| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
19. ந்ஹானகப்பனித்³தே³ஸவண்ணனா
19. Nhānakappaniddesavaṇṇanā
168. கப்பனங் கப்பியதா கப்போ, ந்ஹானே கப்போ ந்ஹானகப்போ. நவகோ தே²ரானங் புரதோ உபரி வா ந ச ந்ஹாயெய்யாதி ஸம்ப³ந்தோ⁴. ந சாதி நயேவ. புரதோதி அபி⁴முகே². உபரீதி நதி³யா உபரி.
168. Kappanaṃ kappiyatā kappo, nhāne kappo nhānakappo. Navako therānaṃ purato upari vā na ca nhāyeyyāti sambandho. Na cāti nayeva. Puratoti abhimukhe. Uparīti nadiyā upari.
169-171. குட்டத்த²ம்ப⁴தருட்டானே காயங் ந க⁴ங்ஸயேதி ஸம்ப³ந்தோ⁴. தத்த² குட்டங் நாம இட்ட²கதா³ருஸிலாபி⁴த்தி. த²ம்போ⁴ நாம நஹானதித்தே² நிக²னித்வா ட²பிதோ. தரூதி ருக்கோ². அட்டானங் நாம தச்செ²த்வா அட்ட²பதா³காரேன ராஜியோ சி²ந்தி³த்வா நஹானதித்தே² நிகா²தப²லகங். க³ந்த⁴ப்³ப³ஹத்தே²ன வா…பே॰… மல்லகேன வா காயங் ஸரீரேன வா அஞ்ஞமஞ்ஞங் ந க⁴ங்ஸயேதி ஸம்ப³ந்தோ⁴. க³ந்த⁴ப்³ப³ஹத்தே²னாதி தா³ருமயஹத்தே²ன. குருவிந்த³கஸுத்தியாதி குருவிந்த³கபாஸாணசுண்ணானி லாகா²ய ப³ந்தி⁴த்வா கதகு³ளிகாவலியா ஸுத்தேன ஆவுணிதஸுத்தியா. மல்லகேனாதி மகரத³ந்தகே சி²ந்தி³த்வா பது³மகண்ணிகஸண்டா²னேன கதமல்லகேன. ஸரீரேனாதி அத்தனோ காயேன. அஞ்ஞமஞ்ஞஸ்ஸ அஞ்ஞமஞ்ஞங் கிரியாகரணஸங்கா²தே கிரியாப்³யபி⁴ஹாரே த்³வித்தங். கபால…பே॰… புது²பாணி ச ஸப்³பே³ஸங் வட்டதீதி ஸம்ப³ந்தோ⁴. கபாலஞ்ச இட்ட²கா ச, தாஸங் க²ண்டா³னி. புது²பாணீதி புது² நானா பாணி புது²பாணி, ஹத்த²பரிகம்மங் ருள்ஹீவஸேன. ஸப்³பே³ஸந்தி கி³லானாகி³லானானங். கி³லானஸ்ஸ அகதமல்லகங் வட்டதீதி ஸம்ப³ந்தோ⁴. அகதமல்லகங் நாம கதமல்லகவிபரீதங். பே²ணங் நாம ஸமுத்³த³பே²ணந்தி.
169-171. Kuṭṭatthambhataruṭṭāne kāyaṃ na ghaṃsayeti sambandho. Tattha kuṭṭaṃ nāma iṭṭhakadārusilābhitti. Thambho nāma nahānatitthe nikhanitvā ṭhapito. Tarūti rukkho. Aṭṭānaṃ nāma tacchetvā aṭṭhapadākārena rājiyo chinditvā nahānatitthe nikhātaphalakaṃ. Gandhabbahatthena vā…pe… mallakena vā kāyaṃ sarīrena vā aññamaññaṃ na ghaṃsayeti sambandho. Gandhabbahatthenāti dārumayahatthena. Kuruvindakasuttiyāti kuruvindakapāsāṇacuṇṇāni lākhāya bandhitvā kataguḷikāvaliyā suttena āvuṇitasuttiyā. Mallakenāti makaradantake chinditvā padumakaṇṇikasaṇṭhānena katamallakena. Sarīrenāti attano kāyena. Aññamaññassa aññamaññaṃ kiriyākaraṇasaṅkhāte kiriyābyabhihāre dvittaṃ. Kapāla…pe… puthupāṇi ca sabbesaṃ vaṭṭatīti sambandho. Kapālañca iṭṭhakā ca, tāsaṃ khaṇḍāni. Puthupāṇīti puthu nānā pāṇi puthupāṇi, hatthaparikammaṃ ruḷhīvasena. Sabbesanti gilānāgilānānaṃ. Gilānassa akatamallakaṃ vaṭṭatīti sambandho. Akatamallakaṃ nāma katamallakaviparītaṃ. Pheṇaṃ nāma samuddapheṇanti.
ந்ஹானகப்பனித்³தே³ஸவண்ணனா நிட்டி²தா.
Nhānakappaniddesavaṇṇanā niṭṭhitā.
