| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
និគមនកថា
Nigamanakathā
ឯត្តាវតា ច –
Ettāvatā ca –
យំ វេ បុគ្គលបញ្ញត្តិំ, លោកេ អប្បដិបុគ្គលោ;
Yaṃ ve puggalapaññattiṃ, loke appaṭipuggalo;
នាតិសង្ខេបតោ សត្ថា, ទេសេសិ តិទសាលយេ។
Nātisaṅkhepato satthā, desesi tidasālaye.
តស្សា អដ្ឋកថញ្ចេវ, ទីបភាសាយ សង្ខតំ;
Tassā aṭṭhakathañceva, dīpabhāsāya saṅkhataṃ;
អាគមដ្ឋកថាយោ ច, ឱគាហេត្វា អសេសតោ។
Āgamaṭṭhakathāyo ca, ogāhetvā asesato.
សុវិភត្តោ អសំកិណ្ណោ, យោ យោ អត្ថោ យហិំ យហិំ;
Suvibhatto asaṃkiṇṇo, yo yo attho yahiṃ yahiṃ;
តតោ តតោ តំ គហេត្វា, បហាយ អតិវិត្ថារំ។
Tato tato taṃ gahetvā, pahāya ativitthāraṃ.
វិសុទ្ធិមគ្គេ យំ វុត្តំ, តំ អនាទាយ សង្ខតា;
Visuddhimagge yaṃ vuttaṃ, taṃ anādāya saṅkhatā;
នាតិសង្ខេបវិត្ថារ-នយេនដ្ឋកថា អយំ។
Nātisaṅkhepavitthāra-nayenaṭṭhakathā ayaṃ.
តំ ឯតំ សត្តមត្តេហិ, ភាណវារេហិ តន្តិយា;
Taṃ etaṃ sattamattehi, bhāṇavārehi tantiyā;
ចិរដ្ឋិតត្ថំ ធម្មស្ស, សង្ខរោន្តេន យំ មយា។
Ciraṭṭhitatthaṃ dhammassa, saṅkharontena yaṃ mayā.
សម្បត្តំ កុសលំ តេន, សទ្ធម្មំ សុខុមំ សិវំ;
Sampattaṃ kusalaṃ tena, saddhammaṃ sukhumaṃ sivaṃ;
ឱលោកេន្តុ វិសុទ្ធេន, បាណយោ ធម្មចក្ខុនាតិ។
Olokentu visuddhena, pāṇayo dhammacakkhunāti.
បុគ្គលបញ្ញត្តិ-អដ្ឋកថា និដ្ឋិតា។
Puggalapaññatti-aṭṭhakathā niṭṭhitā.
