| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
নিগমনকথা
Nigamanakathā
এত্তাৰতা চ আরদ্ধা, ৰিনযট্ঠকথায যা।
Ettāvatā ca āraddhā, vinayaṭṭhakathāya yā;
ৰণ্ণনা নাতিৰিত্থিণ্ণা, পরিপুণ্ণৰিনিচ্ছযা॥
Vaṇṇanā nātivitthiṇṇā, paripuṇṇavinicchayā.
পঞ্ঞাসভাণৰারায, তন্তিযা পরিমাণতো।
Paññāsabhāṇavārāya, tantiyā parimāṇato;
সমিজ্ঝনিট্ঠিপরমা, যা ৰিমতিৰিনোদনী॥
Samijjhaniṭṭhiparamā, yā vimativinodanī.
অনন্তরাযেন কতা, অযং নিট্ঠমুপাগতা।
Anantarāyena katā, ayaṃ niṭṭhamupāgatā;
যং তং নিট্ঠং তথা সব্বে, পাণিনো সমনোরথা॥
Yaṃ taṃ niṭṭhaṃ tathā sabbe, pāṇino samanorathā.
থেরেহি ৰিনযঞ্ঞূহি, সুচিসল্লেখৰুত্তিহি।
Therehi vinayaññūhi, sucisallekhavuttihi;
অৰিস্সত্থাতিৰিত্থিণ্ণ-গন্থভীরূ হিপত্থিতং॥
Avissatthātivitthiṇṇa-ganthabhīrū hipatthitaṃ.
করোন্তেন মযা এৰং, ৰিনযঅত্থৰণ্ণনং।
Karontena mayā evaṃ, vinayaatthavaṇṇanaṃ;
যং পত্তং কুসলং তেন, পত্ৰা সম্বোধিমুত্তমং॥
Yaṃ pattaṃ kusalaṃ tena, patvā sambodhimuttamaṃ.
ৰিনযত্থং পকাসেত্ৰা, যো সোপাযেন লক্খণং।
Vinayatthaṃ pakāsetvā, yo sopāyena lakkhaṇaṃ;
সোপাযং ৰিমতিচ্ছেদ-ঞাণচক্খুপদাযকং॥
Sopāyaṃ vimaticcheda-ñāṇacakkhupadāyakaṃ.
ৰিরদ্ধত্থৰিপল্লাস-গন্থৰিত্থারহানিযা।
Viraddhatthavipallāsa-ganthavitthārahāniyā;
ৰিসুদ্ধিং পাপযিস্সামি, সত্তে সংসারদুক্খতো॥
Visuddhiṃ pāpayissāmi, satte saṃsāradukkhato.
লোকিযেহি চ ভোগেহি, গুণেহি নিখিলা পজা।
Lokiyehi ca bhogehi, guṇehi nikhilā pajā;
সব্বেহি সহিতা হোন্তু, রতা সম্বুদ্ধসাসনেতি॥
Sabbehi sahitā hontu, ratā sambuddhasāsaneti.
ৰিমতিৰিনোদনীটীকা নিট্ঠিতা।
Vimativinodanīṭīkā niṭṭhitā.
