| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೪. ನವಸುತ್ತವಣ್ಣನಾ
4. Navasuttavaṇṇanā
೨೩೮. ಅಭಿಚೇತಸಿ ನಿಸ್ಸಿತಾ ಆಭಿಚೇತಸಿಕಾ। ಪಟಿಪಕ್ಖವಿಧಮನೇನ ಅಭಿವಿಸಿಟ್ಠಂ ಚಿತ್ತಂ ಅಭಿಚಿತ್ತಂ। ಯಸ್ಮಾ ಝಾನಾನಂ ತಂಸಮ್ಪಯುತ್ತಂ ಚಿತ್ತಂ ನಿಸ್ಸಾಯ ಪಚ್ಚಯೋ ಹೋತಿಯೇವ, ತಸ್ಮಾ ‘‘ನಿಸ್ಸಿತಾನ’’ನ್ತಿ ವುತ್ತಂ। ನಿಕಾಮಲಾಭೀತಿ ಯಥಿಚ್ಛಿತಲಾಭೀ । ಯಥಾಪರಿಚ್ಛೇದೇನಾತಿ ಯಥಾಕತೇನ ಕಾಲಪರಿಚ್ಛೇದೇನ। ವಿಪುಲಲಾಭೀತಿ ಅಪ್ಪಮಾಣಲಾಭೀ। ‘‘ಕಸಿರ’’ನ್ತಿ ಹಿ ಪರಿತ್ತಂ ವುಚ್ಚತಿ, ತಪ್ಪಟಿಪಕ್ಖೇನ ಅಕಸಿರಂ ಅಪ್ಪಮಾಣಂ। ತೇನಾಹ ‘‘ಪಗುಣಜ್ಝಾನೋತಿ ಅತ್ಥೋ’’ತಿ। ಸಿಥಿಲಮಾರಬ್ಭಾತಿ ಸಿಥಿಲಂ ವೀರಿಯಾರಮ್ಭಂ ಕತ್ವಾತಿ ಅತ್ಥೋತಿ ಆಹ ‘‘ಸಿಥಿಲಂ ವೀರಿಯಂ ಪವತ್ತೇತ್ವಾ’’ತಿ।
238. Abhicetasi nissitā ābhicetasikā. Paṭipakkhavidhamanena abhivisiṭṭhaṃ cittaṃ abhicittaṃ. Yasmā jhānānaṃ taṃsampayuttaṃ cittaṃ nissāya paccayo hotiyeva, tasmā ‘‘nissitāna’’nti vuttaṃ. Nikāmalābhīti yathicchitalābhī . Yathāparicchedenāti yathākatena kālaparicchedena. Vipulalābhīti appamāṇalābhī. ‘‘Kasira’’nti hi parittaṃ vuccati, tappaṭipakkhena akasiraṃ appamāṇaṃ. Tenāha ‘‘paguṇajjhānoti attho’’ti. Sithilamārabbhāti sithilaṃ vīriyārambhaṃ katvāti atthoti āha ‘‘sithilaṃ vīriyaṃ pavattetvā’’ti.
ನವಸುತ್ತವಣ್ಣನಾ ನಿಟ್ಠಿತಾ।
Navasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ನವಸುತ್ತಂ • 4. Navasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ನವಸುತ್ತವಣ್ಣನಾ • 4. Navasuttavaṇṇanā
