| Library / Tipiṭaka / તિપિટક • Tipiṭaka / નેત્તિવિભાવિની • Nettivibhāvinī |
નિગમનકથા
Nigamanakathā
સબ્બસત્તુત્તમો નાથો, લોકે ઉપ્પજ્જિ નાયકો;
Sabbasattuttamo nātho, loke uppajji nāyako;
સમ્બુદ્ધો ગોતમો જિનો, અનેકગુણલઙ્કતો.
Sambuddho gotamo jino, anekaguṇalaṅkato.
સાસનં તસ્સ સેટ્ઠસ્સ, અટ્ઠવસ્સસતાધિકં;
Sāsanaṃ tassa seṭṭhassa, aṭṭhavassasatādhikaṃ;
દ્વિસહસ્સં યદા પત્તં, નિમ્મલં વડ્ઢનં સુભં.
Dvisahassaṃ yadā pattaṃ, nimmalaṃ vaḍḍhanaṃ subhaṃ.
તદા ભૂમિસ્સરો મહાધમ્મરાજા મહિદ્ધિકો;
Tadā bhūmissaro mahādhammarājā mahiddhiko;
આણાચક્કેન સારેતિ, રાજા નોઅનુવત્તકે.
Āṇācakkena sāreti, rājā noanuvattake.
લદ્ધા સેતગજે વરે, લોકે વિમ્હયજાનકે;
Laddhā setagaje vare, loke vimhayajānake;
અપ્પમત્તો મહાવીરો, પુઞ્ઞં કત્વાભિમોદતિ.
Appamatto mahāvīro, puññaṃ katvābhimodati.
તસ્મિં વસ્સેવ સાવણે, માસે નવમદિવસે;
Tasmiṃ vasseva sāvaṇe, māse navamadivase;
સૂરિયુગ્ગમને કાલે, નિબ્બત્તાયં વિભાવના.
Sūriyuggamane kāle, nibbattāyaṃ vibhāvanā.
યત્તકં સાસનં ઠિતં, તત્તકં રચિતં મયા;
Yattakaṃ sāsanaṃ ṭhitaṃ, tattakaṃ racitaṃ mayā;
ઠાતુ નેત્તિવિભાવના, જિનપુત્તહિતાવહા.
Ṭhātu nettivibhāvanā, jinaputtahitāvahā.
ઇતિ તં રચયન્તેન, પુઞ્ઞં અધિગતં મયા;
Iti taṃ racayantena, puññaṃ adhigataṃ mayā;
હોન્તુ તસ્સાનુભાવેન, સબ્બે વિમુત્તિભાગિનો.
Hontu tassānubhāvena, sabbe vimuttibhāgino.
રાજદેવી પુત્તનત્તા, પનત્તા ચ સજાતિકા;
Rājadevī puttanattā, panattā ca sajātikā;
સબ્બે રજ્જસુખે ઠત્વા, ચરન્તુ ચરિતં સુખી.
Sabbe rajjasukhe ṭhatvā, carantu caritaṃ sukhī.
દેવો કાલે સુવસ્સતુ, સબ્બો રટ્ઠજનો સુખી;
Devo kāle suvassatu, sabbo raṭṭhajano sukhī;
અઞ્ઞમઞ્ઞં અહિંસન્તો, પિયો હોતુ હિતાવહોતિ.
Aññamaññaṃ ahiṃsanto, piyo hotu hitāvahoti.
નેત્તિવિભાવિની નિટ્ઠિતા.
Nettivibhāvinī niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / નેત્તિપ્પકરણ-અટ્ઠકથા • Nettippakaraṇa-aṭṭhakathā / નિગમનકથા • Nigamanakathā
ટીકા • Tīkā / સુત્તપિટક (ટીકા) • Suttapiṭaka (ṭīkā) / ખુદ્દકનિકાય (ટીકા) • Khuddakanikāya (ṭīkā) / નેત્તિપ્પકરણ-ટીકા • Nettippakaraṇa-ṭīkā / નિગમનકથાવણ્ણના • Nigamanakathāvaṇṇanā
