| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਭਿਧਮ੍ਮਪਿਟਕੇ
Abhidhammapiṭake
ਪਞ੍ਚਪਕਰਣ-ਅਟ੍ਠਕਥਾ
Pañcapakaraṇa-aṭṭhakathā
ਧਾਤੁਕਥਾ-ਅਟ੍ਠਕਥਾ
Dhātukathā-aṭṭhakathā
ਅਟ੍ਠਾਰਸਹਿ ਭੇਦੇਹਿ, વਿਭਙ੍ਗਂ ਮਾਰਭਞ੍ਜਨੋ।
Aṭṭhārasahi bhedehi, vibhaṅgaṃ mārabhañjano;
ਦੇਸਯਿਤ੍વਾ ਮਹਾવੀਰੋ, ਯਂ ਤਸ੍ਸੇવ ਅਨਨ੍ਤਰਂ॥
Desayitvā mahāvīro, yaṃ tasseva anantaraṃ.
ਅਦੇਸਯਿ ਧਾਤੁਕਥਂ, ਧਾਤੁਭੇਦਪ੍ਪਕਾਸਨੋ।
Adesayi dhātukathaṃ, dhātubhedappakāsano;
ਤਸ੍ਸਤ੍ਥਂ ਦੀਪਯਿਸ੍ਸਾਮਿ, ਤਂ ਸੁਣਾਥ ਸਮਾਹਿਤਾਤਿ॥
Tassatthaṃ dīpayissāmi, taṃ suṇātha samāhitāti.
੧. ਮਾਤਿਕਾવਣ੍ਣਨਾ
1. Mātikāvaṇṇanā
੧. ਨਯਮਾਤਿਕਾવਣ੍ਣਨਾ
1. Nayamātikāvaṇṇanā
੧. ਸਙ੍ਗਹੋ ਅਸਙ੍ਗਹੋਤਿਆਦੀਨਞ੍ਹਿ વਸੇਨ ਇਦਂ ਪਕਰਣਂ ਚੁਦ੍ਦਸવਿਧੇਨ વਿਭਤ੍ਤਨ੍ਤਿ વੁਤ੍ਤਂ। ਤਂ ਸਬ੍ਬਮ੍ਪਿ ਉਦ੍ਦੇਸਨਿਦ੍ਦੇਸਤੋ ਦ੍વਿਧਾ ਠਿਤਂ। ਤਤ੍ਥ ਮਾਤਿਕਾ ਉਦ੍ਦੇਸੋ। ਸਾ ਪਞ੍ਚવਿਧਾ – ਨਯਮਾਤਿਕਾ, ਅਬ੍ਭਨ੍ਤਰਮਾਤਿਕਾ, ਨਯਮੁਖਮਾਤਿਕਾ, ਲਕ੍ਖਣਮਾਤਿਕਾ, ਬਾਹਿਰਮਾਤਿਕਾਤਿ। ਤਤ੍ਥ ਸਙ੍ਗਹੋ ਅਸਙ੍ਗਹੋ…ਪੇ॰… વਿਪ੍ਪਯੁਤ੍ਤੇਨ ਸਙ੍ਗਹਿਤਂ ਅਸਙ੍ਗਹਿਤਨ੍ਤਿ – ਅਯਂ ਚੁਦ੍ਦਸਹਿ ਪਦੇਹਿ ਨਿਕ੍ਖਿਤ੍ਤਾ ਨਯਮਾਤਿਕਾ ਨਾਮ। ਅਯਞ੍ਹਿ ਇਮਿਨਾ ਸਙ੍ਗਹਾਦਿਕੇਨ ਨਯੇਨ ਧਾਤੁਕਥਾ ਧਮ੍ਮਾ વਿਭਤ੍ਤਾਤਿ ਦਸ੍ਸੇਤੁਂ ਠਪਿਤਤ੍ਤਾ ਨਯਮਾਤਿਕਾਤਿ વੁਚ੍ਚਤਿ। ਏਤੇਸਂ ਪਦਾਨਂ ਮੂਲਭੂਤਤ੍ਤਾ ਮੂਲਮਾਤਿਕਾਤਿਪਿ વਤ੍ਤੁਂ વਟ੍ਟਤਿ।
1. Saṅgahoasaṅgahotiādīnañhi vasena idaṃ pakaraṇaṃ cuddasavidhena vibhattanti vuttaṃ. Taṃ sabbampi uddesaniddesato dvidhā ṭhitaṃ. Tattha mātikā uddeso. Sā pañcavidhā – nayamātikā, abbhantaramātikā, nayamukhamātikā, lakkhaṇamātikā, bāhiramātikāti. Tattha saṅgaho asaṅgaho…pe… vippayuttena saṅgahitaṃ asaṅgahitanti – ayaṃ cuddasahi padehi nikkhittā nayamātikā nāma. Ayañhi iminā saṅgahādikena nayena dhātukathā dhammā vibhattāti dassetuṃ ṭhapitattā nayamātikāti vuccati. Etesaṃ padānaṃ mūlabhūtattā mūlamātikātipi vattuṃ vaṭṭati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੧. ਨਯਮਾਤਿਕਾ • 1. Nayamātikā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਨਯਮਾਤਿਕਾવਣ੍ਣਨਾ • 1. Nayamātikāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਨਯਮਾਤਿਕਾવਣ੍ਣਨਾ • 1. Nayamātikāvaṇṇanā
