| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
निगमनकथा
Nigamanakathā
एत्तावता च आरद्धा, विनयट्ठकथाय या।
Ettāvatā ca āraddhā, vinayaṭṭhakathāya yā;
वण्णना नातिवित्थिण्णा, परिपुण्णविनिच्छया॥
Vaṇṇanā nātivitthiṇṇā, paripuṇṇavinicchayā.
पञ्ञासभाणवाराय, तन्तिया परिमाणतो।
Paññāsabhāṇavārāya, tantiyā parimāṇato;
समिज्झनिट्ठिपरमा, या विमतिविनोदनी॥
Samijjhaniṭṭhiparamā, yā vimativinodanī.
अनन्तरायेन कता, अयं निट्ठमुपागता।
Anantarāyena katā, ayaṃ niṭṭhamupāgatā;
यं तं निट्ठं तथा सब्बे, पाणिनो समनोरथा॥
Yaṃ taṃ niṭṭhaṃ tathā sabbe, pāṇino samanorathā.
थेरेहि विनयञ्ञूहि, सुचिसल्लेखवुत्तिहि।
Therehi vinayaññūhi, sucisallekhavuttihi;
अविस्सत्थातिवित्थिण्ण-गन्थभीरू हिपत्थितं॥
Avissatthātivitthiṇṇa-ganthabhīrū hipatthitaṃ.
करोन्तेन मया एवं, विनयअत्थवण्णनं।
Karontena mayā evaṃ, vinayaatthavaṇṇanaṃ;
यं पत्तं कुसलं तेन, पत्वा सम्बोधिमुत्तमं॥
Yaṃ pattaṃ kusalaṃ tena, patvā sambodhimuttamaṃ.
विनयत्थं पकासेत्वा, यो सोपायेन लक्खणं।
Vinayatthaṃ pakāsetvā, yo sopāyena lakkhaṇaṃ;
सोपायं विमतिच्छेद-ञाणचक्खुपदायकं॥
Sopāyaṃ vimaticcheda-ñāṇacakkhupadāyakaṃ.
विरद्धत्थविपल्लास-गन्थवित्थारहानिया।
Viraddhatthavipallāsa-ganthavitthārahāniyā;
विसुद्धिं पापयिस्सामि, सत्ते संसारदुक्खतो॥
Visuddhiṃ pāpayissāmi, satte saṃsāradukkhato.
लोकियेहि च भोगेहि, गुणेहि निखिला पजा।
Lokiyehi ca bhogehi, guṇehi nikhilā pajā;
सब्बेहि सहिता होन्तु, रता सम्बुद्धसासनेति॥
Sabbehi sahitā hontu, ratā sambuddhasāsaneti.
विमतिविनोदनीटीका निट्ठिता।
Vimativinodanīṭīkā niṭṭhitā.
