| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. নিদ্দসৰত্থুসুত্তং
10. Niddasavatthusuttaṃ
২০. ‘‘সত্তিমানি , ভিক্খৰে, নিদ্দসৰত্থূনি। কতমানি সত্ত? ইধ, ভিক্খৰে, ভিক্খু সিক্খাসমাদানে তিব্বচ্ছন্দো হোতি আযতিঞ্চ সিক্খাসমাদানে অৰিগতপেমো 1, ধম্মনিসন্তিযা তিব্বচ্ছন্দো হোতি আযতিঞ্চ ধম্মনিসন্তিযা অৰিগতপেমো, ইচ্ছাৰিনযে তিব্বচ্ছন্দো হোতি আযতিঞ্চ ইচ্ছাৰিনযে অৰিগতপেমো, পটিসল্লানে তিব্বচ্ছন্দো হোতি আযতিঞ্চ পটিসল্লানে অৰিগতপেমো, ৰীরিযারম্ভে 2 তিব্বচ্ছন্দো হোতি আযতিঞ্চ ৰীরিযারম্ভে অৰিগতপেমো, সতিনেপক্কে তিব্বচ্ছন্দো হোতি আযতিঞ্চ সতিনেপক্কে অৰিগতপেমো, দিট্ঠিপটিৰেধে তিব্বচ্ছন্দো হোতি আযতিঞ্চ দিট্ঠিপটিৰেধে অৰিগতপেমো। ইমানি খো, ভিক্খৰে, সত্ত নিদ্দসৰত্থূনী’’তি। দসমং।
20. ‘‘Sattimāni , bhikkhave, niddasavatthūni. Katamāni satta? Idha, bhikkhave, bhikkhu sikkhāsamādāne tibbacchando hoti āyatiñca sikkhāsamādāne avigatapemo 3, dhammanisantiyā tibbacchando hoti āyatiñca dhammanisantiyā avigatapemo, icchāvinaye tibbacchando hoti āyatiñca icchāvinaye avigatapemo, paṭisallāne tibbacchando hoti āyatiñca paṭisallāne avigatapemo, vīriyārambhe 4 tibbacchando hoti āyatiñca vīriyārambhe avigatapemo, satinepakke tibbacchando hoti āyatiñca satinepakke avigatapemo, diṭṭhipaṭivedhe tibbacchando hoti āyatiñca diṭṭhipaṭivedhe avigatapemo. Imāni kho, bhikkhave, satta niddasavatthūnī’’ti. Dasamaṃ.
অনুসযৰগ্গো দুতিযো।
Anusayavaggo dutiyo.
তস্সুদ্দানং –
Tassuddānaṃ –
দুৰে অনুসযা কুলং, পুগ্গলং উদকূপমং।
Duve anusayā kulaṃ, puggalaṃ udakūpamaṃ;
অনিচ্চং দুক্খং অনত্তা চ, নিব্বানং নিদ্দসৰত্থু চাতি॥
Aniccaṃ dukkhaṃ anattā ca, nibbānaṃ niddasavatthu cāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. নিদ্দসৰত্থুসুত্তৰণ্ণনা • 10. Niddasavatthusuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১০. নিদ্দসৰত্থুসুত্তৰণ্ণনা • 10. Niddasavatthusuttavaṇṇanā
