| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
нид̣̇д̣̇зсаваарагат̇аа
Niddesavārakathā
375. нид̣̇д̣̇зсаваарз жид̇д̇ассзгаг̇г̇ад̇аанид̣̇д̣̇зсз д̇аава сан̣тид̇и авадтид̇ийд̇и. ид̣̇ам̣ д̣̇ваяам̣ тид̇ивзважанамзва. яам̣ бана гусаланид̣̇д̣̇зсз ‘аарамман̣ам̣ ог̇аахзд̇ваа анубависид̇ваа д̇идтад̇ийд̇и авадтид̇ий’д̇и вуд̇д̇ам̣, д̇ам̣ ид̇ха на лаб̣бхад̇и. агусаласмин̃хи д̣̇уб̣б̣алаа жид̇д̇ассзгаг̇г̇ад̇аад̇и хздтаа д̣̇ийбид̇амзва.
375. Niddesavāre cittassekaggatāniddese tāva saṇṭhiti avaṭṭhitīti. Idaṃ dvayaṃ ṭhitivevacanameva. Yaṃ pana kusalaniddese ‘ārammaṇaṃ ogāhetvā anupavisitvā tiṭṭhatīti avaṭṭhitī’ti vuttaṃ, taṃ idha na labbhati. Akusalasmiñhi dubbalā cittassekaggatāti heṭṭhā dīpitameva.
384. уд̣̇д̇хажжавижигижчаавасзна бавад̇д̇асса висаахаарасса бадибагкад̇о ависаахаарод̇и зваруубоби ад̇т̇о ид̇ха на лаб̣бхад̇и. сахаж̇аад̇ад̇хаммз бана на висаахарад̇ийд̇и ависаахааро. на вигкибад̇ийд̇и авигкзбо. агусалажид̇д̇згаг̇г̇ад̇аавасзна ависаахадасса маанасасса бхааво ависаахадамаанасад̇аа. сахаж̇аад̇ад̇хаммзсу на гамбад̇ийд̇и самаад̇хиб̣алам̣. аяаат̇аавасамаад̇хаанад̇о мижчаасамаад̇хийд̇и звамид̇ха ад̇т̇о д̣̇адтаб̣б̣о.
384. Uddhaccavicikicchāvasena pavattassa visāhārassa paṭipakkhato avisāhāroti evarūpopi attho idha na labbhati. Sahajātadhamme pana na visāharatīti avisāhāro. Na vikkhipatīti avikkhepo. Akusalacittekaggatāvasena avisāhaṭassa mānasassa bhāvo avisāhaṭamānasatā. Sahajātadhammesu na kampatīti samādhibalaṃ. Ayāthāvasamādhānato micchāsamādhīti evamidha attho daṭṭhabbo.
385. вийрияинд̣̇рияанид̣̇д̣̇зсз яо хздтаа ‘ниггамо жзсо гаамаанам̣ бануд̣̇анааяаа’д̇иаад̣̇и наяо вуд̇д̇о, со ид̇ха на лаб̣бхад̇и. сахаж̇аад̇ад̇хаммзсу агамбанадтзнзва вийрияаб̣алам̣ взд̣̇ид̇аб̣б̣ам̣.
385. Vīriyindriyaniddese yo heṭṭhā ‘nikkamo ceso kāmānaṃ panudanāyā’tiādi nayo vutto, so idha na labbhati. Sahajātadhammesu akampanaṭṭheneva vīriyabalaṃ veditabbaṃ.
386. мижчаад̣̇идтинид̣̇д̣̇зсз аяаат̇аавад̣̇ассанадтзна мижчаад̣̇идти. д̣̇идтийсу г̇ад̇ам̣ ид̣̇ам̣ д̣̇ассанам̣, д̣̇ваасадтид̣̇идтианд̇ог̇ад̇ад̇д̇аад̇и д̣̇идтиг̇ад̇ам̣. хздтаабисса ад̇т̇о вуд̇д̇оязва. д̣̇идтиязва д̣̇урад̇иггаманадтзна д̣̇идтиг̇аханам̣, д̇ин̣аг̇аханаванаг̇аханабаб̣б̣ад̇аг̇аханаани вияа. д̣̇идтиязва саасан̇гасаббадибхаяадтзна д̣̇идтиганд̇ааро , жораганд̇аараваал̣аганд̇аарамаруганд̇ааранируд̣̇агаганд̇аарад̣̇уб̣бхигкаганд̇аараа вияа. саммаад̣̇идтияаа винивиж̇жханадтзна виломанадтзна жа д̣̇идтивисуугааяигам̣. мижчаад̣̇ассанан̃хи уббаж̇ж̇амаанам̣ саммаад̣̇ассанам̣ винивиж̇жхад̇и жзва виломзд̇и жа. гад̣̇аажи сассад̇асса гад̣̇аажи ужчзд̣̇асса г̇ахан̣ад̇о д̣̇идтияаа вируубам̣ панд̣̇ид̇анд̇и д̣̇идтивибпанд̣̇ид̇ам̣. д̣̇идтиг̇ад̇иго хи згасмим̣ бад̇идтаад̇ум̣ на саггод̇и, гад̣̇аажи сассад̇ам̣ анубад̇ад̇и гад̣̇аажи ужчзд̣̇ам̣. д̣̇идтиязва б̣анд̇ханадтзна сам̣яож̇ананд̇и д̣̇идтисам̣яож̇анам̣.
386. Micchādiṭṭhiniddese ayāthāvadassanaṭṭhena micchādiṭṭhi. Diṭṭhīsu gataṃ idaṃ dassanaṃ, dvāsaṭṭhidiṭṭhiantogatattāti diṭṭhigataṃ. Heṭṭhāpissa attho vuttoyeva. Diṭṭhiyeva duratikkamanaṭṭhena diṭṭhigahanaṃ, tiṇagahanavanagahanapabbatagahanāni viya. Diṭṭhiyeva sāsaṅkasappaṭibhayaṭṭhena diṭṭhikantāro, corakantāravāḷakantāramarukantāranirudakakantāradubbhikkhakantārā viya. Sammādiṭṭhiyā vinivijjhanaṭṭhena vilomanaṭṭhena ca diṭṭhivisūkāyikaṃ. Micchādassanañhi uppajjamānaṃ sammādassanaṃ vinivijjhati ceva vilometi ca. Kadāci sassatassa kadāci ucchedassa gahaṇato diṭṭhiyā virūpaṃ phanditanti diṭṭhivipphanditaṃ. Diṭṭhigatiko hi ekasmiṃ patiṭṭhātuṃ na sakkoti, kadāci sassataṃ anupatati kadāci ucchedaṃ. Diṭṭhiyeva bandhanaṭṭhena saṃyojananti diṭṭhisaṃyojanaṃ.
сусумаараад̣̇аяо вияа бурисам̣, аарамман̣ам̣ д̣̇ал̣хам̣ г̇ан̣хаад̇ийд̇и г̇аахо. бад̇идтаханад̇о бад̇идтаахо. аяан̃хи б̣алаваббавад̇д̇ибхаавзна бад̇идтахид̇ваа г̇ан̣хаад̇и. нижжаад̣̇ивасзна абхинивисад̇ийд̇и абхинивзсо. д̇хаммасабхаавам̣ ад̇иггамид̇ваа нижжаад̣̇ивасзна барад̇о аамасад̇ийд̇и бараамаасо. анад̇т̇аавахад̇д̇аа гужчид̇о маг̇г̇о, гужчид̇аанам̣ ваа абааяаанам̣ маг̇г̇од̇и гуммаг̇г̇о. аяаат̇аавабат̇ад̇о мижчаабат̇о. яат̇аа хи д̣̇исаамуул̣хзна аяам̣ асугаг̇аамасса наама бат̇од̇и г̇ахид̇оби д̇ам̣ г̇аамам̣ на самбаабзд̇и, звам̣ д̣̇идтиг̇ад̇игзна суг̇ад̇ибат̇од̇и г̇ахид̇ааби д̣̇идти суг̇ад̇им̣ на баабзд̇ийд̇и аяаат̇аавабат̇ад̇о, мижчаабат̇о. мижчаасабхаавад̇о мижчад̇д̇ам̣. д̇ад̇т̇зва бариб̣бхаманад̇о д̇аранд̇и зд̇т̇а б̣аалаад̇и д̇ид̇т̇ам̣. д̇ид̇т̇ан̃жа д̇ам̣ анад̇т̇аанан̃жа ааяад̇ананд̇и д̇ид̇т̇ааяад̇анам̣. д̇ид̇т̇ияаанам̣ ваа сан̃ж̇аад̇ид̣̇зсадтзна ниваасатаанадтзна жа ааяад̇ананд̇иби д̇ид̇т̇ааяад̇анам̣. вибариязсабхууд̇о г̇аахо, вибариязсад̇о ваа г̇ааход̇и вибариязсаг̇г̇аахо; вибаллад̇т̇а г̇ааход̇и ад̇т̇о.
Susumārādayo viya purisaṃ, ārammaṇaṃ daḷhaṃ gaṇhātīti gāho. Patiṭṭhahanato patiṭṭhāho. Ayañhi balavappavattibhāvena patiṭṭhahitvā gaṇhāti. Niccādivasena abhinivisatīti abhiniveso. Dhammasabhāvaṃ atikkamitvā niccādivasena parato āmasatīti parāmāso. Anatthāvahattā kucchito maggo, kucchitānaṃ vā apāyānaṃ maggoti kummaggo. Ayāthāvapathato micchāpatho. Yathā hi disāmūḷhena ayaṃ asukagāmassa nāma pathoti gahitopi taṃ gāmaṃ na sampāpeti, evaṃ diṭṭhigatikena sugatipathoti gahitāpi diṭṭhi sugatiṃ na pāpetīti ayāthāvapathato, micchāpatho. Micchāsabhāvato micchattaṃ. Tattheva paribbhamanato taranti ettha bālāti titthaṃ. Titthañca taṃ anatthānañca āyatananti titthāyatanaṃ. Titthiyānaṃ vā sañjātidesaṭṭhena nivāsaṭhānaṭṭhena ca āyatanantipi titthāyatanaṃ. Vipariyesabhūto gāho, vipariyesato vā gāhoti vipariyesaggāho; vipallattha gāhoti attho.
387-388. ахиригаанод̇д̇аббанид̣̇д̣̇зсзсу хирод̇д̇аббанид̣̇д̣̇зсавибарияааязна ад̇т̇о взд̣̇ид̇аб̣б̣о. сахаж̇аад̇ад̇хаммзсу бана агамбанадтзнзва ахиригаб̣алам̣ анод̇д̇аббаб̣алан̃жа взд̣̇ид̇аб̣б̣ам̣.
387-388. Ahirikānottappaniddesesu hirottappaniddesavipariyāyena attho veditabbo. Sahajātadhammesu pana akampanaṭṭheneva ahirikabalaṃ anottappabalañca veditabbaṃ.
389. лобхамоханид̣̇д̣̇зсзсу луб̣бхад̇ийд̇и лобхо. луб̣бханаад̇и луб̣бханаагааро. лобхасамбаяуд̇д̇ажид̇д̇ам̣, буг̇г̇ало ваа луб̣бхид̇о; луб̣бхид̇асса бхааво луб̣бхид̇ад̇д̇ам̣. саараж̇ж̇ад̇ийд̇и саарааг̇о. саараж̇ж̇анаагааро саараж̇ж̇анаа. саараж̇ж̇ид̇асса бхааво саараж̇ж̇ид̇ад̇д̇ам̣. абхиж̇жхааяанадтзна абхиж̇жхаа . буна ‘лобха’-важанз гааран̣ам̣ вуд̇д̇амзва. агусалан̃жа д̇ам̣ муулан̃жа агусалаанам̣ ваа мууланд̇и агусаламуулам̣.
389. Lobhamohaniddesesu lubbhatīti lobho. Lubbhanāti lubbhanākāro. Lobhasampayuttacittaṃ, puggalo vā lubbhito; lubbhitassa bhāvo lubbhitattaṃ. Sārajjatīti sārāgo. Sārajjanākāro sārajjanā. Sārajjitassa bhāvo sārajjitattaṃ. Abhijjhāyanaṭṭhena abhijjhā. Puna ‘lobha’-vacane kāraṇaṃ vuttameva. Akusalañca taṃ mūlañca akusalānaṃ vā mūlanti akusalamūlaṃ.
390. н̃аан̣ад̣̇ассанабадибагкад̇о ан̃н̃аан̣ам̣ ад̣̇ассанам̣. абхимуко худ̇ваа д̇хаммзна на самзд̇и, на самааг̇ажчад̇ийд̇и анабхисамаяо. ануруубад̇о д̇хаммз б̣уж̇жхад̇ийд̇и ануб̣од̇хо. д̇аббадибагкад̇ааяа анануб̣од̇хо. анижжаад̣̇ийхи сад̣̇д̇хим̣ яож̇зд̇ваа на б̣уж̇жхад̇ийд̇и асамб̣од̇хо. асанд̇ам̣ асаман̃жа б̣уж̇жхад̇ийд̇иби асамб̣од̇хо. жад̇усажжад̇хаммам̣ наббадивиж̇жхад̇ийд̇и аббадивзд̇хо. руубаад̣̇ийсу згад̇хаммамби анижжаад̣̇исааман̃н̃ад̇о на сан̇г̇ан̣хаад̇ийд̇и асам̣г̇ааханаа. д̇амзва д̇хаммам̣ на барияог̇аахад̇ийд̇и абарияог̇ааханаа. на самам̣ бзгкад̇ийд̇и асамабзгкан̣аа. д̇хаммаанам̣ сабхаавам̣ бад̇и на абзгкад̇ийд̇и абажжавзгкан̣аа.
390. Ñāṇadassanapaṭipakkhato aññāṇaṃ adassanaṃ. Abhimukho hutvā dhammena na sameti, na samāgacchatīti anabhisamayo. Anurūpato dhamme bujjhatīti anubodho. Tappaṭipakkhatāya ananubodho. Aniccādīhi saddhiṃ yojetvā na bujjhatīti asambodho. Asantaṃ asamañca bujjhatītipi asambodho. Catusaccadhammaṃ nappaṭivijjhatīti appaṭivedho. Rūpādīsu ekadhammampi aniccādisāmaññato na saṅgaṇhātīti asaṃgāhanā. Tameva dhammaṃ na pariyogāhatīti apariyogāhanā. Na samaṃ pekkhatīti asamapekkhaṇā. Dhammānaṃ sabhāvaṃ pati na apekkhatīti apaccavekkhaṇā.
гусалаагусалагаммзсу вибарийд̇авуд̇д̇ияаа сабхааваг̇г̇ахан̣аабхаавзна ваа згамби гаммам̣ зд̇асса бажжагкам̣ над̇т̇и, саяам̣ ваа гассажи гаммасса бажжагкагаран̣ам̣ наама на ход̇ийд̇и аббажжагкагаммам̣. яам̣ зд̇асмим̣ ануббаж̇ж̇амаанз жид̇д̇асанд̇аанам̣ мзж̇жхам̣ бхавзяяа, сужи, вод̣̇аанам̣, д̇ам̣ д̣̇удтам̣ мзж̇жхам̣ иминаад̇и д̣̇уммзж̇жхам̣. б̣аалаанам̣ бхаавод̇и б̣ааляам̣. муяхад̇ийд̇и мохо. б̣алавад̇аро мохо бамохо. саманд̇ад̇о муяхад̇ийд̇и саммохо. виж̇ж̇ааяа бадибагкабхаавад̇о на виж̇ж̇аад̇и авиж̇ж̇аа. огхаяог̇ад̇т̇о вуд̇д̇оязва. т̇аамаг̇ад̇адтзна анусзд̇ийд̇и анусаяо. жид̇д̇ам̣ барияудтаад̇и, абхибхавад̇ийд̇и барияудтаанам̣. хид̇аг̇г̇ахан̣аабхаавзна хид̇аабхимукам̣ г̇анд̇ум̣ на саггод̇и, ан̃н̃ад̣̇ад̇т̇у лан̇г̇ад̇иязваад̇и лан̇г̇ий; кан̃ж̇ад̇ийд̇и ад̇т̇о. д̣̇уруг̇гхааданадтзна ваа лан̇г̇ий. яат̇аа хи махаабалигхасан̇каад̇аа лан̇г̇ий д̣̇уруг̇гхаадаа ход̇и, звамаяамби лан̇г̇ий вияаад̇и лан̇г̇ий. сзсам̣ уд̇д̇аанад̇т̇амзва. сан̇г̇ахаваарасун̃н̃ад̇аваарааби хздтаа вуд̇д̇анаязнзва ад̇т̇ад̇о взд̣̇ид̇аб̣б̣аад̇и.
Kusalākusalakammesu viparītavuttiyā sabhāvaggahaṇābhāvena vā ekampi kammaṃ etassa paccakkhaṃ natthi, sayaṃ vā kassaci kammassa paccakkhakaraṇaṃ nāma na hotīti appaccakkhakammaṃ. Yaṃ etasmiṃ anuppajjamāne cittasantānaṃ mejjhaṃ bhaveyya, suci, vodānaṃ, taṃ duṭṭhaṃ mejjhaṃ imināti dummejjhaṃ. Bālānaṃ bhāvoti bālyaṃ. Muyhatīti moho. Balavataro moho pamoho. Samantato muyhatīti sammoho. Vijjāya paṭipakkhabhāvato na vijjāti avijjā. Oghayogattho vuttoyeva. Thāmagataṭṭhena anusetīti anusayo. Cittaṃ pariyuṭṭhāti, abhibhavatīti pariyuṭṭhānaṃ. Hitaggahaṇābhāvena hitābhimukhaṃ gantuṃ na sakkoti, aññadatthu laṅgatiyevāti laṅgī; khañjatīti attho. Durugghāṭanaṭṭhena vā laṅgī. Yathā hi mahāpalighasaṅkhātā laṅgī durugghāṭā hoti, evamayampi laṅgī viyāti laṅgī. Sesaṃ uttānatthameva. Saṅgahavārasuññatavārāpi heṭṭhā vuttanayeneva atthato veditabbāti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / д̣̇ваад̣̇аса агусалаани • Dvādasa akusalāni
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / нид̣̇д̣̇зсаваарагат̇ааван̣н̣анаа • Niddesavārakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / нид̣̇д̣̇зсаваарагат̇ааван̣н̣анаа • Niddesavārakathāvaṇṇanā
