| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
निगमनकथा
Nigamanakathā
एत्तावता च –
Ettāvatā ca –
धातुप्पभेदकुसलो, यं धातुकथं तथागतो आह।
Dhātuppabhedakusalo, yaṃ dhātukathaṃ tathāgato āha;
तस्सा नयमुखभेद-प्पकासनं निट्ठितं होति॥
Tassā nayamukhabheda-ppakāsanaṃ niṭṭhitaṃ hoti.
इमिना नयमुखभेद-प्पकासनेन हि विभाविना सक्का।
Iminā nayamukhabheda-ppakāsanena hi vibhāvinā sakkā;
ञातुं सब्बेपि नया, सङ्खेपकथाव इति वुत्ता॥
Ñātuṃ sabbepi nayā, saṅkhepakathāva iti vuttā.
एकेकस्स पन सचे, पदस्स वित्थारमेव भासेय्यं।
Ekekassa pana sace, padassa vitthārameva bhāseyyaṃ;
वचनञ्च अतिविय बहुं, भवेय्य अत्थो च अविसेसो॥
Vacanañca ativiya bahuṃ, bhaveyya attho ca aviseso.
इति ऊनभाणवारद्वयाय, यं तन्तिया मया एतं।
Iti ūnabhāṇavāradvayāya, yaṃ tantiyā mayā etaṃ;
कुरुना पत्तं पुञ्ञं, सुखाय तं होतु लोकस्साति॥
Kurunā pattaṃ puññaṃ, sukhāya taṃ hotu lokassāti.
धातुकथा-अट्ठकथा निट्ठिता।
Dhātukathā-aṭṭhakathā niṭṭhitā.
