| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
19. нхаанагаббанид̣̇д̣̇зсаван̣н̣анаа
19. Nhānakappaniddesavaṇṇanā
168. габбанам̣ габбияад̇аа габбо, нхаанз габбо нхаанагаббо. наваго т̇зраанам̣ бурад̇о убари ваа на жа нхааязяяаад̇и самб̣анд̇хо. на жаад̇и наязва. бурад̇од̇и абхимукз. убарийд̇и над̣̇ияаа убари.
168. Kappanaṃ kappiyatā kappo, nhāne kappo nhānakappo. Navako therānaṃ purato upari vā na ca nhāyeyyāti sambandho. Na cāti nayeva. Puratoti abhimukhe. Uparīti nadiyā upari.
169-171. гуддад̇т̇амбхад̇аруддаанз гааяам̣ на гхам̣саязд̇и самб̣анд̇хо. д̇ад̇т̇а гуддам̣ наама идтагад̣̇аарусилаабхид̇д̇и. т̇амбхо наама нахаанад̇ид̇т̇з никанид̇ваа табид̇о. д̇арууд̇и ругко. аддаанам̣ наама д̇ажчзд̇ваа адтабад̣̇аагаарзна рааж̇ияо чинд̣̇ид̇ваа нахаанад̇ид̇т̇з никаад̇апалагам̣. г̇анд̇хаб̣б̣ахад̇т̇зна ваа…бз… маллагзна ваа гааяам̣ сарийрзна ваа ан̃н̃аман̃н̃ам̣ на гхам̣саязд̇и самб̣анд̇хо. г̇анд̇хаб̣б̣ахад̇т̇знаад̇и д̣̇аарумаяахад̇т̇зна. гурувинд̣̇агасуд̇д̇ияаад̇и гурувинд̣̇агабаасаан̣ажун̣н̣аани лаакааяа б̣анд̇хид̇ваа гад̇аг̇ул̣игаавалияаа суд̇д̇зна аавун̣ид̇асуд̇д̇ияаа. маллагзнаад̇и магарад̣̇анд̇агз чинд̣̇ид̇ваа бад̣̇умаган̣н̣игасан̣таанзна гад̇амаллагзна. сарийрзнаад̇и ад̇д̇ано гааязна. ан̃н̃аман̃н̃асса ан̃н̃аман̃н̃ам̣ гирияаагаран̣асан̇каад̇з гирияааб̣яабхихаарз д̣̇вид̇д̇ам̣. габаала…бз… бут̇убаан̣и жа саб̣б̣зсам̣ ваддад̇ийд̇и самб̣анд̇хо. габаалан̃жа идтагаа жа, д̇аасам̣ кан̣д̣аани. бут̇убаан̣ийд̇и бут̇у наанаа баан̣и бут̇убаан̣и, хад̇т̇абаригаммам̣ рул̣хийвасзна. саб̣б̣зсанд̇и г̇илаанааг̇илаанаанам̣. г̇илаанасса агад̇амаллагам̣ ваддад̇ийд̇и самб̣анд̇хо. агад̇амаллагам̣ наама гад̇амаллагавибарийд̇ам̣. пзн̣ам̣ наама самуд̣̇д̣̇апзн̣анд̇и.
169-171. Kuṭṭatthambhataruṭṭāne kāyaṃ na ghaṃsayeti sambandho. Tattha kuṭṭaṃ nāma iṭṭhakadārusilābhitti. Thambho nāma nahānatitthe nikhanitvā ṭhapito. Tarūti rukkho. Aṭṭānaṃ nāma tacchetvā aṭṭhapadākārena rājiyo chinditvā nahānatitthe nikhātaphalakaṃ. Gandhabbahatthena vā…pe… mallakena vā kāyaṃ sarīrena vā aññamaññaṃ na ghaṃsayeti sambandho. Gandhabbahatthenāti dārumayahatthena. Kuruvindakasuttiyāti kuruvindakapāsāṇacuṇṇāni lākhāya bandhitvā kataguḷikāvaliyā suttena āvuṇitasuttiyā. Mallakenāti makaradantake chinditvā padumakaṇṇikasaṇṭhānena katamallakena. Sarīrenāti attano kāyena. Aññamaññassa aññamaññaṃ kiriyākaraṇasaṅkhāte kiriyābyabhihāre dvittaṃ. Kapāla…pe… puthupāṇi ca sabbesaṃ vaṭṭatīti sambandho. Kapālañca iṭṭhakā ca, tāsaṃ khaṇḍāni. Puthupāṇīti puthu nānā pāṇi puthupāṇi, hatthaparikammaṃ ruḷhīvasena. Sabbesanti gilānāgilānānaṃ. Gilānassa akatamallakaṃ vaṭṭatīti sambandho. Akatamallakaṃ nāma katamallakaviparītaṃ. Pheṇaṃ nāma samuddapheṇanti.
нхаанагаббанид̣̇д̣̇зсаван̣н̣анаа нидтид̇аа.
Nhānakappaniddesavaṇṇanā niṭṭhitā.
