| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
д̣̇звад̇аанам̣ вимаанаад̣̇и-самбад̇д̇им̣ д̇асса гааран̣ам̣;
Devatānaṃ vimānādi-sampattiṃ tassa kāraṇaṃ;
багаасаяанд̇ий сад̇д̇аанам̣, саб̣б̣алогахид̇аавахаа.
Pakāsayantī sattānaṃ, sabbalokahitāvahā.
аббагаанамби гаараанам̣, яаа вибхаавзд̇и д̣̇зсанаа;
Appakānampi kārānaṃ, yā vibhāveti desanā;
ул̣аарапалад̇ам̣ жид̇д̇а-кзд̇д̇асамбад̇д̇ияог̇ад̇о.
Uḷāraphalataṃ citta-khettasampattiyogato.
яам̣ гат̇аавад̇т̇угусалаа, субарин̃н̃аад̇авад̇т̇угаа;
Yaṃ kathāvatthukusalā, supariññātavatthukā;
вимаанавад̇т̇уижжзва, сан̇г̇ааяим̣су махзсаяо.
Vimānavatthuicceva, saṅgāyiṃsu mahesayo.
д̇асса ад̇т̇ам̣ багаасзд̇ум̣, бораан̣адтагат̇аанаяам̣;
Tassa atthaṃ pakāsetuṃ, porāṇaṭṭhakathānayaṃ;
санниссааяа самаарад̣̇д̇хаа, ад̇т̇асам̣ван̣н̣анаа маяаа.
Sannissāya samāraddhā, atthasaṃvaṇṇanā mayā.
яаа д̇ад̇т̇а барамад̇т̇аанам̣, д̇ад̇т̇а д̇ад̇т̇а яат̇аарахам̣;
Yā tattha paramatthānaṃ, tattha tattha yathārahaṃ;
багаасанаа барамад̇т̇а-д̣̇ийбаний наама наамад̇о.
Pakāsanā paramattha-dīpanī nāma nāmato.
самбад̇д̇аа баринидтаанам̣, анаагулавинижчаяаа;
Sampattā pariniṭṭhānaṃ, anākulavinicchayā;
саа сад̇д̇арасамад̇д̇ааяа, баал̣ияаа бхаан̣аваарад̇о.
Sā sattarasamattāya, pāḷiyā bhāṇavārato.
ид̇и д̇ам̣ сан̇каронд̇зна, яам̣ д̇ам̣ ад̇хиг̇ад̇ам̣ маяаа;
Iti taṃ saṅkharontena, yaṃ taṃ adhigataṃ mayā;
бун̃н̃ам̣ д̇ассаанубхаавзна, логанаат̇асса саасанам̣.
Puññaṃ tassānubhāvena, lokanāthassa sāsanaṃ.
ог̇аахзд̇ваа висуд̣̇д̇хааяа, сийлаад̣̇ибадибад̇д̇ияаа;
Ogāhetvā visuddhāya, sīlādipaṭipattiyā;
саб̣б̣зби д̣̇зхино хонд̇у, вимуд̇д̇ирасабхааг̇ино.
Sabbepi dehino hontu, vimuttirasabhāgino.
жирам̣ д̇идтад̇у логасмим̣, саммаасамб̣уд̣̇д̇хасаасанам̣;
Ciraṃ tiṭṭhatu lokasmiṃ, sammāsambuddhasāsanaṃ;
д̇асмим̣ саг̇аараваа нижжам̣, хонд̇у саб̣б̣зби баан̣ино.
Tasmiṃ sagāravā niccaṃ, hontu sabbepi pāṇino.
саммаа вассад̇у гаалзна, д̣̇звоби ж̇аг̇ад̇ийбад̇и;
Sammā vassatu kālena, devopi jagatīpati;
сад̣̇д̇хамманирад̇о логам̣, д̇хаммзнзва басаасад̇ууд̇и.
Saddhammanirato lokaṃ, dhammeneva pasāsatūti.
ид̇и б̣ад̣̇арад̇ид̇т̇авихаараваасинаа аажарияад̇хаммабаалзна
Iti badaratitthavihāravāsinā ācariyadhammapālena
гад̇ааяа
Katāya
барамад̇т̇ад̣̇ийбанияаа куд̣̇д̣̇ага-адтагат̇ааяа
Paramatthadīpaniyā khuddaka-aṭṭhakathāya
вимаанавад̇т̇уад̇т̇аван̣н̣анаа нидтид̇аа.
Vimānavatthuatthavaṇṇanā niṭṭhitā.
вимаанавад̇т̇у-адтагат̇аа самад̇д̇аа.
Vimānavatthu-aṭṭhakathā samattā.
