| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
11. ниб̣б̣аанасажчигаран̣абан̃хо
11. Nibbānasacchikaraṇapañho
11. ‘‘бханд̇з нааг̇асзна, д̇умхз бхан̣ат̇а ‘ниб̣б̣аанам̣ на ад̇ийд̇ам̣, на анааг̇ад̇ам̣, на бажжуббаннам̣, на уббаннам̣ на ануббаннам̣ на уббаад̣̇анийяа’нд̇и. ид̇ха, бханд̇з нааг̇асзна, яо гожи саммаабадибанно ниб̣б̣аанам̣ сажчигарод̇и, со уббаннам̣ сажчигарод̇и, уд̣̇ааху уббаад̣̇зд̇ваа сажчигарод̇ий’’д̇и? ‘‘яо гожи, махаарааж̇а, саммаабадибанно ниб̣б̣аанам̣ сажчигарод̇и, со на уббаннам̣ сажчигарод̇и, на уббаад̣̇зд̇ваа сажчигарод̇и, аби жа, махаарааж̇а, ад̇т̇зсаа ниб̣б̣аанад̇хаад̇у, яам̣ со саммаабадибанно сажчигарод̇ий’’д̇и.
11. ‘‘Bhante nāgasena, tumhe bhaṇatha ‘nibbānaṃ na atītaṃ, na anāgataṃ, na paccuppannaṃ, na uppannaṃ na anuppannaṃ na uppādanīya’nti. Idha, bhante nāgasena, yo koci sammāpaṭipanno nibbānaṃ sacchikaroti, so uppannaṃ sacchikaroti, udāhu uppādetvā sacchikarotī’’ti? ‘‘Yo koci, mahārāja, sammāpaṭipanno nibbānaṃ sacchikaroti, so na uppannaṃ sacchikaroti, na uppādetvā sacchikaroti, api ca, mahārāja, atthesā nibbānadhātu, yaṃ so sammāpaṭipanno sacchikarotī’’ti.
‘‘маа, бханд̇з нааг̇асзна, имам̣ бан̃хам̣ бадижчаннам̣ гад̇ваа д̣̇ийбзхи, вивадам̣ баагадам̣ гад̇ваа д̣̇ийбзхи чанд̣̇аж̇аад̇о уссаахаж̇аад̇о, яам̣ д̇з сигкид̇ам̣, д̇ам̣ саб̣б̣ам̣ зд̇т̇зваагираахи, зд̇т̇ааяам̣ ж̇ано саммуул̣хо вимад̇иж̇аад̇о сам̣саяабагканд̣̇о, бхинд̣̇зд̇ам̣ анд̇од̣̇осасалла’’нд̇и. ‘‘ад̇т̇зсаа, махаарааж̇а, ниб̣б̣аанад̇хаад̇у санд̇аа сукаа бан̣ийд̇аа, д̇ам̣ саммаабадибанно ж̇инаанусидтияаа сан̇каарз саммасанд̇о бан̃н̃ааяа сажчигарод̇и. яат̇аа, махаарааж̇а, анд̇зваасиго аажарияаанусидтияаа виж̇ж̇ам̣ бан̃н̃ааяа сажчигарод̇и, звамзва ко, махаарааж̇а, саммаабадибанно ж̇инаанусидтияаа бан̃н̃ааяа ниб̣б̣аанам̣ сажчигарод̇и.
‘‘Mā, bhante nāgasena, imaṃ pañhaṃ paṭicchannaṃ katvā dīpehi, vivaṭaṃ pākaṭaṃ katvā dīpehi chandajāto ussāhajāto, yaṃ te sikkhitaṃ, taṃ sabbaṃ etthevākirāhi, etthāyaṃ jano sammūḷho vimatijāto saṃsayapakkhando, bhindetaṃ antodosasalla’’nti. ‘‘Atthesā, mahārāja, nibbānadhātu santā sukhā paṇītā, taṃ sammāpaṭipanno jinānusiṭṭhiyā saṅkhāre sammasanto paññāya sacchikaroti. Yathā, mahārāja, antevāsiko ācariyānusiṭṭhiyā vijjaṃ paññāya sacchikaroti, evameva kho, mahārāja, sammāpaṭipanno jinānusiṭṭhiyā paññāya nibbānaṃ sacchikaroti.
‘‘гат̇ам̣ бана д̇ам̣ ниб̣б̣аанам̣ д̣̇адтаб̣б̣анд̇и? анийд̇ид̇о нирубад̣̇д̣̇авад̇о абхаяад̇о кзмад̇о санд̇ад̇о сукад̇о саад̇ад̇о бан̣ийд̇ад̇о сужид̇о сийд̇алад̇о д̣̇адтаб̣б̣ам̣.
‘‘Kathaṃ pana taṃ nibbānaṃ daṭṭhabbanti? Anītito nirupaddavato abhayato khemato santato sukhato sātato paṇītato sucito sītalato daṭṭhabbaṃ.
‘‘яат̇аа, махаарааж̇а, бурисо б̣ахугадтабун̃ж̇зна ж̇алид̇агадтид̇зна аг̇г̇инаа д̣̇аяхамаано вааяаамзна д̇ад̇о мун̃жид̇ваа нираг̇г̇игогаасам̣ бависид̇ваа д̇ад̇т̇а барамасукам̣ лабхзяяа, звамзва ко, махаарааж̇а, яо саммаабадибанно, со яонисо манасигаарзна б̣яабаг̇ад̇ад̇ивид̇хаг̇г̇исанд̇аабам̣ барамасукам̣ ниб̣б̣аанам̣ сажчигарод̇и. яат̇аа, махаарааж̇а, аг̇г̇и, звам̣ д̇ивид̇хаг̇г̇и д̣̇адтаб̣б̣о; яат̇аа аг̇г̇иг̇ад̇о бурисо, звам̣ саммаабадибанно д̣̇адтаб̣б̣о; яат̇аа нираг̇г̇игогаасо, звам̣ ниб̣б̣аанам̣ д̣̇адтаб̣б̣ам̣.
‘‘Yathā, mahārāja, puriso bahukaṭṭhapuñjena jalitakaṭṭhitena agginā dayhamāno vāyāmena tato muñcitvā niraggikokāsaṃ pavisitvā tattha paramasukhaṃ labheyya, evameva kho, mahārāja, yo sammāpaṭipanno, so yoniso manasikārena byapagatatividhaggisantāpaṃ paramasukhaṃ nibbānaṃ sacchikaroti. Yathā, mahārāja, aggi, evaṃ tividhaggi daṭṭhabbo; yathā aggigato puriso, evaṃ sammāpaṭipanno daṭṭhabbo; yathā niraggikokāso, evaṃ nibbānaṃ daṭṭhabbaṃ.
‘‘яат̇аа ваа бана, махаарааж̇а, бурисо ахигуггурамануссагун̣абасарийравал̣ан̃ж̇агодтаасараасиг̇ад̇о гун̣абаж̇адааж̇адид̇анд̇араманубавидто вааяаамзна д̇ад̇о мун̃жид̇ваа ниггун̣абогаасам̣ бависид̇ваа д̇ад̇т̇а барамасукам̣ лабхзяяа, звамзва ко, махаарааж̇а, яо саммаабадибанно, со яонисо манасигаарзна б̣яабаг̇ад̇агилзсагун̣абам̣ барамасукам̣ ниб̣б̣аанам̣ сажчигарод̇и. яат̇аа, махаарааж̇а, гун̣абам̣, звам̣ бан̃жа гаамаг̇ун̣аа д̣̇адтаб̣б̣аа; яат̇аа гун̣абаг̇ад̇о бурисо, звам̣ саммаабадибанно д̣̇адтаб̣б̣о; яат̇аа ниггун̣абогаасо, звам̣ ниб̣б̣аанам̣ д̣̇адтаб̣б̣ам̣.
‘‘Yathā vā pana, mahārāja, puriso ahikukkuramanussakuṇapasarīravaḷañjakoṭṭhāsarāsigato kuṇapajaṭājaṭitantaramanupaviṭṭho vāyāmena tato muñcitvā nikkuṇapokāsaṃ pavisitvā tattha paramasukhaṃ labheyya, evameva kho, mahārāja, yo sammāpaṭipanno, so yoniso manasikārena byapagatakilesakuṇapaṃ paramasukhaṃ nibbānaṃ sacchikaroti. Yathā, mahārāja, kuṇapaṃ, evaṃ pañca kāmaguṇā daṭṭhabbā; yathā kuṇapagato puriso, evaṃ sammāpaṭipanno daṭṭhabbo; yathā nikkuṇapokāso, evaṃ nibbānaṃ daṭṭhabbaṃ.
‘‘яат̇аа ваа бана, махаарааж̇а, бурисо бхийд̇о д̇асид̇о гамбид̇о вибарийд̇авиб̣бханд̇ажид̇д̇о вааяаамзна д̇ад̇о мун̃жид̇ваа д̣̇ал̣хам̣ т̇ирам̣ ажалам̣ абхаяадтаанам̣ бависид̇ваа д̇ад̇т̇а барамасукам̣ лабхзяяа, звамзва ко, махаарааж̇а, яо саммаабадибанно, со яонисо манасигаарзна б̣яабаг̇ад̇абхаяасанд̇аасам̣ барамасукам̣ ниб̣б̣аанам̣ сажчигарод̇и. яат̇аа, махаарааж̇а, бхаяам̣, звам̣ ж̇аад̇иж̇арааб̣яаад̇химаран̣ам̣ бадижжа абараабарам̣ бавад̇д̇абхаяам̣ д̣̇адтаб̣б̣ам̣; яат̇аа бхийд̇о бурисо, звам̣ саммаабадибанно д̣̇адтаб̣б̣о; яат̇аа абхаяадтаанам̣, звам̣ ниб̣б̣аанам̣ д̣̇адтаб̣б̣ам̣.
‘‘Yathā vā pana, mahārāja, puriso bhīto tasito kampito viparītavibbhantacitto vāyāmena tato muñcitvā daḷhaṃ thiraṃ acalaṃ abhayaṭṭhānaṃ pavisitvā tattha paramasukhaṃ labheyya, evameva kho, mahārāja, yo sammāpaṭipanno, so yoniso manasikārena byapagatabhayasantāsaṃ paramasukhaṃ nibbānaṃ sacchikaroti. Yathā, mahārāja, bhayaṃ, evaṃ jātijarābyādhimaraṇaṃ paṭicca aparāparaṃ pavattabhayaṃ daṭṭhabbaṃ; yathā bhīto puriso, evaṃ sammāpaṭipanno daṭṭhabbo; yathā abhayaṭṭhānaṃ, evaṃ nibbānaṃ daṭṭhabbaṃ.
‘‘яат̇аа ваа бана, махаарааж̇а, бурисо гилидтамалинагалалагад̣̇д̣̇амад̣̇зсз бад̇ид̇о вааяаамзна д̇ам̣ галалагад̣̇д̣̇амам̣ абаваахзд̇ваа барисуд̣̇д̇хавималад̣̇зсамубаг̇анд̇ваа д̇ад̇т̇а барамасукам̣ лабхзяяа, звамзва ко, махаарааж̇а, яо саммаабадибанно, со яонисо манасигаарзна б̣яабаг̇ад̇агилзсамалагад̣̇д̣̇амам̣ барамасукам̣ ниб̣б̣аанам̣ сажчигарод̇и. яат̇аа, махаарааж̇а, галалам̣, звам̣ лаабхасаггаарасилого д̣̇адтаб̣б̣о; яат̇аа галалаг̇ад̇о бурисо, звам̣ саммаабадибанно д̣̇адтаб̣б̣о; яат̇аа барисуд̣̇д̇хавималад̣̇зсо, звам̣ ниб̣б̣аанам̣ д̣̇адтаб̣б̣ам̣.
‘‘Yathā vā pana, mahārāja, puriso kiliṭṭhamalinakalalakaddamadese patito vāyāmena taṃ kalalakaddamaṃ apavāhetvā parisuddhavimaladesamupagantvā tattha paramasukhaṃ labheyya, evameva kho, mahārāja, yo sammāpaṭipanno, so yoniso manasikārena byapagatakilesamalakaddamaṃ paramasukhaṃ nibbānaṃ sacchikaroti. Yathā, mahārāja, kalalaṃ, evaṃ lābhasakkārasiloko daṭṭhabbo; yathā kalalagato puriso, evaṃ sammāpaṭipanno daṭṭhabbo; yathā parisuddhavimaladeso, evaṃ nibbānaṃ daṭṭhabbaṃ.
‘‘д̇ан̃жа бана ниб̣б̣аанам̣ саммаабадибанно гинд̇и сажчигарод̇и? яо со, махаарааж̇а, саммаабадибанно, со сан̇каараанам̣ бавад̇д̇ам̣ саммасад̇и. бавад̇д̇ам̣ саммасамаано д̇ад̇т̇а ж̇аад̇им̣ бассад̇и ж̇арам̣ бассад̇и б̣яаад̇хим̣ бассад̇и маран̣ам̣ бассад̇и, на д̇ад̇т̇а гин̃жи сукам̣ саад̇ам̣ бассад̇и аад̣̇ид̇оби маж̇жхад̇оби барияосаанад̇оби. со д̇ад̇т̇а гин̃жи на г̇аяхуубаг̇ам̣ бассад̇и. яат̇аа, махаарааж̇а, бурисо д̣̇ивасасанд̇ад̇д̇з аяог̇ул̣з ж̇алид̇з д̇ад̇д̇з гатид̇з аад̣̇ид̇оби маж̇жхад̇оби барияосаанад̇оби на гин̃жи г̇аяхуубаг̇ам̣ бад̣̇зсам̣ бассад̇и, звамзва ко, махаарааж̇а, яо сан̇каараанам̣ бавад̇д̇ам̣ саммасад̇и, со бавад̇д̇ам̣ саммасамаано д̇ад̇т̇а ж̇аад̇им̣ бассад̇и ж̇арам̣ бассад̇и б̣яаад̇хим̣ бассад̇и маран̣ам̣ бассад̇и, на д̇ад̇т̇а гин̃жи сукам̣ саад̇ам̣ бассад̇и аад̣̇ид̇оби маж̇жхад̇оби барияосаанад̇оби. со д̇ад̇т̇а 1 на гин̃жи г̇аяхуубаг̇ам̣ бассад̇и, д̇асса г̇аяхуубаг̇ам̣ абассанд̇асса жид̇д̇з арад̇и сан̣таад̇и, гааяасмим̣ д̣аахо оггамад̇и, со ад̇аан̣о асаран̣о асаран̣ийбхууд̇о бхавзсу ниб̣б̣инд̣̇ад̇и.
‘‘Tañca pana nibbānaṃ sammāpaṭipanno kinti sacchikaroti? Yo so, mahārāja, sammāpaṭipanno, so saṅkhārānaṃ pavattaṃ sammasati. Pavattaṃ sammasamāno tattha jātiṃ passati jaraṃ passati byādhiṃ passati maraṇaṃ passati, na tattha kiñci sukhaṃ sātaṃ passati āditopi majjhatopi pariyosānatopi. So tattha kiñci na gayhūpagaṃ passati. Yathā, mahārāja, puriso divasasantatte ayoguḷe jalite tatte kaṭhite āditopi majjhatopi pariyosānatopi na kiñci gayhūpagaṃ padesaṃ passati, evameva kho, mahārāja, yo saṅkhārānaṃ pavattaṃ sammasati, so pavattaṃ sammasamāno tattha jātiṃ passati jaraṃ passati byādhiṃ passati maraṇaṃ passati, na tattha kiñci sukhaṃ sātaṃ passati āditopi majjhatopi pariyosānatopi. So tattha 2 na kiñci gayhūpagaṃ passati, tassa gayhūpagaṃ apassantassa citte arati saṇṭhāti, kāyasmiṃ ḍāho okkamati, so atāṇo asaraṇo asaraṇībhūto bhavesu nibbindati.
‘‘яат̇аа, махаарааж̇а, бурисо ж̇алид̇аж̇аалам̣ маханд̇ам̣ аг̇г̇игканд̇хам̣ бависзяяа, со д̇ад̇т̇а ад̇аан̣о асаран̣о асаран̣ийбхууд̇о аг̇г̇имхи ниб̣б̣инд̣̇зяяа, звамзва ко, махаарааж̇а, д̇асса г̇аяхуубаг̇ам̣ абассанд̇асса жид̇д̇з арад̇и сан̣таад̇и, гааяасмим̣ д̣аахо оггамад̇и, со ад̇аан̣о асаран̣о асаран̣ийбхууд̇о бхавзсу ниб̣б̣инд̣̇ад̇и.
‘‘Yathā, mahārāja, puriso jalitajālaṃ mahantaṃ aggikkhandhaṃ paviseyya, so tattha atāṇo asaraṇo asaraṇībhūto aggimhi nibbindeyya, evameva kho, mahārāja, tassa gayhūpagaṃ apassantassa citte arati saṇṭhāti, kāyasmiṃ ḍāho okkamati, so atāṇo asaraṇo asaraṇībhūto bhavesu nibbindati.
‘‘д̇асса бавад̇д̇з бхаяад̣̇ассаависса звам̣ жид̇д̇ам̣ уббаж̇ж̇ад̇и ‘санд̇ад̇д̇ам̣ ко банзд̇ам̣ бавад̇д̇ам̣ самбаж̇ж̇алид̇ам̣ б̣ахуд̣̇угкам̣ б̣ахуубааяаасам̣, яад̣̇и гожи лабхзт̇а аббавад̇д̇ам̣ зд̇ам̣ санд̇ам̣ зд̇ам̣ бан̣ийд̇ам̣, яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аана’нд̇и. ид̇и хзд̇ам̣ 3 д̇асса аббавад̇д̇з жид̇д̇ам̣ багканд̣̇ад̇и басийд̣̇ад̇и бахам̣саяад̇и д̇усаяад̇и 4‘бадилад̣̇д̇хам̣ ко мз ниссаран̣а’нд̇и.
‘‘Tassa pavatte bhayadassāvissa evaṃ cittaṃ uppajjati ‘santattaṃ kho panetaṃ pavattaṃ sampajjalitaṃ bahudukkhaṃ bahūpāyāsaṃ, yadi koci labhetha appavattaṃ etaṃ santaṃ etaṃ paṇītaṃ, yadidaṃ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbāna’nti. Iti hetaṃ 5 tassa appavatte cittaṃ pakkhandati pasīdati pahaṃsayati tusayati 6‘paṭiladdhaṃ kho me nissaraṇa’nti.
‘‘яат̇аа, махаарааж̇а, бурисо виббанадто вид̣̇зсабагканд̣̇о ниб̣б̣ааханамаг̇г̇ам̣ д̣̇исваа д̇ад̇т̇а багканд̣̇ад̇и басийд̣̇ад̇и бахам̣саяад̇и д̇усаяад̇и 7 ‘бадилад̣̇д̇хо мз ниб̣б̣ааханамаг̇г̇о’д̇и, звамзва ко, махаарааж̇а, бавад̇д̇з бхаяад̣̇ассаависса аббавад̇д̇з жид̇д̇ам̣ багканд̣̇ад̇и басийд̣̇ад̇и бахам̣саяад̇и д̇усаяад̇и 8 ‘бадилад̣̇д̇хам̣ ко мз ниссаран̣а’нд̇и.
‘‘Yathā, mahārāja, puriso vippanaṭṭho videsapakkhando nibbāhanamaggaṃ disvā tattha pakkhandati pasīdati pahaṃsayati tusayati 9 ‘paṭiladdho me nibbāhanamaggo’ti, evameva kho, mahārāja, pavatte bhayadassāvissa appavatte cittaṃ pakkhandati pasīdati pahaṃsayati tusayati 10 ‘paṭiladdhaṃ kho me nissaraṇa’nti.
‘‘со аббавад̇д̇ад̇т̇ааяа маг̇г̇ам̣ ааяуухад̇и г̇авзсад̇и бхаавзд̇и б̣ахулийгарод̇и, д̇асса д̇ад̣̇ад̇т̇ам̣ сад̇и санд̇идтад̇и, д̇ад̣̇ад̇т̇ам̣ вийрияам̣ санд̇идтад̇и, д̇ад̣̇ад̇т̇ам̣ бийд̇и санд̇идтад̇и, д̇асса д̇ам̣ жид̇д̇ам̣ абараабарам̣ манасигарод̇о бавад̇д̇ам̣ самад̇иггамид̇ваа аббавад̇д̇ам̣ оггамад̇и, аббавад̇д̇амануббад̇д̇о, махаарааж̇а, саммаабадибанно ‘ниб̣б̣аанам̣ сажчигарод̇ий’д̇и вужжад̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘So appavattatthāya maggaṃ āyūhati gavesati bhāveti bahulīkaroti, tassa tadatthaṃ sati santiṭṭhati, tadatthaṃ vīriyaṃ santiṭṭhati, tadatthaṃ pīti santiṭṭhati, tassa taṃ cittaṃ aparāparaṃ manasikaroto pavattaṃ samatikkamitvā appavattaṃ okkamati, appavattamanuppatto, mahārāja, sammāpaṭipanno ‘nibbānaṃ sacchikarotī’ti vuccatī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ниб̣б̣аанасажчигаран̣абан̃хо згаад̣̇асамо.
Nibbānasacchikaraṇapañho ekādasamo.
Footnotes:
