| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
убхад̇о вибхан̇г̇аканд̇хага-баривааравибхад̇д̇ид̣̇зсанам̣ наат̇о;
Ubhato vibhaṅgakhandhaka-parivāravibhattidesanaṃ nātho;
винаяабидагам̣ винзнд̇о, взнзяяам̣ яам̣ ж̇ино ааха.
Vinayapiṭakaṃ vinento, veneyyaṃ yaṃ jino āha.
самад̇хигасад̇д̇авийсад̇и-сахассамад̇д̇зна д̇асса г̇ант̇зна;
Samadhikasattavīsati-sahassamattena tassa ganthena;
сам̣ван̣н̣анаа самад̇д̇аа, саманд̇абаасаад̣̇игаа наама.
Saṃvaṇṇanā samattā, samantapāsādikā nāma.
д̇ад̇рид̣̇ам̣ саманд̇абаасаад̣̇игааяа саманд̇абаасаад̣̇игад̇д̇асмим̣ –
Tatridaṃ samantapāsādikāya samantapāsādikattasmiṃ –
аажарияабарамбарад̇о, нид̣̇аанавад̇т̇уббабхзд̣̇ад̣̇ийбанад̇о;
Ācariyaparamparato, nidānavatthuppabhedadīpanato;
барасамаяавиваж̇ж̇анад̇о, сагасамаяависуд̣̇д̇хид̇о жзва.
Parasamayavivajjanato, sakasamayavisuddhito ceva.
б̣яан̃ж̇анабарисод̇ханад̇о, бад̣̇ад̇т̇ад̇о баал̣ияож̇анаггамад̇о;
Byañjanaparisodhanato, padatthato pāḷiyojanakkamato;
сигкаабад̣̇анижчаяад̇о, вибхан̇г̇анаяабхзд̣̇ад̣̇ассанад̇о.
Sikkhāpadanicchayato, vibhaṅganayabhedadassanato.
самбассад̇ам̣ на д̣̇иссад̇и, гин̃жи абаасаад̣̇игам̣ яад̇о зд̇т̇а;
Sampassataṃ na dissati, kiñci apāsādikaṃ yato ettha;
вин̃н̃уунамаяам̣ д̇асмаа, саманд̇абаасаад̣̇игаад̇взва.
Viññūnamayaṃ tasmā, samantapāsādikātveva.
сам̣ван̣н̣анаа бавад̇д̇аа, винаяасса винзяяад̣̇аманагусалзна;
Saṃvaṇṇanā pavattā, vinayassa vineyyadamanakusalena;
вуд̇д̇асса логанаат̇зна, логаманугамбамаанзнаад̇и.
Vuttassa lokanāthena, lokamanukampamānenāti.
махааадтагат̇ан̃жзва , махаабажжаримзважа;
Mahāaṭṭhakathañceva , mahāpaccarimevaca;
гурунд̣̇ин̃жаад̇и д̇иссоби, сийхал̣адтагат̇аа имаа.
Kurundiñcāti tissopi, sīhaḷaṭṭhakathā imā.
б̣уд̣̇д̇хамид̇д̇од̇и наамзна, виссуд̇асса яасассино;
Buddhamittoti nāmena, vissutassa yasassino;
винаяан̃н̃усса д̇хийрасса, суд̇ваа т̇зрасса санд̇игз.
Vinayaññussa dhīrassa, sutvā therassa santike.
махаамзгхавануяяаанз, бхуумибхааг̇з бад̇идтид̇о;
Mahāmeghavanuyyāne, bhūmibhāge patiṭṭhito;
махаавихааро яо сад̇т̇у, махааб̣од̇хивибхуусид̇о.
Mahāvihāro yo satthu, mahābodhivibhūsito.
яам̣ д̇асса д̣̇агкин̣з бхааг̇з, бад̇хаанагхарамуд̇д̇амам̣;
Yaṃ tassa dakkhiṇe bhāge, padhānagharamuttamaṃ;
сужижаарид̇д̇асийлзна, бхигкусан̇гхзна сзвид̇ам̣.
Sucicārittasīlena, bhikkhusaṅghena sevitaṃ.
ул̣аарагуласамбхууд̇о , сан̇гхубадтааяаго сад̣̇аа;
Uḷārakulasambhūto , saṅghupaṭṭhāyako sadā;
анаагулааяа сад̣̇д̇хааяа, басанно рад̇анад̇д̇аяз.
Anākulāya saddhāya, pasanno ratanattaye.
махааниг̇амасаамийд̇и , виссуд̇о д̇ад̇т̇а гаараяи;
Mahānigamasāmīti , vissuto tattha kārayi;
жаарубаагаарасан̃жид̇ам̣, яам̣ баасаад̣̇ам̣ манорамам̣.
Cārupākārasañcitaṃ, yaṃ pāsādaṃ manoramaṃ.
сийд̇ажчааяад̇аруубзд̇ам̣, самбаннасалилаасаяам̣;
Sītacchāyatarūpetaṃ, sampannasalilāsayaṃ;
васад̇аа д̇ад̇ра баасаад̣̇з, махааниг̇амасаамино.
Vasatā tatra pāsāde, mahānigamasāmino.
сужисийласамаажаарам̣, т̇зрам̣ б̣уд̣̇д̇хасиривхаяам̣;
Sucisīlasamācāraṃ, theraṃ buddhasirivhayaṃ;
яаа уд̣̇д̣̇исид̇ваа аарад̣̇д̇хаа, ид̣̇д̇хаа винаяаван̣н̣анаа.
Yā uddisitvā āraddhā, iddhā vinayavaṇṇanā.
баалаяанд̇асса сагалам̣, лан̇гаад̣̇ийбам̣ нираб̣б̣уд̣̇ам̣;
Pālayantassa sakalaṃ, laṅkādīpaṃ nirabbudaṃ;
ран̃н̃о сириниваасасса, сирибаалаяасассино.
Rañño sirinivāsassa, siripālayasassino.
самавийсад̇имз кзмз, ж̇аяасам̣важчарз аяам̣;
Samavīsatime kheme, jayasaṃvacchare ayaṃ;
аарад̣̇д̇хаа згавийсамхи, самбад̇д̇з баринидтид̇аа.
Āraddhā ekavīsamhi, sampatte pariniṭṭhitā.
убад̣̇д̣̇аваа гулз логз, нирубад̣̇д̣̇авад̇о аяам̣;
Upaddavā kule loke, nirupaddavato ayaṃ;
згасам̣важчарзнзва, яат̇аа нидтам̣ убааг̇ад̇аа.
Ekasaṃvacchareneva, yathā niṭṭhaṃ upāgatā.
звам̣ саб̣б̣асса логасса, нидтам̣ д̇хаммуубасам̣хид̇аа;
Evaṃ sabbassa lokassa, niṭṭhaṃ dhammūpasaṃhitā;
сийгхам̣ г̇ажчанд̇у аарамбхаа, саб̣б̣зби нирубад̣̇д̣̇аваа.
Sīghaṃ gacchantu ārambhā, sabbepi nirupaddavā.
жирадтид̇ад̇т̇ам̣ д̇хаммасса, гаронд̇зна маяаа имам̣;
Ciraṭṭhitatthaṃ dhammassa, karontena mayā imaṃ;
сад̣̇д̇хаммаб̣ахумаанзна, яан̃жа бун̃н̃ам̣ самаажид̇ам̣.
Saddhammabahumānena, yañca puññaṃ samācitaṃ.
саб̣б̣асса аанубхаавзна, д̇асса саб̣б̣зби баан̣ино;
Sabbassa ānubhāvena, tassa sabbepi pāṇino;
бхаванд̇у д̇хаммарааж̇асса, сад̣̇д̇хаммарасасзвино.
Bhavantu dhammarājassa, saddhammarasasevino.
жирам̣ д̇идтад̇у сад̣̇д̇хаммо, гаалз вассам̣ жирам̣ баж̇ам̣;
Ciraṃ tiṭṭhatu saddhammo, kāle vassaṃ ciraṃ pajaṃ;
д̇аббзд̇у д̣̇зво д̇хаммзна, рааж̇аа рагкад̇у мзд̣̇ининд̇и.
Tappetu devo dhammena, rājā rakkhatu medininti.
барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃н̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇иварзна махаагавинаа бабхиннабаасамбхид̣̇аабариваарз чал̣абхин̃н̃аад̣̇ибабхзд̣̇аг̇ун̣абадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ саманд̇абаасаад̣̇игаа наама винаяасам̣ван̣н̣анаа –
Paramavisuddhasaddhābuddhivīriyapaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihataññāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādivarena mahākavinā pabhinnapaasambhidāparivāre chaḷabhiññādipabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ samantapāsādikā nāma vinayasaṃvaṇṇanā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ сийлависуд̣̇д̇хияаа.
Dassentī kulaputtānaṃ, nayaṃ sīlavisuddhiyā.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
саманд̇абаасаад̣̇игаа наама
Samantapāsādikā nāma
винаяа-адтагат̇аа нидтид̇аа.
Vinaya-aṭṭhakathā niṭṭhitā.
