| Library / Tipiṭaka / திபிடக • Tipiṭaka / நெத்திவிபா⁴வினீ • Nettivibhāvinī |
நிக³மனகதா²
Nigamanakathā
ஸப்³ப³ஸத்துத்தமோ நாதோ², லோகே உப்பஜ்ஜி நாயகோ;
Sabbasattuttamo nātho, loke uppajji nāyako;
ஸம்பு³த்³தோ⁴ கோ³தமோ ஜினோ, அனேககு³ணலங்கதோ.
Sambuddho gotamo jino, anekaguṇalaṅkato.
ஸாஸனங் தஸ்ஸ ஸெட்ட²ஸ்ஸ, அட்ட²வஸ்ஸஸதாதி⁴கங்;
Sāsanaṃ tassa seṭṭhassa, aṭṭhavassasatādhikaṃ;
த்³விஸஹஸ்ஸங் யதா³ பத்தங், நிம்மலங் வட்³ட⁴னங் ஸுப⁴ங்.
Dvisahassaṃ yadā pattaṃ, nimmalaṃ vaḍḍhanaṃ subhaṃ.
ததா³ பூ⁴மிஸ்ஸரோ மஹாத⁴ம்மராஜா மஹித்³தி⁴கோ;
Tadā bhūmissaro mahādhammarājā mahiddhiko;
ஆணாசக்கேன ஸாரேதி, ராஜா நோஅனுவத்தகே.
Āṇācakkena sāreti, rājā noanuvattake.
லத்³தா⁴ ஸேதக³ஜே வரே, லோகே விம்ஹயஜானகே;
Laddhā setagaje vare, loke vimhayajānake;
அப்பமத்தோ மஹாவீரோ, புஞ்ஞங் கத்வாபி⁴மோத³தி.
Appamatto mahāvīro, puññaṃ katvābhimodati.
தஸ்மிங் வஸ்ஸேவ ஸாவணே, மாஸே நவமதி³வஸே;
Tasmiṃ vasseva sāvaṇe, māse navamadivase;
ஸூரியுக்³க³மனே காலே, நிப்³ப³த்தாயங் விபா⁴வனா.
Sūriyuggamane kāle, nibbattāyaṃ vibhāvanā.
யத்தகங் ஸாஸனங் டி²தங், தத்தகங் ரசிதங் மயா;
Yattakaṃ sāsanaṃ ṭhitaṃ, tattakaṃ racitaṃ mayā;
டா²து நெத்திவிபா⁴வனா, ஜினபுத்தஹிதாவஹா.
Ṭhātu nettivibhāvanā, jinaputtahitāvahā.
இதி தங் ரசயந்தேன, புஞ்ஞங் அதி⁴க³தங் மயா;
Iti taṃ racayantena, puññaṃ adhigataṃ mayā;
ஹொந்து தஸ்ஸானுபா⁴வேன, ஸப்³பே³ விமுத்திபா⁴கி³னோ.
Hontu tassānubhāvena, sabbe vimuttibhāgino.
ராஜதே³வீ புத்தனத்தா, பனத்தா ச ஸஜாதிகா;
Rājadevī puttanattā, panattā ca sajātikā;
ஸப்³பே³ ரஜ்ஜஸுகே² ட²த்வா, சரந்து சரிதங் ஸுகீ².
Sabbe rajjasukhe ṭhatvā, carantu caritaṃ sukhī.
தே³வோ காலே ஸுவஸ்ஸது, ஸப்³போ³ ரட்ட²ஜனோ ஸுகீ²;
Devo kāle suvassatu, sabbo raṭṭhajano sukhī;
அஞ்ஞமஞ்ஞங் அஹிங்ஸந்தோ, பியோ ஹோது ஹிதாவஹோதி.
Aññamaññaṃ ahiṃsanto, piyo hotu hitāvahoti.
நெத்திவிபா⁴வினீ நிட்டி²தா.
Nettivibhāvinī niṭṭhitā.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / நிக³மனகதா² • Nigamanakathā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திப்பகரண-டீகா • Nettippakaraṇa-ṭīkā / நிக³மனகதா²வண்ணனா • Nigamanakathāvaṇṇanā
