| Library / Tipiṭaka / திபிடக • Tipiṭaka / நெத்திப்பகரணபாளி • Nettippakaraṇapāḷi |
3. நித்³தே³ஸவாரோ
3. Niddesavāro
4. தத்த² ஸங்கே²பதோ நெத்தி கித்திதா.
4. Tattha saṅkhepato netti kittitā.
ஹாரஸங்கே²போ
Hārasaṅkhepo
1.
1.
அஸ்ஸாதா³தீ³னவதா , நிஸ்ஸரணம்பி ச ப²லங் உபாயோ ச;
Assādādīnavatā , nissaraṇampi ca phalaṃ upāyo ca;
ஆணத்தீ ச ப⁴க³வதோ, யோகீ³னங் தே³ஸனாஹாரோ.
Āṇattī ca bhagavato, yogīnaṃ desanāhāro.
2.
2.
யங் புச்சி²தஞ்ச விஸ்ஸஜ்ஜிதஞ்ச, ஸுத்தஸ்ஸ யா ச அனுகீ³தி;
Yaṃ pucchitañca vissajjitañca, suttassa yā ca anugīti;
ஸுத்தஸ்ஸ யோ பவிசயோ, ஹாரோ விசயோதி நித்³தி³ட்டோ².
Suttassa yo pavicayo, hāro vicayoti niddiṭṭho.
3.
3.
ஸப்³பே³ஸங் ஹாரானங், யா பூ⁴மீ யோ ச கோ³சரோ தேஸங்;
Sabbesaṃ hārānaṃ, yā bhūmī yo ca gocaro tesaṃ;
யுத்தாயுத்தபரிக்கா², ஹாரோ யுத்தீதி நித்³தி³ட்டோ².
Yuttāyuttaparikkhā, hāro yuttīti niddiṭṭho.
4.
4.
த⁴ம்மங் தே³ஸேதி ஜினோ, தஸ்ஸ ச த⁴ம்மஸ்ஸ யங் பத³ட்டா²னங்;
Dhammaṃ deseti jino, tassa ca dhammassa yaṃ padaṭṭhānaṃ;
இதி யாவ ஸப்³ப³த⁴ம்மா, ஏஸோ ஹாரோ பத³ட்டா²னோ.
Iti yāva sabbadhammā, eso hāro padaṭṭhāno.
5.
5.
வுத்தம்ஹி ஏகத⁴ம்மே, யே த⁴ம்மா ஏகலக்க²ணா கேசி;
Vuttamhi ekadhamme, ye dhammā ekalakkhaṇā keci;
வுத்தா ப⁴வந்தி ஸப்³பே³, ஸோ ஹாரோ லக்க²ணோ நாம.
Vuttā bhavanti sabbe, so hāro lakkhaṇo nāma.
6.
6.
நேருத்தமதி⁴ப்பாயோ, ப்³யஞ்ஜனமத² தே³ஸனானிதா³னஞ்ச;
Neruttamadhippāyo, byañjanamatha desanānidānañca;
புப்³பா³பரானுஸந்தீ⁴, ஏஸோ ஹாரோ சதுப்³யூஹோ.
Pubbāparānusandhī, eso hāro catubyūho.
7.
7.
ஏகம்ஹி பத³ட்டா²னே, பரியேஸதி ஸேஸகங் பத³ட்டா²னங்;
Ekamhi padaṭṭhāne, pariyesati sesakaṃ padaṭṭhānaṃ;
ஆவட்டதி படிபக்கே², ஆவட்டோ நாம ஸோ ஹாரோ.
Āvaṭṭati paṭipakkhe, āvaṭṭo nāma so hāro.
8.
8.
த⁴ம்மஞ்ச பத³ட்டா²னங், பூ⁴மிஞ்ச விப⁴ஜ்ஜதே அயங் ஹாரோ;
Dhammañca padaṭṭhānaṃ, bhūmiñca vibhajjate ayaṃ hāro;
ஸாதா⁴ரணே அஸாதா⁴ரணே ச நெய்யோ விப⁴த்தீதி.
Sādhāraṇe asādhāraṇe ca neyyo vibhattīti.
9.
9.
குஸலாகுஸலே த⁴ம்மே, நித்³தி³ட்டே² பா⁴விதே பஹீனே ச;
Kusalākusale dhamme, niddiṭṭhe bhāvite pahīne ca;
பரிவத்ததி படிபக்கே², ஹாரோ பரிவத்தனோ நாம.
Parivattati paṭipakkhe, hāro parivattano nāma.
10.
10.
வேவசனானி ப³ஹூனி து, ஸுத்தே வுத்தானி ஏகத⁴ம்மஸ்ஸ;
Vevacanāni bahūni tu, sutte vuttāni ekadhammassa;
யோ ஜானாதி ஸுத்தவிதூ³, வேவசனோ நாம ஸோ ஹாரோ.
Yo jānāti suttavidū, vevacano nāma so hāro.
11.
11.
ஏகங் ப⁴க³வா த⁴ம்மங், பஞ்ஞத்தீஹி விவிதா⁴ஹி தே³ஸேதி;
Ekaṃ bhagavā dhammaṃ, paññattīhi vividhāhi deseti;
ஸோ ஆகாரோ ஞெய்யோ, பஞ்ஞத்தீ நாம ஹாரோதி.
So ākāro ñeyyo, paññattī nāma hāroti.
12.
12.
யோ ச படிச்சுப்பாதோ³, இந்த்³ரியக²ந்தா⁴ ச தா⁴து ஆயதனா;
Yo ca paṭiccuppādo, indriyakhandhā ca dhātu āyatanā;
ஏதேஹி ஓதரதி யோ, ஓதரணோ நாம ஸோ ஹாரோ.
Etehi otarati yo, otaraṇo nāma so hāro.
13.
13.
விஸ்ஸஜ்ஜிதம்ஹி பஞ்ஹே, கா³தா²யங் புச்சி²தாயமாரப்³ப⁴;
Vissajjitamhi pañhe, gāthāyaṃ pucchitāyamārabbha;
ஸுத்³தா⁴ஸுத்³த⁴பரிக்கா², ஹாரோ ஸோ ஸோத⁴னோ நாம.
Suddhāsuddhaparikkhā, hāro so sodhano nāma.
14.
14.
ஏகத்ததாய த⁴ம்மா, யேபி ச வேமத்ததாய நித்³தி³ட்டா²;
Ekattatāya dhammā, yepi ca vemattatāya niddiṭṭhā;
தேன விகப்பயிதப்³பா³, ஏஸோ ஹாரோ அதி⁴ட்டா²னோ.
Tena vikappayitabbā, eso hāro adhiṭṭhāno.
15.
15.
யே த⁴ம்மா யங் த⁴ம்மங், ஜனயந்திப்பச்சயா பரம்பரதோ;
Ye dhammā yaṃ dhammaṃ, janayantippaccayā paramparato;
ஹேதுமவகட்³ட⁴யித்வா, ஏஸோ ஹாரோ பரிக்கா²ரோ.
Hetumavakaḍḍhayitvā, eso hāro parikkhāro.
16.
16.
யே த⁴ம்மா யங் மூலா, யே சேகத்தா² பகாஸிதா முனினா;
Ye dhammā yaṃ mūlā, ye cekatthā pakāsitā muninā;
தே ஸமரோபயிதப்³பா³, ஏஸ ஸமாரோபனோ ஹாரோ.
Te samaropayitabbā, esa samāropano hāro.
நயஸங்கே²போ
Nayasaṅkhepo
17.
17.
தண்ஹஞ்ச அவிஜ்ஜம்பி ச, ஸமதே²ன விபஸ்ஸனா யோ நேதி;
Taṇhañca avijjampi ca, samathena vipassanā yo neti;
ஸச்சேஹி யோஜயித்வா, அயங் நயோ நந்தி³யாவட்டோ.
Saccehi yojayitvā, ayaṃ nayo nandiyāvaṭṭo.
18.
18.
யோ அகுஸலே ஸமூலேஹி, நேதி குஸலே ச குஸலமூலேஹி;
Yo akusale samūlehi, neti kusale ca kusalamūlehi;
பூ⁴தங் தத²ங் அவிதத²ங், திபுக்க²லங் தங் நயங் ஆஹு.
Bhūtaṃ tathaṃ avitathaṃ, tipukkhalaṃ taṃ nayaṃ āhu.
19.
19.
யோ நேதி விபல்லாஸேஹி, கிலேஸே இந்த்³ரியேஹி ஸத்³த⁴ம்மே;
Yo neti vipallāsehi, kilese indriyehi saddhamme;
ஏதங் நயங் நயவிதூ³, ஸீஹவிக்கீளிதங் ஆஹு.
Etaṃ nayaṃ nayavidū, sīhavikkīḷitaṃ āhu.
20.
20.
வெய்யாகரணேஸு ஹி யே, குஸலாகுஸலா தஹிங் தஹிங் வுத்தா;
Veyyākaraṇesu hi ye, kusalākusalā tahiṃ tahiṃ vuttā;
மனஸா வோலோகயதே, தங் கு² தி³ஸாலோசனங் ஆஹு.
Manasā volokayate, taṃ khu disālocanaṃ āhu.
21.
21.
ஓலோகெத்வா தி³ஸலோசனேன, உக்கி²பிய யங் ஸமானேதி;
Oloketvā disalocanena, ukkhipiya yaṃ samāneti;
ஸப்³பே³ குஸலாகுஸலே, அயங் நயோ அங்குஸோ நாம.
Sabbe kusalākusale, ayaṃ nayo aṅkuso nāma.
22.
22.
ஸோளஸ ஹாரா பட²மங், தி³ஸலோசனதோ 1 தி³ஸா விலோகெத்வா;
Soḷasa hārā paṭhamaṃ, disalocanato 2 disā viloketvā;
ஸங்கி²பிய அங்குஸேன ஹி, நயேஹி தீஹி நித்³தி³ஸே ஸுத்தங்.
Saṅkhipiya aṅkusena hi, nayehi tīhi niddise suttaṃ.
த்³வாத³ஸபத³
Dvādasapada
23.
23.
அக்க²ரங் பத³ங் ப்³யஞ்ஜனங், நிருத்தி ததே²வ நித்³தே³ஸோ;
Akkharaṃ padaṃ byañjanaṃ, nirutti tatheva niddeso;
ஆகாரச²ட்ட²வசனங், எத்தாவ ப்³யஞ்ஜனங் ஸப்³ப³ங்.
Ākārachaṭṭhavacanaṃ, ettāva byañjanaṃ sabbaṃ.
24.
24.
ஸங்காஸனா பகாஸனா, விவரணா விப⁴ஜனுத்தானீகம்மபஞ்ஞத்தி;
Saṅkāsanā pakāsanā, vivaraṇā vibhajanuttānīkammapaññatti;
ஏதேஹி ச²ஹி பதே³ஹி, அத்தோ² கம்மஞ்ச நித்³தி³ட்ட²ங்.
Etehi chahi padehi, attho kammañca niddiṭṭhaṃ.
25.
25.
தீணி ச நயா அனூனா, அத்த²ஸ்ஸ ச ச²ப்பதா³னி க³ணிதானி;
Tīṇi ca nayā anūnā, atthassa ca chappadāni gaṇitāni;
நவஹி பதே³ஹி ப⁴க³வதோ, வசனஸ்ஸத்தோ² ஸமாயுத்தோ.
Navahi padehi bhagavato, vacanassattho samāyutto.
26.
26.
அத்த²ஸ்ஸ நவப்பதா³னி, ப்³யஞ்ஜனபரியெட்டி²யா சதுப்³பீ³ஸ;
Atthassa navappadāni, byañjanapariyeṭṭhiyā catubbīsa;
நித்³தே³ஸவாரோ.
Niddesavāro.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / 3. நித்³தே³ஸவாரவண்ணனா • 3. Niddesavāravaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திப்பகரண-டீகா • Nettippakaraṇa-ṭīkā / 3. நித்³தே³ஸவாரவண்ணனா • 3. Niddesavāravaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திவிபா⁴வினீ • Nettivibhāvinī / 3. நித்³தே³ஸவாரஅத்த²விபா⁴வனா • 3. Niddesavāraatthavibhāvanā
