| Library / Tipiṭaka / ತಿಪಿಟಕ • Tipiṭaka / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā |
ನಿಗಮನಕಥಾ
Nigamanakathā
ಏತ್ತಾವತಾ ಚ –
Ettāvatā ca –
ಯೇ ತೇ ಪೇತೇಸು ನಿಬ್ಬತ್ತಾ, ಸತ್ತಾ ದುಕ್ಕಟಕಾರಿನೋ।
Ye te petesu nibbattā, sattā dukkaṭakārino;
ಯೇಹಿ ಕಮ್ಮೇಹಿ ತೇಸಂ ತಂ, ಪಾಪಕಂ ಕಟುಕಪ್ಫಲಂ॥
Yehi kammehi tesaṃ taṃ, pāpakaṃ kaṭukapphalaṃ.
ಪಚ್ಚಕ್ಖತೋ ವಿಭಾವೇನ್ತೀ, ಪುಚ್ಛಾವಿಸ್ಸಜ್ಜನೇಹಿ ಚ।
Paccakkhato vibhāventī, pucchāvissajjanehi ca;
ಯಾ ದೇಸನಾನಿಯಾಮೇನ, ಸತಂ ಸಂವೇಗವಡ್ಢನೀ॥
Yā desanāniyāmena, sataṃ saṃvegavaḍḍhanī.
ಯಂ ಕಥಾವತ್ಥುಕುಸಲಾ, ಸುಪರಿಞ್ಞಾತವತ್ಥುಕಾ।
Yaṃ kathāvatthukusalā, supariññātavatthukā;
ಪೇತವತ್ಥೂತಿ ನಾಮೇನ, ಸಙ್ಗಾಯಿಂಸು ಮಹೇಸಯೋ॥
Petavatthūti nāmena, saṅgāyiṃsu mahesayo.
ತಸ್ಸ ಅತ್ಥಂ ಪಕಾಸೇತುಂ, ಪೋರಾಣಟ್ಠಕಥಾನಯಂ।
Tassa atthaṃ pakāsetuṃ, porāṇaṭṭhakathānayaṃ;
ನಿಸ್ಸಾಯ ಯಾ ಸಮಾರದ್ಧಾ, ಅತ್ಥಸಂವಣ್ಣನಾ ಮಯಾ॥
Nissāya yā samāraddhā, atthasaṃvaṇṇanā mayā.
ಯಾ ತತ್ಥ ಪರಮತ್ಥಾನಂ, ತತ್ಥ ತತ್ಥ ಯಥಾರಹಂ।
Yā tattha paramatthānaṃ, tattha tattha yathārahaṃ;
ಪಕಾಸನಾ ಪರಮತ್ಥ-ದೀಪನೀ ನಾಮ ನಾಮತೋ॥
Pakāsanā paramattha-dīpanī nāma nāmato.
ಸಮ್ಪತ್ತಾ ಪರಿನಿಟ್ಠಾನಂ, ಅನಾಕುಲವಿನಿಚ್ಛಯಾ।
Sampattā pariniṭṭhānaṃ, anākulavinicchayā;
ಸಾ ಪನ್ನರಸಮತ್ತಾಯ, ಪಾಳಿಯಾ ಭಾಣವಾರತೋ॥
Sā pannarasamattāya, pāḷiyā bhāṇavārato.
ಇತಿ ತಂ ಸಙ್ಖರೋನ್ತೇನ, ಯಂ ತಂ ಅಧಿಗತಂ ಮಯಾ।
Iti taṃ saṅkharontena, yaṃ taṃ adhigataṃ mayā;
ಪುಞ್ಞಂ ತಸ್ಸಾನುಭಾವೇನ, ಲೋಕನಾಥಸ್ಸ ಸಾಸನಂ॥
Puññaṃ tassānubhāvena, lokanāthassa sāsanaṃ.
ಓಗಾಹೇತ್ವಾ ವಿಸುದ್ಧಾಯ, ಸೀಲಾದಿಪಟಿಪತ್ತಿಯಾ।
Ogāhetvā visuddhāya, sīlādipaṭipattiyā;
ಸಬ್ಬೇಪಿ ದೇಹಿನೋ ಹೋನ್ತು, ವಿಮುತ್ತಿರಸಭಾಗಿನೋ॥
Sabbepi dehino hontu, vimuttirasabhāgino.
ಚಿರಂ ತಿಟ್ಠತು ಲೋಕಸ್ಮಿಂ, ಸಮ್ಮಾಸಮ್ಬುದ್ಧಸಾಸನಂ।
Ciraṃ tiṭṭhatu lokasmiṃ, sammāsambuddhasāsanaṃ;
ತಸ್ಮಿಂ ಸಗಾರವಾ ನಿಚ್ಚಂ, ಹೋನ್ತು ಸಬ್ಬೇಪಿ ಪಾಣಿನೋ॥
Tasmiṃ sagāravā niccaṃ, hontu sabbepi pāṇino.
ಸಮ್ಮಾ ವಸ್ಸತು ಕಾಲೇನ, ದೇವೋಪಿ ಜಗತೀಪತಿ।
Sammā vassatu kālena, devopi jagatīpati;
ಸದ್ಧಮ್ಮನಿರತೋ ಲೋಕಂ, ಧಮ್ಮೇನೇವ ಪಸಾಸತೂತಿ॥
Saddhammanirato lokaṃ, dhammeneva pasāsatūti.
ಇತಿ ಬದರತಿತ್ಥವಿಹಾರವಾಸಿನಾ ಮುನಿವರಯತಿನಾ
Iti badaratitthavihāravāsinā munivarayatinā
ಭದನ್ತೇನ ಆಚರಿಯಧಮ್ಮಪಾಲೇನ ಕತಾ ಪೇತವತ್ಥುಅತ್ಥಸಂವಣ್ಣನಾ ನಿಟ್ಠಿತಾ।
Bhadantena ācariyadhammapālena katā petavatthuatthasaṃvaṇṇanā niṭṭhitā.
ಪೇತವತ್ಥು-ಅಟ್ಠಕಥಾ ಸಮತ್ತಾ।
Petavatthu-aṭṭhakathā samattā.
