| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
นิคมนกถา
Nigamanakathā
เอตฺตาวตา จ อารทฺธา, วินยฎฺฐกถาย ยา;
Ettāvatā ca āraddhā, vinayaṭṭhakathāya yā;
วณฺณนา นาติวิตฺถิณฺณา, ปริปุณฺณวินิจฺฉยาฯ
Vaṇṇanā nātivitthiṇṇā, paripuṇṇavinicchayā.
ปญฺญาสภาณวาราย, ตนฺติยา ปริมาณโต;
Paññāsabhāṇavārāya, tantiyā parimāṇato;
สมิชฺฌนิฎฺฐิปรมา, ยา วิมติวิโนทนีฯ
Samijjhaniṭṭhiparamā, yā vimativinodanī.
อนนฺตราเยน กตา, อยํ นิฎฺฐมุปาคตา;
Anantarāyena katā, ayaṃ niṭṭhamupāgatā;
ยํ ตํ นิฎฺฐํ ตถา สเพฺพ, ปาณิโน สมโนรถาฯ
Yaṃ taṃ niṭṭhaṃ tathā sabbe, pāṇino samanorathā.
เถเรหิ วินยญฺญูหิ, สุจิสเลฺลขวุตฺติหิ;
Therehi vinayaññūhi, sucisallekhavuttihi;
อวิสฺสตฺถาติวิตฺถิณฺณ-คนฺถภีรู หิปตฺถิตํฯ
Avissatthātivitthiṇṇa-ganthabhīrū hipatthitaṃ.
กโรเนฺตน มยา เอวํ, วินยอตฺถวณฺณนํ;
Karontena mayā evaṃ, vinayaatthavaṇṇanaṃ;
ยํ ปตฺตํ กุสลํ เตน, ปตฺวา สโมฺพธิมุตฺตมํฯ
Yaṃ pattaṃ kusalaṃ tena, patvā sambodhimuttamaṃ.
วินยตฺถํ ปกาเสตฺวา, โย โสปาเยน ลกฺขณํ;
Vinayatthaṃ pakāsetvā, yo sopāyena lakkhaṇaṃ;
โสปายํ วิมติเจฺฉท-ญาณจกฺขุปทายกํฯ
Sopāyaṃ vimaticcheda-ñāṇacakkhupadāyakaṃ.
วิรทฺธตฺถวิปลฺลาส-คนฺถวิตฺถารหานิยา;
Viraddhatthavipallāsa-ganthavitthārahāniyā;
วิสุทฺธิํ ปาปยิสฺสามิ, สเตฺต สํสารทุกฺขโตฯ
Visuddhiṃ pāpayissāmi, satte saṃsāradukkhato.
โลกิเยหิ จ โภเคหิ, คุเณหิ นิขิลา ปชา;
Lokiyehi ca bhogehi, guṇehi nikhilā pajā;
สเพฺพหิ สหิตา โหนฺตุ, รตา สมฺพุทฺธสาสเนติฯ
Sabbehi sahitā hontu, ratā sambuddhasāsaneti.
วิมติวิโนทนีฎีกา นิฎฺฐิตาฯ
Vimativinodanīṭīkā niṭṭhitā.
