| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. நிப்³பா³னஸுத்தங்
9. Nibbānasuttaṃ
19. 1 ‘‘நிப்³பா³னே ஸுகா²னுபஸ்ஸீ விஹரதி ஸுக²ஸஞ்ஞீ ஸுக²படிஸங்வேதீ³ ஸததங் ஸமிதங் அப்³போ³கிண்ணங் சேதஸா அதி⁴முச்சமானோ பஞ்ஞாய பரியோகா³ஹமானோ. ஸோ ஆஸவானங் க²யா…பே॰… ஸச்சி²கத்வா உபஸம்பஜ்ஜ விஹரதி. அயங் பி⁴க்க²வே, பட²மோ புக்³க³லோ ஆஹுனெய்யோ…பே॰… புஞ்ஞக்கெ²த்தங் லோகஸ்ஸ.
19.2 ‘‘Nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā…pe… sacchikatvā upasampajja viharati. Ayaṃ bhikkhave, paṭhamo puggalo āhuneyyo…pe… puññakkhettaṃ lokassa.
‘‘புன சபரங், பி⁴க்க²வே, இதே⁴கச்சோ புக்³க³லோ நிப்³பா³னே ஸுகா²னுபஸ்ஸீ விஹரதி ஸுக²ஸஞ்ஞீ ஸுக²படிஸங்வேதீ³ ஸததங் ஸமிதங் அப்³போ³கிண்ணங் சேதஸா அதி⁴முச்சமானோ பஞ்ஞாய பரியோகா³ஹமானோ. தஸ்ஸ அபுப்³ப³ங் அசரிமங் ஆஸவபரியாதா³னஞ்ச ஹோதி ஜீவிதபரியாதா³னஞ்ச. அயங், பி⁴க்க²வே, து³தியோ புக்³க³லோ ஆஹுனெய்யோ…பே॰… அனுத்தரங் புஞ்ஞக்கெ²த்தங் லோகஸ்ஸ.
‘‘Puna caparaṃ, bhikkhave, idhekacco puggalo nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
‘‘புன சபரங், பி⁴க்க²வே, இதே⁴கச்சோ புக்³க³லோ நிப்³பா³னே ஸுகா²னுபஸ்ஸீ விஹரதி ஸுக²ஸஞ்ஞீ ஸுக²படிஸங்வேதீ³ ஸததங் ஸமிதங் அப்³போ³கிண்ணங் சேதஸா அதி⁴முச்சமானோ பஞ்ஞாய பரியோகா³ஹமானோ. ஸோ பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா அந்தராபரினிப்³பா³யீ ஹோதி…பே॰… உபஹச்சபரினிப்³பா³யீ ஹோதி…பே॰… அஸங்கா²ரபரினிப்³பா³யீ ஹோதி…பே॰… ஸஸங்கா²ரபரினிப்³பா³யீ ஹோதி…பே॰… உத்³த⁴ங்ஸோதோ ஹோதி அகனிட்ட²கா³மீ. அயங், பி⁴க்க²வே, ஸத்தமோ புக்³க³லோ ஆஹுனெய்யோ…பே॰… அனுத்தரங் புஞ்ஞக்கெ²த்தங் லோகஸ்ஸ . இமே கோ², பி⁴க்க²வே, ஸத்த புக்³க³லா ஆஹுனெய்யா…பே॰… அனுத்தரங் புஞ்ஞக்கெ²த்தங் லோகஸ்ஸா’’தி. நவமங்.
‘‘Puna caparaṃ, bhikkhave, idhekacco puggalo nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa . Ime kho, bhikkhave, satta puggalā āhuneyyā…pe… anuttaraṃ puññakkhettaṃ lokassā’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7-9. து³க்கா²னுபஸ்ஸீஸுத்தாதி³வண்ணனா • 7-9. Dukkhānupassīsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-9. அனிச்சானுபஸ்ஸீஸுத்தாதி³வண்ணனா • 6-9. Aniccānupassīsuttādivaṇṇanā
