| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
និគមនកថា
Nigamanakathā
ឯត្តាវតា ច –
Ettāvatā ca –
បណ្ណាសកេហិ ចតូហិ, តីហិ វគ្គេហិ ចេវ ច;
Paṇṇāsakehi catūhi, tīhi vaggehi ceva ca;
សង្គហេត្វា កថា សព្ពា, ឩនតិសតភេទនា។
Saṅgahetvā kathā sabbā, ūnatisatabhedanā.
កថាវត្ថុប្បករណំ, កថាមគ្គេសុ កោវិទោ;
Kathāvatthuppakaraṇaṃ, kathāmaggesu kovido;
យំ ជិនោ ទេសយិ តស្ស, និដ្ឋិតា អត្ថវណ្ណនា។
Yaṃ jino desayi tassa, niṭṭhitā atthavaṇṇanā.
ឥមំ តេរសមត្តេហិ, ភាណវារេហិ តន្តិយា;
Imaṃ terasamattehi, bhāṇavārehi tantiyā;
ចិរដ្ឋិតត្ថំ ធម្មស្ស, សង្ខរោន្តេន យំ មយា។
Ciraṭṭhitatthaṃ dhammassa, saṅkharontena yaṃ mayā.
យំ បត្តំ កុសលំ តេន, លោកោយំ សនរាមរោ;
Yaṃ pattaṃ kusalaṃ tena, lokoyaṃ sanarāmaro;
ធម្មរាជស្ស សទ្ធម្ម-រសមេវាធិគច្ឆតូតិ។
Dhammarājassa saddhamma-rasamevādhigacchatūti.
កថាវត្ថុ-អដ្ឋកថា និដ្ឋិតា។
Kathāvatthu-aṭṭhakathā niṭṭhitā.
