| Library / Tipiṭaka / ติปิฎก • Tipiṭaka / เนตฺติวิภาวินี • Nettivibhāvinī |
นิคมนกถา
Nigamanakathā
สพฺพสตฺตุตฺตโม นาโถ, โลเก อุปฺปชฺชิ นายโก;
Sabbasattuttamo nātho, loke uppajji nāyako;
สมฺพุโทฺธ โคตโม ชิโน, อเนกคุณลงฺกโตฯ
Sambuddho gotamo jino, anekaguṇalaṅkato.
สาสนํ ตสฺส เสฎฺฐสฺส, อฎฺฐวสฺสสตาธิกํ;
Sāsanaṃ tassa seṭṭhassa, aṭṭhavassasatādhikaṃ;
ทฺวิสหสฺสํ ยทา ปตฺตํ, นิมฺมลํ วฑฺฒนํ สุภํฯ
Dvisahassaṃ yadā pattaṃ, nimmalaṃ vaḍḍhanaṃ subhaṃ.
ตทา ภูมิสฺสโร มหาธมฺมราชา มหิทฺธิโก;
Tadā bhūmissaro mahādhammarājā mahiddhiko;
อาณาจเกฺกน สาเรติ, ราชา โนอนุวตฺตเกฯ
Āṇācakkena sāreti, rājā noanuvattake.
ลทฺธา เสตคเช วเร, โลเก วิมฺหยชานเก;
Laddhā setagaje vare, loke vimhayajānake;
อปฺปมโตฺต มหาวีโร, ปุญฺญํ กตฺวาภิโมทติฯ
Appamatto mahāvīro, puññaṃ katvābhimodati.
ตสฺมิํ วเสฺสว สาวเณ, มาเส นวมทิวเส;
Tasmiṃ vasseva sāvaṇe, māse navamadivase;
สูริยุคฺคมเน กาเล, นิพฺพตฺตายํ วิภาวนาฯ
Sūriyuggamane kāle, nibbattāyaṃ vibhāvanā.
ยตฺตกํ สาสนํ ฐิตํ, ตตฺตกํ รจิตํ มยา;
Yattakaṃ sāsanaṃ ṭhitaṃ, tattakaṃ racitaṃ mayā;
ฐาตุ เนตฺติวิภาวนา, ชินปุตฺตหิตาวหาฯ
Ṭhātu nettivibhāvanā, jinaputtahitāvahā.
อิติ ตํ รจยเนฺตน, ปุญฺญํ อธิคตํ มยา;
Iti taṃ racayantena, puññaṃ adhigataṃ mayā;
โหนฺตุ ตสฺสานุภาเวน, สเพฺพ วิมุตฺติภาคิโนฯ
Hontu tassānubhāvena, sabbe vimuttibhāgino.
ราชเทวี ปุตฺตนตฺตา, ปนตฺตา จ สชาติกา;
Rājadevī puttanattā, panattā ca sajātikā;
สเพฺพ รชฺชสุเข ฐตฺวา, จรนฺตุ จริตํ สุขีฯ
Sabbe rajjasukhe ṭhatvā, carantu caritaṃ sukhī.
เทโว กาเล สุวสฺสตุ, สโพฺพ รฎฺฐชโน สุขี;
Devo kāle suvassatu, sabbo raṭṭhajano sukhī;
อญฺญมญฺญํ อหิํสโนฺต, ปิโย โหตุ หิตาวโหติฯ
Aññamaññaṃ ahiṃsanto, piyo hotu hitāvahoti.
เนตฺติวิภาวินี นิฎฺฐิตาฯ
Nettivibhāvinī niṭṭhitā.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เนตฺติปฺปกรณ-อฎฺฐกถา • Nettippakaraṇa-aṭṭhakathā / นิคมนกถา • Nigamanakathā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / ขุทฺทกนิกาย (ฎีกา) • Khuddakanikāya (ṭīkā) / เนตฺติปฺปกรณ-ฎีกา • Nettippakaraṇa-ṭīkā / นิคมนกถาวณฺณนา • Nigamanakathāvaṇṇanā
