| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11. நிப்³பி³தா³ப³ஹுலஸுத்தங்
11. Nibbidābahulasuttaṃ
146. ஸாவத்தி²னிதா³னங். ‘‘ஸத்³தா⁴பப்³ப³ஜிதஸ்ஸ, பி⁴க்க²வே, குலபுத்தஸ்ஸ அயமனுத⁴ம்மோ ஹோதி – யங் ரூபே நிப்³பி³தா³ப³ஹுலோ 1 விஹரெய்ய. வேத³னாய…பே॰… ஸஞ்ஞாய… ஸங்கா²ரேஸு… விஞ்ஞாணே நிப்³பி³தா³ப³ஹுலோ விஹரெய்ய. யோ ரூபே நிப்³பி³தா³ப³ஹுலோ விஹரந்தோ, வேத³னாய… ஸஞ்ஞாய… ஸங்கா²ரேஸு… விஞ்ஞாணே நிப்³பி³தா³ப³ஹுலோ விஹரந்தோ ரூபங் பரிஜானாதி, வேத³னங்… ஸஞ்ஞங்… ஸங்கா²ரே… விஞ்ஞாணங் பரிஜானாதி; ஸோ ரூபங் பரிஜானங் வேத³னங் பரிஜானங் ஸஞ்ஞங் பரிஜானங் ஸங்கா²ரே பரிஜானங் விஞ்ஞாணங் பரிஜானங் பரிமுச்சதி ரூபம்ஹா, பரிமுச்சதி வேத³னாய, பரிமுச்சதி ஸஞ்ஞாய, பரிமுச்சதி ஸங்கா²ரேஹி, பரிமுச்சதி விஞ்ஞாணம்ஹா, பரிமுச்சதி ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி; ‘பரிமுச்சதி து³க்க²ஸ்மா’தி வதா³மீ’’தி. ஏகாத³ஸமங்.
146. Sāvatthinidānaṃ. ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe nibbidābahulo 2 vihareyya. Vedanāya…pe… saññāya… saṅkhāresu… viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu… viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti; so rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Ekādasamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-13. குக்குளஸுத்தாதி³வண்ணனா • 1-13. Kukkuḷasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-14. குக்குளஸுத்தாதி³வண்ணனா • 1-14. Kukkuḷasuttādivaṇṇanā
