| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
நிக³மனகதா²
Nigamanakathā
எத்தாவதா ச ஆரத்³தா⁴, வினயட்ட²கதா²ய யா;
Ettāvatā ca āraddhā, vinayaṭṭhakathāya yā;
வண்ணனா நாதிவித்தி²ண்ணா, பரிபுண்ணவினிச்ச²யா.
Vaṇṇanā nātivitthiṇṇā, paripuṇṇavinicchayā.
பஞ்ஞாஸபா⁴ணவாராய, தந்தியா பரிமாணதோ;
Paññāsabhāṇavārāya, tantiyā parimāṇato;
ஸமிஜ்ஜ²னிட்டி²பரமா, யா விமதிவினோத³னீ.
Samijjhaniṭṭhiparamā, yā vimativinodanī.
அனந்தராயேன கதா, அயங் நிட்ட²முபாக³தா;
Anantarāyena katā, ayaṃ niṭṭhamupāgatā;
யங் தங் நிட்ட²ங் ததா² ஸப்³பே³, பாணினோ ஸமனோரதா².
Yaṃ taṃ niṭṭhaṃ tathā sabbe, pāṇino samanorathā.
தே²ரேஹி வினயஞ்ஞூஹி, ஸுசிஸல்லேக²வுத்திஹி;
Therehi vinayaññūhi, sucisallekhavuttihi;
அவிஸ்ஸத்தா²திவித்தி²ண்ண-க³ந்த²பீ⁴ரூ ஹிபத்தி²தங்.
Avissatthātivitthiṇṇa-ganthabhīrū hipatthitaṃ.
கரொந்தேன மயா ஏவங், வினயஅத்த²வண்ணனங்;
Karontena mayā evaṃ, vinayaatthavaṇṇanaṃ;
யங் பத்தங் குஸலங் தேன, பத்வா ஸம்போ³தி⁴முத்தமங்.
Yaṃ pattaṃ kusalaṃ tena, patvā sambodhimuttamaṃ.
வினயத்த²ங் பகாஸெத்வா, யோ ஸோபாயேன லக்க²ணங்;
Vinayatthaṃ pakāsetvā, yo sopāyena lakkhaṇaṃ;
ஸோபாயங் விமதிச்சே²த³-ஞாணசக்கு²பதா³யகங்.
Sopāyaṃ vimaticcheda-ñāṇacakkhupadāyakaṃ.
விரத்³த⁴த்த²விபல்லாஸ-க³ந்த²வித்தா²ரஹானியா;
Viraddhatthavipallāsa-ganthavitthārahāniyā;
விஸுத்³தி⁴ங் பாபயிஸ்ஸாமி, ஸத்தே ஸங்ஸாரது³க்க²தோ.
Visuddhiṃ pāpayissāmi, satte saṃsāradukkhato.
லோகியேஹி ச போ⁴கே³ஹி, கு³ணேஹி நிகி²லா பஜா;
Lokiyehi ca bhogehi, guṇehi nikhilā pajā;
ஸப்³பே³ஹி ஸஹிதா ஹொந்து, ரதா ஸம்பு³த்³த⁴ஸாஸனேதி.
Sabbehi sahitā hontu, ratā sambuddhasāsaneti.
விமதிவினோத³னீடீகா நிட்டி²தா.
Vimativinodanīṭīkā niṭṭhitā.
