| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
நிக³மனகதா²
Nigamanakathā
எத்தாவதா ச –
Ettāvatā ca –
யங் வே புக்³க³லபஞ்ஞத்திங், லோகே அப்படிபுக்³க³லோ;
Yaṃ ve puggalapaññattiṃ, loke appaṭipuggalo;
நாதிஸங்கே²பதோ ஸத்தா², தே³ஸேஸி தித³ஸாலயே.
Nātisaṅkhepato satthā, desesi tidasālaye.
தஸ்ஸா அட்ட²கத²ஞ்சேவ, தீ³பபா⁴ஸாய ஸங்க²தங்;
Tassā aṭṭhakathañceva, dīpabhāsāya saṅkhataṃ;
ஆக³மட்ட²கதா²யோ ச, ஓகா³ஹெத்வா அஸேஸதோ.
Āgamaṭṭhakathāyo ca, ogāhetvā asesato.
ஸுவிப⁴த்தோ அஸங்கிண்ணோ, யோ யோ அத்தோ² யஹிங் யஹிங்;
Suvibhatto asaṃkiṇṇo, yo yo attho yahiṃ yahiṃ;
ததோ ததோ தங் க³ஹெத்வா, பஹாய அதிவித்தா²ரங்.
Tato tato taṃ gahetvā, pahāya ativitthāraṃ.
விஸுத்³தி⁴மக்³கே³ யங் வுத்தங், தங் அனாதா³ய ஸங்க²தா;
Visuddhimagge yaṃ vuttaṃ, taṃ anādāya saṅkhatā;
நாதிஸங்கே²பவித்தா²ர-நயேனட்ட²கதா² அயங்.
Nātisaṅkhepavitthāra-nayenaṭṭhakathā ayaṃ.
தங் ஏதங் ஸத்தமத்தேஹி, பா⁴ணவாரேஹி தந்தியா;
Taṃ etaṃ sattamattehi, bhāṇavārehi tantiyā;
சிரட்டி²தத்த²ங் த⁴ம்மஸ்ஸ, ஸங்க²ரொந்தேன யங் மயா.
Ciraṭṭhitatthaṃ dhammassa, saṅkharontena yaṃ mayā.
ஸம்பத்தங் குஸலங் தேன, ஸத்³த⁴ம்மங் ஸுகு²மங் ஸிவங்;
Sampattaṃ kusalaṃ tena, saddhammaṃ sukhumaṃ sivaṃ;
ஓலோகெந்து விஸுத்³தே⁴ன, பாணயோ த⁴ம்மசக்கு²னாதி.
Olokentu visuddhena, pāṇayo dhammacakkhunāti.
புக்³க³லபஞ்ஞத்தி-அட்ட²கதா² நிட்டி²தா.
Puggalapaññatti-aṭṭhakathā niṭṭhitā.
