| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
ниг̇аманагат̇аа
Nigamanakathā
1.
1.
ж̇амб̣уд̣̇ийбад̇алз раммз, мараммависаяз суд̇з;
Jambudīpatale ramme, marammavisaye sute;
д̇амб̣ад̣̇ийбарадтз тид̇ам̣, бурам̣ рад̇ананаамагам̣.
Tambadīparaṭṭhe ṭhitaṃ, puraṃ ratananāmakaṃ.
2.
2.
ж̇инасаасанабаж̇ж̇од̇ам̣ , анзгарад̇анаагарам̣;
Jinasāsanapajjotaṃ , anekaratanākaraṃ;
саад̇хуж̇ж̇анаанамааваасам̣, сон̣н̣абаасаад̣̇алан̇гад̇ам̣.
Sādhujjanānamāvāsaṃ, soṇṇapāsādalaṅkataṃ.
3.
3.
д̇асмим̣ рад̇анабурамхи, рааж̇аанзгарадтиссаро;
Tasmiṃ ratanapuramhi, rājānekaraṭṭhissaro;
сирийсуд̇хаммарааж̇аад̇и, махааад̇хибад̇ийд̇и жа.
Sirīsudhammarājāti, mahāadhipatīti ca.
4.
4.
звам̣наамо махаад̇зж̇о, раж̇ж̇ам̣ гаарзси д̇хаммад̇о;
Evaṃnāmo mahātejo, rajjaṃ kāresi dhammato;
гаараабзси рааж̇аа ман̣и-жуул̣ам̣ маханд̇ажзд̇ияам̣.
Kārāpesi rājā maṇi-cūḷaṃ mahantacetiyaṃ.
5.
5.
д̇асса гаалз б̣рахааран̃н̃з, д̇ирияо наама баб̣б̣ад̇о;
Tassa kāle brahāraññe, tiriyo nāma pabbato;
буб̣б̣агааран̃н̃аваасийнам̣, ниваасо бхааванаарахо.
Pubbakāraññavāsīnaṃ, nivāso bhāvanāraho.
6.
6.
адтаарасахи д̣̇осзхи, муд̇д̇о бан̃жан̇г̇убааг̇ад̇о;
Aṭṭhārasahi dosehi, mutto pañcaṅgupāgato;
аран̃н̃алагкан̣ам̣ бад̇д̇о, б̣ад̣̇д̇хасиймааяалан̇гад̇о.
Araññalakkhaṇaṃ patto, baddhasīmāyalaṅkato.
7.
7.
д̇асмим̣ баб̣б̣ад̇з васанд̇о, махаат̇зро субаагадо;
Tasmiṃ pabbate vasanto, mahāthero supākaṭo;
д̇ибздагаалан̇гаарод̇и, д̣̇вигкад̇д̇ум̣ лад̣̇д̇халан̃чано.
Tipeṭakālaṅkāroti, dvikkhattuṃ laddhalañchano.
8.
8.
д̇збхаад̇уганаринд̣̇аанам̣, г̇арубхууд̇о субзсало;
Tebhātukanarindānaṃ, garubhūto supesalo;
гусало барияад̇д̇имхи, бадибад̇д̇имхи гаараго.
Kusalo pariyattimhi, paṭipattimhi kārako.
9.
9.
сохам̣ лаж̇ж̇ийбзсалзхи, бхигкуухи абхияаажид̇о;
Sohaṃ lajjīpesalehi, bhikkhūhi abhiyācito;
саасанассобагаарааяа, агаасим̣ сийлавад̣дханам̣.
Sāsanassopakārāya, akāsiṃ sīlavaḍḍhanaṃ.
10.
10.
винаяаалан̇гаарам̣ наама, лаж̇ж̇ийнам̣ убагаарагам̣;
Vinayālaṅkāraṃ nāma, lajjīnaṃ upakārakaṃ;
судту винаяасан̇г̇аха-ван̣н̣анам̣ саад̇хусзвид̇ам̣.
Suṭṭhu vinayasaṅgaha-vaṇṇanaṃ sādhusevitaṃ.
11.
11.
руубачид̣̇д̣̇анаасаган̣н̣з , самбад̇д̇з ж̇инасаасанз;
Rūpachiddanāsakaṇṇe , sampatte jinasāsane;
чид̣̇д̣̇асун̃н̃асун̃н̃аруубз, галияуг̇амхи ааг̇ад̇з.
Chiddasuññasuññarūpe, kaliyugamhi āgate.
12.
12.
нидтаабид̇аа аяам̣ дийгаа, маяаа саасанагааран̣аа;
Niṭṭhāpitā ayaṃ ṭīkā, mayā sāsanakāraṇā;
д̣̇вийсу сон̣н̣авихаарзсу, д̣̇вигкад̇д̇ум̣ лад̣̇д̇хагзд̇унаа.
Dvīsu soṇṇavihāresu, dvikkhattuṃ laddhaketunā.
13.
13.
иминаа бун̃н̃агаммзна, ан̃н̃зна гусалзна жа;
Iminā puññakammena, aññena kusalena ca;
ид̇о жуд̇аахам̣ д̣̇уд̇ияз, ад̇д̇абхаавамхи ааг̇ад̇з.
Ito cutāhaṃ dutiye, attabhāvamhi āgate.
14.
14.
химаванд̇абад̣̇зсамхи, баб̣б̣ад̇з г̇анд̇хамаад̣̇анз;
Himavantapadesamhi, pabbate gandhamādane;
аасаннз ман̣иг̇ухааяа, ман̃ж̇уусагад̣̇умасса жа.
Āsanne maṇiguhāya, mañjūsakadumassa ca.
15.
15.
д̇асмим̣ хзссам̣ бхуммад̣̇зво, ад̇ид̣̇ийгхааяуго варо;
Tasmiṃ hessaṃ bhummadevo, atidīghāyuko varo;
бан̃н̃аавийрияасамбанно, б̣уд̣̇д̇хасаасанамаамаго.
Paññāvīriyasampanno, buddhasāsanamāmako.
16.
16.
яаава д̇идтад̇и саасанам̣, д̇аава жзд̇ияаванд̣̇анам̣;
Yāva tiṭṭhati sāsanaṃ, tāva cetiyavandanaṃ;
б̣од̇хибууж̇ам̣ сан̇гхабууж̇ам̣, гарзяяам̣ д̇удтамаанасо.
Bodhipūjaṃ saṅghapūjaṃ, kareyyaṃ tuṭṭhamānaso.
17.
17.
бхигкуунам̣ бадибаннаанам̣, взяяааважжам̣ гарзяяахам̣;
Bhikkhūnaṃ paṭipannānaṃ, veyyāvaccaṃ kareyyahaṃ;
барияад̇д̇аабхияуд̇д̇аанам̣, ган̇каавинод̣̇аязяяахам̣.
Pariyattābhiyuttānaṃ, kaṅkhāvinodayeyyahaṃ.
18.
18.
саасанам̣ баг̇г̇ан̣ханд̇аанам̣, рааж̇уунам̣ сахааяо ассам̣;
Sāsanaṃ paggaṇhantānaṃ, rājūnaṃ sahāyo assaṃ;
саасанам̣ ниг̇г̇ан̣ханд̇аанам̣, ваарзд̇ум̣ самад̇т̇о ассам̣.
Sāsanaṃ niggaṇhantānaṃ, vāretuṃ samattho assaṃ.
19.
19.
саасананд̇арад̇хаанз д̇у, ман̃ж̇уусам̣ ругкамуд̇д̇амам̣;
Sāsanantaradhāne tu, mañjūsaṃ rukkhamuttamaṃ;
нанд̣̇амуулан̃жа баб̣бхаарам̣, нижжам̣ бууж̇ам̣ гарзяяахам̣.
Nandamūlañca pabbhāraṃ, niccaṃ pūjaṃ kareyyahaṃ.
20.
20.
яад̣̇аа д̇у бажжзгаб̣уд̣̇д̇хаа, уббаж̇ж̇анд̇и махааяасаа;
Yadā tu paccekabuddhā, uppajjanti mahāyasā;
д̇ад̣̇аа д̇зсам̣ нижжагаббам̣, убадтаанам̣ гарзяяахам̣.
Tadā tesaṃ niccakappaṃ, upaṭṭhānaṃ kareyyahaṃ.
21.
21.
д̇знзва ад̇д̇абхаавзна, яаава б̣уд̣̇д̇хуббаад̣̇аа ахам̣;
Teneva attabhāvena, yāva buddhuppādā ahaṃ;
д̇идтанд̇о б̣уд̣̇д̇хуббаад̣̇амхи, мануссзсу бхаваамахам̣.
Tiṭṭhanto buddhuppādamhi, manussesu bhavāmahaṃ.
22.
22.
мзд̇д̇зяяасса бхаг̇авад̇о, баб̣б̣аж̇ид̇ваана саасанз;
Metteyyassa bhagavato, pabbajitvāna sāsane;
д̇осаяид̇ваана ж̇инам̣ д̇ам̣, лабхз б̣яаагаран̣уд̇д̇амам̣.
Tosayitvāna jinaṃ taṃ, labhe byākaraṇuttamaṃ.
23.
23.
б̣яаагаран̣ам̣ лабхид̇ваана, буурзд̇ваа саб̣б̣абаарамий;
Byākaraṇaṃ labhitvāna, pūretvā sabbapāramī;
анааг̇ад̇амхи ад̣̇д̇хаанз, б̣уд̣̇д̇хо хзссам̣ сад̣̇звагзд̇и.
Anāgatamhi addhāne, buddho hessaṃ sadevaketi.
винаяаалан̇гаарадийгаа самад̇д̇аа.
Vinayālaṅkāraṭīkā samattā.
