| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
19. ந்ஹானகப்பனித்³தே³ஸவண்ணனா
19. Nhānakappaniddesavaṇṇanā
168. புரதோதி (சூளவ॰ 372) தே²ரானங் புரதோ உபரி வா ந ச ந்ஹாயெய்யாதி அத்தோ².
168.Puratoti (cūḷava. 372) therānaṃ purato upari vā na ca nhāyeyyāti attho.
169-171. குட்டத்த²ம்ப⁴தருட்டானேதி எத்த² (சூளவ॰ 243; சூளவ॰ அட்ட²॰ 243) குட்டே வா த²ம்பே⁴ வா தரும்ஹி வா அட்டானப²லகே வா காயங் ந க⁴ங்ஸயேதி அத்தோ². க³ந்த⁴ப்³ப³ஹத்தோ² நாம மக்கடஹத்த²ஸதி³ஸோ தா³ருஆதி³மயோ. குருவிந்த³கஸுத்தியாதி குருவிந்த³ஸுத்தியா. மல்லகேன வா அஞ்ஞமஞ்ஞங் வா. ‘‘ந பி⁴க்க²வே விக்³க³ய்ஹ பரிகம்மங் காராபேதப்³ப³ங். யோ காராபெய்ய, ஆபத்தி து³க்கடஸ்ஸா’’தி (சூளவ॰ 243) ஏவங் வுத்தங் விக்³க³ஹபரிகம்மங் ஸந்தா⁴ய ‘‘அஞ்ஞமஞ்ஞங் வா’’தி வுத்தங்.
169-171.Kuṭṭatthambhataruṭṭāneti ettha (cūḷava. 243; cūḷava. aṭṭha. 243) kuṭṭe vā thambhe vā tarumhi vā aṭṭānaphalake vā kāyaṃ na ghaṃsayeti attho. Gandhabbahattho nāma makkaṭahatthasadiso dāruādimayo. Kuruvindakasuttiyāti kuruvindasuttiyā. Mallakena vā aññamaññaṃ vā. ‘‘Na bhikkhave viggayha parikammaṃ kārāpetabbaṃ. Yo kārāpeyya, āpatti dukkaṭassā’’ti (cūḷava. 243) evaṃ vuttaṃ viggahaparikammaṃ sandhāya ‘‘aññamaññaṃ vā’’ti vuttaṃ.
இதா³னி கப்பியானி த³ஸ்ஸேதுங் ‘‘கபாலிட்ட²கக²ண்டா³னீ’’திஆதி³மாஹ. ஸப்³பே³ஸங் வட்டதீதி ஸம்ப³ந்தோ⁴ . கி³லானஸ்ஸபி (சூளவ॰ அட்ட²॰ 243) அகி³லானஸ்ஸபி இமானி கபாலிட்ட²கக²ண்டா³தீ³னி காயக⁴ங்ஸனே வட்டந்தி. புது²பாணீதி (சூளவ॰ 244) ஹத்த²பரிகம்மங் வுச்சதி. தஸ்மா ஸப்³பே³ஸங் ஹத்தே²ன பிட்டி²பரிகம்மங் காதுங் வட்டதி. அகதமல்லகங் நாம ஏகதா³டி²மங் பரிச்சி²ந்தி³த்வா கதங். பாஸாணாத³யோ பாத³க⁴ங்ஸனே ஏவ கப்பியா. ந்ஹானகப்பவினிச்ச²யோ.
Idāni kappiyāni dassetuṃ ‘‘kapāliṭṭhakakhaṇḍānī’’tiādimāha. Sabbesaṃ vaṭṭatīti sambandho . Gilānassapi (cūḷava. aṭṭha. 243) agilānassapi imāni kapāliṭṭhakakhaṇḍādīni kāyaghaṃsane vaṭṭanti. Puthupāṇīti (cūḷava. 244) hatthaparikammaṃ vuccati. Tasmā sabbesaṃ hatthena piṭṭhiparikammaṃ kātuṃ vaṭṭati. Akatamallakaṃ nāma ekadāṭhimaṃ paricchinditvā kataṃ. Pāsāṇādayo pādaghaṃsane eva kappiyā. Nhānakappavinicchayo.
ந்ஹானகப்பனித்³தே³ஸவண்ணனா நிட்டி²தா.
Nhānakappaniddesavaṇṇanā niṭṭhitā.
