| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
নিগমনকথা
Nigamanakathā
এত্তাৰতা চ –
Ettāvatā ca –
যং ৰে পুগ্গলপঞ্ঞত্তিং, লোকে অপ্পটিপুগ্গলো।
Yaṃ ve puggalapaññattiṃ, loke appaṭipuggalo;
নাতিসঙ্খেপতো সত্থা, দেসেসি তিদসালযে॥
Nātisaṅkhepato satthā, desesi tidasālaye.
তস্সা অট্ঠকথঞ্চেৰ, দীপভাসায সঙ্খতং।
Tassā aṭṭhakathañceva, dīpabhāsāya saṅkhataṃ;
আগমট্ঠকথাযো চ, ওগাহেত্ৰা অসেসতো॥
Āgamaṭṭhakathāyo ca, ogāhetvā asesato.
সুৰিভত্তো অসংকিণ্ণো, যো যো অত্থো যহিং যহিং।
Suvibhatto asaṃkiṇṇo, yo yo attho yahiṃ yahiṃ;
ততো ততো তং গহেত্ৰা, পহায অতিৰিত্থারং॥
Tato tato taṃ gahetvā, pahāya ativitthāraṃ.
ৰিসুদ্ধিমগ্গে যং ৰুত্তং, তং অনাদায সঙ্খতা।
Visuddhimagge yaṃ vuttaṃ, taṃ anādāya saṅkhatā;
নাতিসঙ্খেপৰিত্থার-নযেনট্ঠকথা অযং॥
Nātisaṅkhepavitthāra-nayenaṭṭhakathā ayaṃ.
তং এতং সত্তমত্তেহি, ভাণৰারেহি তন্তিযা।
Taṃ etaṃ sattamattehi, bhāṇavārehi tantiyā;
চিরট্ঠিতত্থং ধম্মস্স, সঙ্খরোন্তেন যং মযা॥
Ciraṭṭhitatthaṃ dhammassa, saṅkharontena yaṃ mayā.
সম্পত্তং কুসলং তেন, সদ্ধম্মং সুখুমং সিৰং।
Sampattaṃ kusalaṃ tena, saddhammaṃ sukhumaṃ sivaṃ;
ওলোকেন্তু ৰিসুদ্ধেন, পাণযো ধম্মচক্খুনাতি॥
Olokentu visuddhena, pāṇayo dhammacakkhunāti.
পুগ্গলপঞ্ঞত্তি-অট্ঠকথা নিট্ঠিতা।
Puggalapaññatti-aṭṭhakathā niṭṭhitā.
