| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
1.
1.
лан̇гиссаро яо виж̇ид̇аарирааж̇о;
Laṅkissaro yo vijitārirājo;
рааж̇аа барагганд̇абхуж̇о яасассий;
Rājā parakkantabhujo yasassī;
д̇ид̇хааг̇ад̇ам̣ сийхал̣амзгараж̇ж̇ам̣;
Tidhāgataṃ sīhaḷamekarajjaṃ;
агаа нигааяан̃жа д̇ат̇аа самаг̇г̇ам̣.
Akā nikāyañca tathā samaggaṃ.
2.
2.
бурз булад̇т̇имхи варз бураанам̣;
Pure pulatthimhi vare purānaṃ;
маж̇жхамхи наанаарад̇анаагараанам̣;
Majjhamhi nānāratanākarānaṃ;
ананд̇асамбад̇д̇ибхараабхираамз;
Anantasampattibharābhirāme;
вараажалуд̇д̇ан̇г̇агхараабхираамз.
Varācaluttaṅgagharābhirāme.
3.
3.
абхзж̇ж̇абаагаарасуг̇обурасмим̣ ;
Abhejjapākārasugopurasmiṃ ;
нираагулаанзгагулаагуласмим̣;
Nirākulānekakulākulasmiṃ;
мунинд̣̇ад̣̇аатан̇гураваасабхууд̇з;
Munindadāṭhaṅkuravāsabhūte;
яо ложанаананд̣̇авахз васанд̇о.
Yo locanānandavahe vasanto.
4.
4.
супуллид̇аб̣бхорухасаад̣̇усийд̇а
Suphullitabbhoruhasādusīta
басаннанийрзхи ж̇алаасаязхи;
Pasannanīrehi jalāsayehi;
субубпид̇аанзгагад̣̇амб̣аж̇амб̣у-
Supupphitānekakadambajambu-
буннааг̇анааг̇аад̣̇ихи ваабхираммз.
Punnāganāgādihi vābhiramme.
5.
5.
суд̇хаавад̣̇аад̇зхи манохарзхи;
Sudhāvadātehi manoharehi;
баагаарабанд̇ийхи жа г̇обурзхи;
Pākārapantīhi ca gopurehi;
вигин̣н̣амуд̇д̇аапаласаннибхзхи;
Vikiṇṇamuttāphalasannibhehi;
вилоганийязхи суд̇хаад̇алзхи.
Vilokanīyehi sudhātalehi.
6.
6.
гад̇ваана баасаад̣̇асахассараммз;
Katvāna pāsādasahassaramme;
д̇ахим̣ д̇ахим̣ бийд̇игарз вихаарз;
Tahiṃ tahiṃ pītikare vihāre;
махаад̣̇аяо ж̇зд̇аванаад̣̇аяоби;
Mahādayo jetavanādayopi;
сусам̣яамаанам̣ яад̇инам̣ ад̣̇ааси.
Susaṃyamānaṃ yatinaṃ adāsi.
7.
7.
яо саад̣̇убхууд̇ам̣ жад̇убажжаяан̃жа;
Yo sādubhūtaṃ catupaccayañca;
г̇ун̣аббасанно саман̣зсу д̇зсу;
Guṇappasanno samaṇesu tesu;
нижжам̣ махогхам̣ вияа вад̇д̇аяанд̇о;
Niccaṃ mahoghaṃ viya vattayanto;
яож̇зд̇и д̇з г̇ант̇авибассанаасу.
Yojeti te ganthavipassanāsu.
8.
8.
гаарид̇зсу вихаарзсу, д̇зна д̇зсу яасассинаа;
Kāritesu vihāresu, tena tesu yasassinā;
раммо яо бажчимаараамо, бубпаараамаад̣̇исобхид̇о.
Rammo yo pacchimārāmo, pupphārāmādisobhito.
9.
9.
баривзн̣амхи наамзна, д̇ахим̣ жол̣агуланд̇игз;
Pariveṇamhi nāmena, tahiṃ coḷakulantike;
баасаад̣̇з д̣̇ассанийяамхи, васанд̇о гарун̣аабаро.
Pāsāde dassanīyamhi, vasanto karuṇāparo.
10.
10.
сиссо сасийгарасважча-сийлаажаарасса д̇хиймад̇о;
Sisso sasīkarasvaccha-sīlācārassa dhīmato;
саарибуд̇д̇амахаат̇зра-махаасаамисса д̇аад̣̇ино.
Sāriputtamahāthera-mahāsāmissa tādino.
11.
11.
д̇хийраанзгаг̇ун̣огхзна, т̇зрзна суживуд̇д̇инаа;
Dhīrānekaguṇoghena, therena sucivuttinā;
винаяадтид̇игаамзна, сумзд̇хзнаабхияаажид̇о.
Vinayaṭṭhitikāmena, sumedhenābhiyācito.
12.
12.
со б̣уд̣̇д̇ханааг̇ад̇т̇зрохам̣, бхигкуунам̣ барамам̣ хид̇ам̣;
So buddhanāgattherohaṃ, bhikkhūnaṃ paramaṃ hitaṃ;
махаавихаараваасийнам̣, яад̇ийнам̣ самаяаануг̇ам̣.
Mahāvihāravāsīnaṃ, yatīnaṃ samayānugaṃ.
13.
13.
винаяад̇т̇аад̣̇иман̃ж̇уусам̣ , лийнад̇т̇асса багаасаним̣;
Vinayatthādimañjūsaṃ , līnatthassa pakāsaniṃ;
маад̇игадтагат̇ааязмам̣, агаасим̣ саад̇ху ван̣н̣анам̣.
Mātikaṭṭhakathāyemaṃ, akāsiṃ sādhu vaṇṇanaṃ.
14.
14.
сааяам̣ суб̣од̇хаа б̣уд̇хаван̣н̣анийяаа;
Sāyaṃ subodhā budhavaṇṇanīyā;
сам̣ван̣н̣анаа сад̇д̇асахассамад̇д̇аа;
Saṃvaṇṇanā sattasahassamattā;
нираагаронд̇ий винаяамхи мохам̣;
Nirākarontī vinayamhi mohaṃ;
д̇амам̣ жаранд̇ий саси кзва бхаад̇у.
Tamaṃ carantī sasi kheva bhātu.
15.
15.
ааган̇камаанзна барад̇т̇амидтам̣;
Ākaṅkhamānena paratthamiṭṭhaṃ;
махад̇т̇асаарам̣ сувинижчаяан̃жа;
Mahatthasāraṃ suvinicchayañca;
сам̣ван̣н̣анам̣ саад̇ху багуб̣б̣ад̇аа яам̣;
Saṃvaṇṇanaṃ sādhu pakubbatā yaṃ;
жид̇ам̣ маяаа бун̃н̃аманаббабхууд̇ам̣.
Citaṃ mayā puññamanappabhūtaṃ.
16.
16.
бун̃н̃зна д̇знаажид̇ад̣̇аанасийла-
Puññena tenācitadānasīla-
маяаад̣̇инаанзгавид̇хзна жзва;
Mayādinānekavidhena ceva;
сад̇д̇аа анийгхаа сукино авзраа;
Sattā anīghā sukhino averā;
баббонд̇у саб̣б̣з суг̇ад̇им̣ сиван̃жа.
Pappontu sabbe sugatiṃ sivañca.
17.
17.
сад̣̇д̇хим̣ яат̇обад̣̇д̣̇аваманд̇арзна;
Saddhiṃ yathopaddavamantarena;
г̇ад̇аа хи лийнад̇т̇абад̣̇ийбанийяам̣;
Gatā hi līnatthapadīpanīyaṃ;
д̇ат̇аа ж̇анаанам̣ аби д̇хаммаяуд̇д̇аа;
Tathā janānaṃ api dhammayuttā;
манорат̇аа сид̣̇д̇химубзнд̇у нижжам̣.
Manorathā siddhimupentu niccaṃ.
18.
18.
гаалз бавассанд̇у сад̣̇аа баяод̣̇аа;
Kāle pavassantu sadā payodā;
д̇хаммзна баалзнд̇у махим̣ махинд̣̇аа;
Dhammena pālentu mahiṃ mahindā;
сад̇д̇аа басаннаа рад̇анад̇д̇аяасмим̣;
Sattā pasannā ratanattayasmiṃ;
д̣̇аанаад̣̇ибун̃н̃аабхирад̇аа бхаванд̇ууд̇и.
Dānādipuññābhiratā bhavantūti.
винаяад̇т̇аман̃ж̇уусаа лийнад̇т̇аббагаасанийнаамигааган̇каавид̇аран̣ийабхинавадийгаа нидтид̇аа.
Vinayatthamañjūsā līnatthappakāsanīnāmikākaṅkhāvitaraṇīabhinavaṭīkā niṭṭhitā.
