಮಾನವತ್ಥು-ಅಟ್ಠಕಥಾ ಸಮತ್ತಾ।
Vimānavatthu-aṭṭhakathā samattā.
