| Library / Tipiṭaka / திபிடக • Tipiṭaka / கு²த்³த³கபாட²பாளி • Khuddakapāṭhapāḷi |
8. நிதி⁴கண்ட³ஸுத்தங்
8. Nidhikaṇḍasuttaṃ
1.
1.
நிதி⁴ங் நிதே⁴தி புரிஸோ, க³ம்பீ⁴ரே ஓத³கந்திகே;
Nidhiṃ nidheti puriso, gambhīre odakantike;
அத்தே² கிச்சே ஸமுப்பன்னே, அத்தா²ய மே ப⁴விஸ்ஸதி.
Atthe kicce samuppanne, atthāya me bhavissati.
2.
2.
ராஜதோ வா து³ருத்தஸ்ஸ, சோரதோ பீளிதஸ்ஸ வா;
Rājato vā duruttassa, corato pīḷitassa vā;
இணஸ்ஸ வா பமொக்கா²ய, து³ப்³பி⁴க்கே² ஆபதா³ஸு வா;
Iṇassa vā pamokkhāya, dubbhikkhe āpadāsu vā;
ஏதத³த்தா²ய லோகஸ்மிங், நிதி⁴ நாம நிதீ⁴யதி.
Etadatthāya lokasmiṃ, nidhi nāma nidhīyati.
3.
3.
ந ஸப்³போ³ ஸப்³ப³தா³ ஏவ, தஸ்ஸ தங் உபகப்பதி.
Na sabbo sabbadā eva, tassa taṃ upakappati.
4.
4.
நிதி⁴ வா டா²னா சவதி, ஸஞ்ஞா வாஸ்ஸ விமுய்ஹதி;
Nidhi vā ṭhānā cavati, saññā vāssa vimuyhati;
நாகா³ வா அபனாமெந்தி, யக்கா² வாபி ஹரந்தி நங்.
Nāgā vā apanāmenti, yakkhā vāpi haranti naṃ.
5.
5.
அப்பியா வாபி தா³யாதா³, உத்³த⁴ரந்தி அபஸ்ஸதோ;
Appiyā vāpi dāyādā, uddharanti apassato;
யதா³ புஞ்ஞக்க²யோ ஹோதி, ஸப்³ப³மேதங் வினஸ்ஸதி.
Yadā puññakkhayo hoti, sabbametaṃ vinassati.
6.
6.
யஸ்ஸ தா³னேன ஸீலேன, ஸங்யமேன த³மேன ச;
Yassa dānena sīlena, saṃyamena damena ca;
நிதீ⁴ ஸுனிஹிதோ ஹோதி, இத்தி²யா புரிஸஸ்ஸ வா.
Nidhī sunihito hoti, itthiyā purisassa vā.
7.
7.
சேதியம்ஹி ச ஸங்கே⁴ வா, புக்³க³லே அதிதீ²ஸு வா;
Cetiyamhi ca saṅghe vā, puggale atithīsu vā;
8.
8.
ஏஸோ நிதி⁴ ஸுனிஹிதோ, அஜெய்யோ அனுகா³மிகோ;
Eso nidhi sunihito, ajeyyo anugāmiko;
பஹாய க³மனீயேஸு, ஏதங் ஆதா³ய க³ச்ச²தி.
Pahāya gamanīyesu, etaṃ ādāya gacchati.
9.
9.
அஸாதா⁴ரணமஞ்ஞேஸங், அசோராஹரணோ நிதி⁴;
Asādhāraṇamaññesaṃ, acorāharaṇo nidhi;
கயிராத² தீ⁴ரோ புஞ்ஞானி, யோ நிதி⁴ அனுகா³மிகோ.
Kayirātha dhīro puññāni, yo nidhi anugāmiko.
10.
10.
ஏஸ தே³வமனுஸ்ஸானங், ஸப்³ப³காமத³தோ³ நிதி⁴;
Esa devamanussānaṃ, sabbakāmadado nidhi;
யங் யதே³வாபி⁴பத்தெ²ந்தி, ஸப்³ப³மேதேன லப்³ப⁴தி.
Yaṃ yadevābhipatthenti, sabbametena labbhati.
11.
11.
ஆதி⁴பச்சபரிவாரோ, ஸப்³ப³மேதேன லப்³ப⁴தி.
Ādhipaccaparivāro, sabbametena labbhati.
12.
12.
பதே³ஸரஜ்ஜங் இஸ்ஸரியங், சக்கவத்திஸுக²ங் பியங்;
Padesarajjaṃ issariyaṃ, cakkavattisukhaṃ piyaṃ;
தே³வரஜ்ஜம்பி தி³ப்³பே³ஸு, ஸப்³ப³மேதேன லப்³ப⁴தி.
Devarajjampi dibbesu, sabbametena labbhati.
13.
13.
மானுஸ்ஸிகா ச ஸம்பத்தி, தே³வலோகே ச யா ரதி;
Mānussikā ca sampatti, devaloke ca yā rati;
யா ச நிப்³பா³னஸம்பத்தி, ஸப்³ப³மேதேன லப்³ப⁴தி.
Yā ca nibbānasampatti, sabbametena labbhati.
14.
14.
விஜ்ஜா விமுத்தி வஸீபா⁴வோ, ஸப்³ப³மேதேன லப்³ப⁴தி.
Vijjā vimutti vasībhāvo, sabbametena labbhati.
15.
15.
படிஸம்பி⁴தா³ விமொக்கா² ச, யா ச ஸாவகபாரமீ;
Paṭisambhidā vimokkhā ca, yā ca sāvakapāramī;
பச்சேகபோ³தி⁴ பு³த்³த⁴பூ⁴மி, ஸப்³ப³மேதேன லப்³ப⁴தி.
Paccekabodhi buddhabhūmi, sabbametena labbhati.
16.
16.
ஏவங் மஹத்தி²கா ஏஸா, யதி³த³ங் புஞ்ஞஸம்பதா³;
Evaṃ mahatthikā esā, yadidaṃ puññasampadā;
தஸ்மா தீ⁴ரா பஸங்ஸந்தி, பண்டி³தா கதபுஞ்ஞதந்தி.
Tasmā dhīrā pasaṃsanti, paṇḍitā katapuññatanti.
நிதி⁴கண்ட³ஸுத்தங் நிட்டி²தங்.
Nidhikaṇḍasuttaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / கு²த்³த³கபாட²-அட்ட²கதா² • Khuddakapāṭha-aṭṭhakathā / 8. நிதி⁴கண்ட³ஸுத்தவண்ணனா • 8. Nidhikaṇḍasuttavaṇṇanā
